Womusu 17:5 - Bibeli Gusunɔn Gari

⁵ Nɑ yɔ̃rɑwɑ dim dim wunɛn swɑɑ sɔɔ. Nɑ ǹ ɡɛrɑre yen min di.

Womusu 17:5 ပူးပေါင်းရင်းမြစ်များ

Yoobu 23:11

Nɑ win yirɑ swĩiwɑ dee dee. Nɑ ǹ ɡɛre win swɑɑn di.

Womusu 119:133

A de nɑ n tɑ̃sɑ wunɛn ɡɑri sɔɔ. A ku de torɑru ɡɑru tɑ n mɑn wɑ̃ɑsi.

Womusu 121:3

U ǹ derimɔ wunɛn nɑɑsu su sokurɑ. Wi u nun kɔ̃su, u ǹ dom yĩbirimɔ.

Womusu 121:7

Yinni Gusunɔ u koo nun bere ɡɑ̃ɑ kɔ̃sunu kpuron di. U koo wunɛn hunde kɔ̃su,

Womusu 18:36

Yinni Gusunɔ, wunɑ ɑ rɑ mɑn fɑɑbɑ ko nɡe tɛrɛru. Wunɑ ɑ rɑ mɑn bere kɑ wunɛn dɑm bɑkɑm. Wunɛn durom sɑɑbuwɑ nɑ kɑ kuɑ dɑmɡii.

Womusu 18:37

Nɑ̀ n dukɑ mɔ̀, ɑ rɑ de nɑ n sɑ̃u. Nɑ̀ n dukɑ mɔ̀, nɑ ku rɑ mɑɑ sokure.

Womusu 38:16

Yinni Gusunɔ, wunɛ sɔɔrɑ nɛn yĩiyɔbu wɑ̃ɑ. Gusunɔ nɛn Yinni, ɑ de ɑ mɑn wisi.

Womusu 44:18

Yenibɑ kpurowɑ yɑ rɑ sun deemɛ. Kɑ mɛ, sɑ ǹ nun duɑri, sɑ ǹ mɑɑ wunɛn ɑrukɑwɑni kusie.

Womusu 94:18

Yinni Gusunɔ, nɑ̀ n bɑ̃ɑrimɔ, wunɛn duromɑ mu rɑ de nɑ n tɑ̃sɑ.

Yeremi 10:23

Yinni Gusunɔ, nɑ yɛ̃ mɑ tɔnu kun kpɛ̃ u win tii kpɑrɑ nɡe mɛ n weenɛ. Goo sɑri wi u koo kpĩ u win tii swɑɑ ɡeɑ sure.

Sɑmuɛli I 2:9

U koo win bɔrɔkinibɑn sɑnu sɑnusu kɔ̃su. Adɑmɑ u koo de tɔn kɔ̃sobu bu kɑm ko yɑm wɔ̃kurɔ. Domi ɡoo sɑri wi u koo nɑsɑrɑ wɑ kɑ win tiin dɑm.