Womusu 18:3 - Bibeli Gusunɔn Gari

³ A sɑ̃ɑwɑ nɡe kpee bɑɑ yè sɔɔ kon kuke. A sɑ̃ɑwɑ nɛn kuku yee nɑɑnɛɡiru. Wunɑ ɑ sɑ̃ɑ nɛn Yinni wi u mɑn yɑkiɑ. Wunɑ ɑ sɑ̃ɑ nɛn tɛrɛru. Wunɛn dɑmɑ mu mɑn wɔrɑ. Wunɑ ɑ sɑ̃ɑ nɛn kɑ̀rì.

Womusu 18:3 ပူးပေါင်းရင်းမြစ်များ

Sɑmuɛli II 22:4

I Yinni Gusunɔ siɑro. Nɑ̀ n nùn nɔɔɡiru sue nɑ fɑɑbɑ kɑnɑ, u rɑ mɑn wɔrewɑ nɛn yibɛrɛbɑn nɔmɑn di.

Nɛɛmi 9:5

Yerɑ Lefi beni, Yosue kɑ Kɑdimiɛli kɑ Bɑni kɑ Asɑbiniɑ kɑ Serebiɑ kɑ Hodiyɑ kɑ Sebɑniɑ kɑ Petɑyɑ bɑ nɛɛ, i seewo i Gusunɔ bɛsɛn Yinni siɑrɑ sere kɑ bɑɑdommɑɔ. Bɑɑwure u nùn siɑro win yĩsi bɛɛrɛɡirun sɔ̃, bɑɑ mɛ i ǹ ɡɑri yɛ̃ yi i ko i kɑ nùn siɑrɑ.

Womusu 144:1

Womu ɡe Dɑfidi u kuɑ. Ge wee. Yinni Gusunɔ, nɑ nun siɑrɑ wunɛ wi ɑ sɑ̃ɑ nɡe nɛn kpee bɑɑ. Wunɑ ɑ rɑ mɑn tɑbu sɔ̃ɔsi.

Womusu 145:3

Yinni Gusunɔ, ɑ kpɑ̃. Wunɑ n weenɛ bu siɑrɑ. Wunɛn kpɑ̃ɑru tɑ ǹ nɔru mɔ.

Womusu 3:4

Adɑmɑ nɛ, nɑ nɛɛ, wunɑ ɑ rɑ mɑn ɡɑnɛ nɡe tɛrɛru, wunɑ ɑ rɑ mɑn nɑsɑrɑ wɛ̃, wunɑ ɑ rɑ mɑn sekuru yɑre.

Womusu 31:4

A mɑn kpɑro kpɑ bu wɑ mɑ ɑ nɑɑnɛ mɔ, kpɑ nɑ n kukuɑ wunɛn mi.

Womusu 48:1

Womu ɡe Koren bibu bɑ kuɑ. Ge wee.

Womusu 50:15

A mɑn sokuo sɑnɑm mɛ ɑ nuki sɑnkire. Sɑɑ ye sɔɔ, kon nun wurɑri, kpɑ ɑ mɑn bɛɛrɛ wɛ̃.

Womusu 55:16

A de ɡɔɔ u tɔn kɔ̃sobu sɛ̃re subɑru sɔɔ, kpɑ bu dɑ ɡɔribun wɑ̃ɑ yerɔ wɑsiru. Domi nuku kɔ̃surɑ yibɑ ben swɑɑ sɔɔ.

Womusu 62:3

Wunɑ ɑ mɑɑ sɑ̃ɑ nɛn kperu tèn mi nɑ rɑ kuke n kɑ fɑɑbɑ wɑ. Wunɑ ɑ sɑ̃ɑ nɛn kuku yee bɑkɑru. A ǹ derimɔ nɛn nɑɑsu su sokurɑ.

Womusu 62:8

Gusunɔ, wunɑ ɑ rɑ mɑn fɑɑbɑ ko, kpɑ ɑ de nɑ n bɛɛrɛ mɔ. Wunɑ nɛn kuku yee dɑmɡiru.

Womusu 71:3

A de ɑ n sɑ̃ɑ nɛn kpee bɑɑ mi kon kuke. Kpɑ nɑ n wɑ̃ɑ mi bɑɑdommɑ. Wunɑ ɑ ɡɔ̃ru doke ɑ mɑn fɑɑbɑ ko. Domi ɑ sɑ̃ɑwɑ nɛn kuku yeru nɡe kpee bɑɑ dɑmɡiɑ.

Womusu 76:4

Miyɑ u tɑbu yɑ̃nu bɔɔkɑ. Niyɑ, sɛ̃ɛnu kɑ tɛrɛnu kɑ tɑkobibɑ.

Womusu 91:15

Ù n mɑn sokɑ kon nùn wurɑri. Ko nɑ n wɑ̃ɑ kɑ wi nɔni swɑ̃ɑrun sɑɑ. Kon nùn yɑkiɑ kpɑ n nùn bɛɛrɛ wɛ̃.

Womusu 91:2

Kon Yinni Gusunɔ sɔ̃ mɑ wiyɑ nɛn kuku yeru kɑ nɛn kɑ̀rì. Wiyɑ nɛn Yinni wi nɑ nɑɑnɛ sɑ̃ɑ.

Womusu 96:4

Domi wi, Yinni Gusunɔ u kpɑ̃. Wiyɑ bɑ koo bɛɛrɛ wɛ̃. U bũnu kpuro dɑm kere.

Yeremi 16:19

Yeremi u nɛɛ, Yinni Gusunɔ, ɑ sɑ̃ɑwɑ nɛn dɑm kɑ nɛn kuku yee dɑmɡiru, nɔni swɑ̃ɑrun sɑɑ. Wunɛn miyɑ hɑnduniɑn ɡoonu nnɛ kpuron tɔmbu bɑ koo nɑ, kpɑ bu nɛɛ, weesɑ ben bɑɑbɑbɑ bɑ swĩi. Ben bũnu nu ǹ ɡɑ̃ɑnu sosi, nu sɑ̃ɑwɑ kɑm dirum.

Gɔrobun Kookoosu 2:21

Adɑmɑ bɑɑwure wi u Yinnin yĩsiru sokɑ dɔmɑ te, u koo fɑɑbɑ wɑ.”

Kɑ̃siru 4:11

Gusunɔ bɛsɛn Yinni, wunɑ ɑ dɑm kɑ yiiko mɔ, wunɑ sɑ ko bɛɛrɛ wɛ̃. Domi wunɑ ɑ ɡɑ̃ɑnu kpuro tɑkɑ kuɑ. Wunɛn kĩrun sɑɑbuwɑ nu kɑ wɑ̃ɑ nu wɑsi. Ten sɑɑbuwɑ nu mɑɑ kɑ tɑkɑ koorɑ.