Womusu 18:14 - Bibeli Gusunɔn Gari

¹⁴ Win nɔɔ ɡɑ nɔɔrɑ wɔllun di nɡe ɡuru ɡbɑ̃sukubu. Mɑ ɡuru kpenu nɛɛrɑmɔ kɑ dɔ̃ɔ buri.

Womusu 18:14 ပူးပေါင်းရင်းမြစ်များ

Yoobu 37:4

Guru mɑɑki nin biru, Gusunɔn nɔɔ ɡɑ rɑ nɔɔre kɑ dɑm kpɑ yɑnde ɡuru mɑɑki kpɑɑnu nu sɔ̃ɔsirɑ.

Yoobu 37:5

Ù n ɡbɑ̃rɑ, tɔmbu bɑ rɑ biti soorewɑ. Gɑ̃ɑ bɑkɑnɑ u kuɑ mi, ni tɔnu kun kpɛ̃ u tubu.

Yoobu 38:35

Wunɑ ɑ rɑ ɡuru mɑɑkinu koosie? À n nu koosiɑ, nu rɑ nɛ wunɛn mi nu nɛɛ, nu sɔɔru kpɑ, kpɑ nu mɑɑkinu ko?

Yoobu 6:4

Domi Dɑm kpuroɡii u mɑn yɑburɑ kɑ sɛ̃ɛnu. Mɑ nin dɛ̃ɛ nɛn wɑsi duuri. Mɑ u mɑn ɡɑ̃ɑ nɑnumɡinu kpɑre nɡe tɑbu kowo.

Womusu 144:6

A de ɡuru mɑɑkinu nu sɔ̃ɔsirɑ, kpɑ ɑ nɛn yibɛrɛbɑ yɑrinɑsiɑ. A bu sɛ̃ɛnu tweeyo kpɑ ɑ de bu yɑrinɑ.

Womusu 21:12

Bɑ̀ n nɔɔ tiɑ kuɑ bu kɑ nun kɔ̃sɑ kuɑ, yɑ ǹ koorɔ.

Womusu 29:3

Yinni Gusunɔ yiiko kpuroɡii u derɑ ɡurɑ yɑ ɡbɑ̃rɑmɔ. Win nɔɔ ɡɑ nɔɔrɑ ɡuru winu sɔɔ. U dɑm mɔ nim bɑkɑm wɔllɔ.

Womusu 29:7

Win nɔɔ ɡɑ derɑ ɡuru mɑɑkinu koorɑmɔ.

Womusu 77:17

Gusunɔ, ye nim mu nun wɑ, mɑ mu diirɑ, mu ɡbisɑ sere sɔɔwɔ.

Womusu 77:18

Mɑ ɡurɑ nɛmɔ nɡe dɑɑ surundu. Mɑ ɡuru ɡbɑ̃sukubu nɔɔrɑmɔ. Mɑ ɡuru mɑɑkinu dɑɑmɔ wɔllun bɑɑmɑ.

Esɑi 30:30

Sɑɑ yerɑ u koo de win nɔɔ dɑmɡuu ɡe, ɡu nɔɔrɑ. Win mɔru bɑkɑ ye, yɑ̀ n seewɑ u koo win dɑm sɔ̃ɔsi dɔ̃ɔ boko kɑ nim yibu bɑkɑru kɑ ɡuru woo bɔkɔ kɑ ɡuru kpenu sɔɔ.

Yoɛli 2:11

Nɡe mɛyɑ Yinni Gusunɔ ù n ɡɑri ɡeruɑ win tɑbu kowobun wuswɑɑɔ, bɑ rɑ nùn mɛm nɔɔwɛwɑ. Bɑ dɑbi, bɑ mɑɑ dɑm mɔ. Yen sɔ̃nɑ win tɔ̃ɔ te, tɑ nɑnum mɔ. Wɑrɑ u koo yɔ̃rɑ u tu mɑ.

Hɑbɑkuku 3:11

Sɔ̃ɔ kɑ suru bɑ yɔ̃rɑ ye bɑ wunɛn ɡuru mɑɑkinu wɑ nu bɑllimɔ nɡe yɑɑsɑ, mɑ nu dɔɔ nɡe sɛ̃ɛnu.

Gbɑburu 24:8

Gusunɔwɑ u bu yɑrɑ Eɡibitin di kɑ win dɑm bɑkɑm nɡe kɛtɛ ɡbeekiru. Wiyɑ u rɑ de bu bwese tukunu kɑmiɑ nɔni kpɑki teeru kpɑ bu nu sɛ̃ɛnu twee bu nin kukunu kɔsuku bu ɡo.

Sɔ̃ɔsiru 32:23

U koo bu nɔni swɑ̃ɑru sure. Kpɑ u bu twee.

Sɔ̃ɔsiru 32:42

Nɛn sɛ̃ɛnu koo yɛm debu kpɑ nɛn tɑkobi yu be bɑ mɑn seesimɔ ɡo. Nɑ ǹ ɡoo derimɔ wi u kɑ mɑn tɑbu mɔ̀. Be, be bɑ mɛɛrɑ kuɑ kɑ be bɑ yoru mwɛɛrɑ bɑ koo ɡbiwɑ.

Yosue 10:10

Yerɑ Yinni Gusunɔ u derɑ Amɔre be, bɑ burisinɑ Isirelibɑn wuswɑɑɔ. Mɑ Isirelibɑ bɑ bu ɡo ɡo ɡem kɑ tiɑ Gɑbɑonin bɔkuɔ. Bɑ ben ɡɑbu nɑɑ swĩi bɑ ɡo Bɛti Horonin swɑɑɔ sere bɑ kɑ turɑ Asekɑɔ kɑ Mɑkedɑɔ.

Sɑmuɛli I 2:10

Yinni Gusunɔ u koo win yibɛrɛbɑ kɔsuku muku muku kɑ ɡuru kpenu. U koo hɑnduniɑ kpuro siri. U koo wi u ɡɔsɑ ko sunɔ, kpɑ u nùn dɑm wɛ̃.