Womusu 18:21 - Bibeli Gusunɔn Gari

²¹ U mɑn domɑru kuɑ yèn sɔ̃ nɑ dɛɛre. U mɑn domɑru kuɑ yèn sɔ̃ nɑ ɡem swĩi.

Womusu 18:21 ပူးပေါင်းရင်းမြစ်များ

Bɑndun Gɑri II 20:32

Yosɑfɑti u win tundo Asɑn yirɑ swĩiwɑ mɑm mɑm. Geɑ u kuɑ Yinni Gusunɔn wuswɑɑɔ.

Bɑndun Gɑri II 34:33

Yosiɑsi u bũnun bwɑ̃ɑrokunu kɔsukɑ ni Isirelibɑ bɑ wɑɑmɑ tem tukum di. Mɑ u be bɑ wɑ̃ɑ Isireliɔ kpuro tilɑsi kuɑ bu kɑ Gusunɔ ben Yinni sɑ̃. Win wɑ̃ɑrun tɔ̃ru kpuro sɔɔ, bɑ ǹ ɡɛre Yinni Gusunɔn yirɑn di.

Womusu 119:102

Nɑ ku rɑ de wunɛn woodɑbɑ bu kɑ mɑn tondɑ. Domi wunɑ ɑ mɑn keu sɔ̃ɔsimɔ.

Womusu 17:4

A wɑ mɑ nɛn dɑɑ yɑ ǹ tiɑ kɑ ɡɑbuɡiɑ. Nɑ wunɛn ɡɑri mɛm nɔɔwɑ. Nɑ ǹ tɔn kɔ̃sobun yirɑ swĩi.

Womusu 26:1

Dɑfidin womu. Yinni Gusunɔ, wunɑ nɑ nɑɑnɛ sɑ̃ɑ mɑm mɑm. Nɑ sĩimɔwɑ dee dee wunɛn woodɑbɑ sɔɔ. A mɑn ɡem wɛ̃ɛyɔ.

Womusu 7:9

Yinni Gusunɔ, wunɑ kɑɑ tɔmbu siri. A mɑn sirio nɡe mɛ nɛn dɛɛrɑrɑ nɛ. A mɑn nɛn ɡem wɛ̃ɛyɔ.

Mɔnnu 8:32

Ǹ n mɛn nɑ, nɛn bii durɔminu, i mɑn swɑɑ dɑkio. Doo nɔɔruɡibɑ be bɑ nɛn swɑɑ swĩi.

Dɑniɛli 6:23

Gusunɔ nɛn Yinni u win ɡɔrɑdo ɡɔrimɑ u ɡbee sinɑn sin nɔsu bɔkuɑ. Su ǹ mɑn mɛɛrɑ ɡɑɑ kue domi u wɑ mɑ nɑ ǹ torɑru ɡɑru kue win wuswɑɑɔ kɑ mɑɑ wunɛn wuswɑɑɔ.

Gɔrobun Kookoosu 24:16

Yen sɔ̃nɑ nɑ hɑniɑ mɔ̀ bɑɑdommɑ, kpɑ nɛn ɡɔ̃ru ɡu ku mɑn tɑɑrɛ wɛ̃ Gusunɔn wuswɑɑɔ kɑ mɑɑ tɔmbun wuswɑɑɔ.

Tɛsɑlonikɑ I 2:10

Bɛɛyɑ i sɑ̃ɑ bɛsɛn seedɑɡibu kɑ mɑɑ Gusunɔn tii, mɑ bɛsɛn dɑɑ yɑ dɛɛre bɛɛ nɑɑnɛ dokeobun wuswɑɑɔ, yɑ mɑɑ sɑ̃ɑ dee dee, yɑ ǹ tɑɑrɛ ɡɑɑ mɔ.

Yohɑnu I 2:19

Bɛsɛn suunu sɔɔn diyɑ bɑ yɑrɑ, ɑdɑmɑ bɑ ǹ sɑ̃ɑ bɛsɛɡibu. Domi bɑ̀ n dɑɑ sɑ̃ɑn nɑ bɛsɛɡibu, bɑ ko n dɑɑ wɑ̃ɑ kɑ bɛsɛ. Adɑmɑ bɑ yɑrɑ, mɑ yɑ sɔ̃ɔsirɑ mɑ be kpuro bɑ ǹ dɑɑ sɑ̃ɑwɑ bɛsɛɡibu kɑ ɡem.

Sɑmuɛli I 15:11

nɛn nukurɑ sɑnkirɑ ye nɑ kɑ Sɔɔlu kuɑ sunɔ. Domi u mɑn biru kisi, u ǹ nɛn ɡere mɛm nɔɔwɛ. Ye Sɑmuɛli u ɡɑri yi nuɑ, yerɑ u mɔru kuɑ ɡem ɡem, mɑ u Yinni Gusunɔ nɔɔɡiru sue wɔ̃ku ɡiriru.