Womusu 18:20 - Bibeli Gusunɔn Gari

²⁰ U mɑn wɔrɑ ben nɔmɑn di, nɑ n kɑ tii mɔ, domi u mɑn kĩ.

Womusu 18:20 ပူးပေါင်းရင်းမြစ်များ

Yoobu 22:30

U koo mɑm tɑɑrɛɡii yɑrɑ kɔ̃sɑn di, wunɛn dɛɛrɑrun sɔ̃.

Yoobu 36:16

Yoobu, mɛyɑ u koo nun yɑrɑ wɑhɑlɑn di, kpɑ u de ɑ n bɔri yɛndu mɔ tɑ n kpɑ̃. Kpɑ u mɑɑ de ɑ n dĩɑ ɡeenu yibɑ ɑ n dimɔ.

Womusu 118:5

Nɛn nuku sɑnkirɑnu sɔɔ, nɑ Yinni Gusunɔ somiru kɑnɑ. U nɛn kɑnɑru nuɑ, mɑ u mɑn yɑrɑ.

Womusu 18:24

Nɑ nɛn tii nɛnuɑ kpɑ n ku rɑ kɑ durum ko. Nɑ sɑ̃ɑwɑ dee dee win wuswɑɑɔ.

Womusu 24:4

Wi u koo yɔ mi, wiyɑ wìn ɡɔ̃ru ɡɑ dɛɛre. Wiyɑ wìn nɔmɑ yɑ sɑ̃re. Wiyɑ wi u ku rɑ weesu swĩi. Wiyɑ wi u ku rɑ bɔ̃re u kɑ tɔnu nɔni wɔ̃ke.

Womusu 26:6

Nɑ rɑ nɛn nɔmɑ niɛwɑ n kɑ sɔ̃ɔsi mɑ nɑ ǹ tɑɑrɛ mɔ. Nɑ rɑ de n nun sɑ̃ nɑ n wunɛn yɑ̃ku yeru sikerenɑmɔ,

Womusu 31:9

A mɑn wɔrɑ yibɛrɛbɑn nɔmɑn di. Wee ɑ derɑ nɑ tii mɔ.

Womusu 58:11

Adɑmɑ ɡemɡii u ko n nuku dobu mɔwɑ ù n wɑ bɑ nùn mɔru bɑrɑ. U koo win nɑɑsu kpɑkiɑ tɔn kɔ̃sobun yɛm sɔɔ,

Womusu 7:3

Kpɑ bu ku rɑɑ mɑn mwɑ bu kɑsuku nɡe mɛ ɡbee sunɔ ɡɑ rɑ yɑɑ kɑsuku, ɡoo u kun ye wɔre.

Womusu 7:8

Yinni Gusunɔ, wee ɑ sɔ̃ wunɛn sinɑ ɡɔnɑɔ. A de bwesenu nu mɛnnɑmɑ mi. A de ɑ nu siri mi.

Mɔnnu 11:18

Tɔn kɔ̃son sɔmburun ɑre kun ɑrufɑɑni mɔ, ɑdɑmɑ wi u ɡem swĩi, ɑre ɡeeyɑ u rɑ n mɔ.

Esɑi 49:4

Adɑmɑ nɛ, nɑ nɛɛwɑ, kɑmɑ nɑ sɔmburu kuɑ. Nɛn dɑm, kɑmɑ mu kuɑ. Kɑ mɛ, nɑ yɛ̃ mɑ Gusunɔ nɛn Yinni u koo mɑn ɡem wɛ̃. Nɑ ɑre yĩiyɔ win mi.

Esɑi 62:11

Wee ye nɛ, Yinni Gusunɔ, nɑ hɑnduniɑn tɔmbu kpuro sɔ̃ɔmɔ. Nɑ nɛɛ, i Yerusɑlɛmuɡibu sɔ̃ɔwɔ i nɛɛ, wee, nɛ, ben fɑɑbɑ kowo, nɑ sisi kɑ ben tɔn be bɑ rɑɑ yoru mwɛɛrɑ.

Mɑteu 6:4

N weenɛ ɑ ɡɑ̃ɑ ɡee ni ko ɑsiri sɔɔ, kpɑ wunɛn Bɑɑbɑ wi u rɑ wɑ ye yɑ koorɑ ɑsiri sɔɔ u nun ɑre wɛ̃.

Korinti I 3:8

Duuro kɑ wi u nim yɛ̃kɑmɔ bɑ sɑ̃ɑwɑ tiɑ, ben bɑɑwure koo win ɑre mwɑ nɡe mɛ win sɔmburɑ nɛ.

Heberu 7:26

Ǹ n mɛn nɑ, Yesu sɑ̃ɑwɑ yɑ̃ku kowo tɔnwero wìn bukɑtɑ sɑ mɔ. U Gusunɔ wɛ̃re, u dɛɛre, u ǹ durum koore. Wi kɑ durumɡibu bɑ wunɑnɛ. Bɑ nùn suɑ bɑ kɑ dɑ sere wɔllɔ.

Sɑmuɛli I 24:17

Ye Dɑfidi u Sɔɔlu ɡɑri yi sɔ̃ɔwɑ u kpɑ, yerɑ Sɔɔlu u nɛɛ, ǹ n mɛn nɑ, wunɛn nɔɔwɑ mi, Dɑfidi nɛn bii? Mɑ Sɔɔlu u nɔɔɡiru suɑ u wurɑ kuɑ.