Womusu 18:15 - Bibeli Gusunɔn Gari

¹⁵ U nɛn yibɛrɛbɑ yɑrinɑsiɑ kɑ ɡuru kpenu ni nu sɑ̃ɑ nɡe sɛ̃ɛnu. U bu ɡirɑ bɑɑmɑ kɑ ɡuru mɑɑkinu.

Womusu 18:15 ပူးပေါင်းရင်းမြစ်များ

Sɑmuɛli II 22:16

U wɛ̃ru wurɑ, yibɛrɛbɑ bɑ nɑndɑ. Mɑ ɡuru woo bɔkɔ ɡɑ dɑɑnu ɡberɑsiɑ. Mɑ duniɑn kpɛɛkpɛɛku ɡɑ sɔ̃ɔsirɑ.

Sinɑmbu II 19:7

U koo de Asirin sinɑ boko wi, u lɑbɑɑri ɡɑɑ nɔ kpɑ yu win bwɛ̃rɑ ɡɔsiɑ u wurɑ win temɔ. Miyɑ u koo de bu nùn ɡo kɑ tɑkobi.

Yoobu 36:32

U ɡuru ɡbɛ̃ɛ nɛni win nɔmɑɔ, mɑ u yi sɔ̃ɔsimɔ mi yi koo wɔri.

Yoobu 4:9

Bɑ rɑ n Gusunɔn mɔru seeye kpɑ yu kɑ bu kɑm koosiɑ nɡe woo bɔkɔ.

Womusu 104:5

A tem swĩi mɛn kpɛɛkpɛɛku wɔllɔ. Mu ǹ wɔrumɑmɔ sere kɑ bɑɑdommɑɔ.

Womusu 106:9

A nim wɔ̃ku ɡe bɑ mɔ̀ Nɑɑ yɑri ɡbɑ̃re mɑ ɡɑ ɡberɑ. A derɑ bɑ sĩɑ ɡen suunu sɔɔ ɡbebum nɡe tem sɑɑrɑmɔ.

Womusu 144:6

A de ɡuru mɑɑkinu nu sɔ̃ɔsirɑ, kpɑ ɑ nɛn yibɛrɛbɑ yɑrinɑsiɑ. A bu sɛ̃ɛnu tweeyo kpɑ ɑ de bu yɑrinɑ.

Womusu 74:15

A derɑ bwiɑ kɑ dɑɑrɑ yɑrɑ, mɑ ɑ dɑɑnu ɡberɑsiɑ ni nu ku rɑ nim kpe.

Womusu 76:6

Bɑ tɑbu durɔ wɔruɡɔbɑn yɑ̃nu potirɑ. Wee bɑ kpunɑ bɑ ɡu. Bɑ kpɑnɑ bu kɑ tii yinɑ be, be bɑ rɑɑ dɑm mɔ mi.

Womusu 77:18

Mɑ ɡurɑ nɛmɔ nɡe dɑɑ surundu. Mɑ ɡuru ɡbɑ̃sukubu nɔɔrɑmɔ. Mɑ ɡuru mɑɑkinu dɑɑmɔ wɔllun bɑɑmɑ.

Womusu 92:10

Wunɛn yibɛrɛbɑ kpuro bɑ koo kɑm ko. Be bɑ kɔ̃sɑ mɔ̀ kpuro bɑ koo yɑrinɑ.

Yɑribu 15:8

A wɛ̃ru wurɑ mɑ nim mu kpɑɑsinɑ mu sinum kuɑ berɑ kɑ berɑ nɡe ɡbɑ̃rɑru.

Esɑi 11:4

U koo sɑ̃ɑrobu siriɑwɑ dee dee, kpɑ u bwɛ̃ɛbwɛ̃ɛbu ben ɡem wɛ̃. Win ɡɑri yi ko n sɑ̃ɑwɑ nɡe bokuru te u koo kɑ tɔmbu sɛɛyɑsiɑ, kpɑ yi n sɑ̃ɑ nɡe tɑkobi ye yɑ koo tɔn kɔ̃sobu ɡo.

Esɑi 30:33

Sɑɑ yellun di bɑ wi sinɑ bokon kpɑku yeru kuɑ tɑ wɑ̃ɑ mi. Tɑ duku, tɑ mɑɑ yɑsu. Mɑ tɑ dɔ̃ɔ mɔ tɑ mɑɑ dɑ̃ɑ yibɑ. Wee Yinni Gusunɔn mɔrun wɛ̃siɑru tɑ dɔ̃ɔ wi yɑbiɑmɔ nɡe ɡbim mɛ bɑ dɔ̃ɔ doke.

Yeremi 31:37

U mɑɑ ɡeruɑ u nɛɛ, mɑ bɑ kpĩɑ bɑ wɔllun kpɑ̃ɑru yĩirɑ bɑ ɡiɑ, mɑ bɑ duɑ temɔ bɑ mɛn kpɛɛkpɛɛkun ɑsɑnsi ɡiɑ, sɑɑ yerɑ u koo mɑɑ Isirelin bweseru kpuro yinɑ kɔ̃sɑ ye bɑ kuɑn sɔ̃.

Yonɑsi 2:6

Nim mɑn mwɛ sere nɑ kĩ n ɡbi. Mu mɑn wukiri, mɑ yɑkɑ si su wɑ̃ɑ mɛn sɔɔwɔ su mɑn tɛ̃kusi sere wirɔ.

Misee 6:2

Bɛɛ ɡuunu, i swɑɑ dɑkio. Bɛɛ tem kpɛɛkpɛɛku dɑmɡinu, nɛ, Yinni Gusunɔ nɑ nɛn tɔmbu tɑɑrɛ wɛ̃ɛmɔ. Nɑ kĩ n bu siribu soku.

Sɑkɑri 9:14

Nɛ, Yinni Gusunɔ, kon tii sɔ̃ɔsi wɔllɔ. Nɛn sɛ̃u ɡɑ koo doonɑ nɡe ɡuru mɑɑkinu. Kon kɔbɑ so, kpɑ n sɑrɑmɑ ɡuru woo bɔkɔ sɔɔ, ɡe ɡɑ wee sɑɑ sɔ̃ɔ yɛ̃sɑn nɔm dwɑru ɡiɑn di.

Sɑmuɛli I 7:10

Sɑɑ ye Sɑmuɛli u yɑ̃ku te mɔ̀ mi, sɑɑ yerɑ Filisitibɑ bɑ Isirelibɑ tɑbu wɔrimɑ. Yerɑ Yinni Gusunɔ u derɑ ɡurɑ yɑ ɡbɑ̃rɑ yɑ Filisiti be nɑndɑsiɑ, ben lɑɑkɑri yɑ burisinɑ, mɑ bɑ duki yɑrinɑ Isirelibɑn min di.