Womusu 18:50 - Bibeli Gusunɔn Gari

⁵⁰ Yen sɔ̃nɑ kon womusu ko kɑ wunɛn yĩsiru. Wunɑ kon siɑrɑ bwesenun suunu sɔɔ.

Womusu 18:50 ပူးပေါင်းရင်းမြစ်များ

Sɑmuɛli II 7:13

Wiyɑ u koo mɑn diru bɑniɑ u kɑ nɛn yĩsiru bɛɛrɛ wɛ̃, kpɑ n win sinɑ ɡɔnɑ swĩi sere kɑ bɑɑdommɑɔ.

Bɑndun Gɑri I 17:27

Ǹ n mɛn nɑ, ɑ nɛn bweseru domɑru kuo, kpɑ tɑ n bɑndu dii sere kɑ bɑɑdommɑɔ wunɛn wuswɑɑɔ. Ye ɑ domɑru kuɑ, yɑ ko n mɑɑ domɑru mɔwɑ sere kɑ bɑɑdommɑɔ.

Womusu 132:10

A ku wi ɑ ɡɔsɑ yinɑ Dɑfidi wunɛn sɔm kowon sɔ̃.

Womusu 144:10

wunɛ wi ɑ rɑ sinɑmbu fɑɑbɑ ko, kpɑ ɑ nɛ, Dɑfidi wunɛn sɔm kowo yɑrɑ tɑkobi ɡɔɔɡiɑn di.

Womusu 57:10

Yinni Gusunɔ, kon nun siɑrɑ tɔmbun suunu sɔɔ, kpɑ n mɑɑ nun tɔmɑ kɑ womusu.

Luku 1:69

Mɑ u kɑ sun Fɑɑbɑ kowo dɑmɡii nɑɑwɑ wi u sɑ̃ɑ Dɑfidi win sɔm kowon sikɑdobu.

Romu 1:3

Win Biiwɑ yɑ kɑ yɑ̃, Yesu Kirisi bɛsɛn Yinni wi bɑ mɑrɑ nɡe tɔnu Dɑfidi sinɑ bokon bweseru sɔɔ.

Romu 11:29

Domi Gusunɔ ù n tɔnu sokɑ, u nùn sokɑwɑ. Ù n nùn kɛ̃ru wɛ̃, u nùn wɛ̃wɑ. U ku rɑ ɡɔ̃ru ɡɔsie.

Gɑlɑti 3:16

Tɛ̃, Aburɑhɑmu kɑ win sikɑdobuwɑ Gusunɔ u nɔɔ mwɛɛru kuɑ. Bɑ ǹ ɡeruɑ sikɑdominu nɡe bɑ kɑ tɔn dɑbinu yɑ̃. Adɑmɑ bɑ ɡeruɑ sikɑdobu, yen tubusiɑnɑ tɔn turo tɔnɑ, wi u sɑ̃ɑ Kirisi wi.

Sɑmuɛli I 16:1

Yinni Gusunɔ u Sɑmuɛli sɔ̃ɔwɑ u nɛɛ, sere sɑɑ yerɑ̀ kɑɑ n wɑ̃ɑ ɑ n Sɔɔlu swĩiyɑmmɛ. Domi nɑ nùn bɑndu yɑrɑ. U ǹ mɑɑ kpɛ̃ u bɑndu di Isirelibɑ sɔɔ. Yen sɔ̃, ɑ ɡum yibio wunɛn kɔbɑ ye sɔɔ kpɑ n nun ɡɔri ɑ dɑ Isɑi, Bɛtelehɛmuɡiin mi. Domi nɑ win bii turo ɡɔsɑ u kɑ ko sunɔ wi nɑ kĩ.

Sɑmuɛli I 2:10

Yinni Gusunɔ u koo win yibɛrɛbɑ kɔsuku muku muku kɑ ɡuru kpenu. U koo hɑnduniɑ kpuro siri. U koo wi u ɡɔsɑ ko sunɔ, kpɑ u nùn dɑm wɛ̃.