Womusu 17:3 - Bibeli Gusunɔn Gari

³ Wɔ̃kuru, ɑ nɑ nɛn mi, ɑ wɛ̃ɛrɑ ye nɑ bwisikumɔ, ɑ wɛ̃ɛrɑ ye nɑ ɡerumɔ, ɑdɑmɑ ɑ ǹ torɑru ɡɑru wɑ.

Womusu 17:3 ပူးပေါင်းရင်းမြစ်များ

Bɑndun Gɑri I 28:9

Mɑ u mɑɑ nɛɛ, wunɛ mɑɑ Sɑlomɔɔ nɛn bii, ɑ Gusunɔ, nɛ wunɛn tundon Yinni ɡio kpɑ ɑ nùn sɑ̃ kɑ wunɛn ɡɔ̃ru kpuro kɑ wunɛn bwɛ̃rɑ kpuro. Domi wiyɑ u rɑ tɔmbun ɡɔ̃rusu kɑ ben bwisikunu wɛ̃ɛri. À n nùn kɑsu, u koo de ɑ nùn wɑ. Adɑmɑ ɑ̀ n nùn deri, u koo mɑɑ nun deriwɑ sere kɑ bɑɑdommɑɔ.

Bɑndun Gɑri I 29:17

Gusunɔ nɛn Yinni, nɑ yɛ̃ mɑ wunɑ ɑ rɑ tɔnun ɡɔ̃ru wɛ̃ɛri, ɑ rɑ mɑɑ ɡem kɑ̃. Wee nɑ kɑ nun kɛ̃ɛ nini nɑɑwɑ kɑ ɡɔ̃ru dɛɛrɔ. Nɑ mɑɑ wɑ wunɛn tɔn be bɑ wɑ̃ɑ mini, bɑ nun kɛ̃nu wɛ̃ɛmɔ kɑ nuku dobu.

Yoobu 23:10

Kɑ mɛ, u nɛn swɛɛ kpuro yɛ̃ yi nɑ swĩi. Ù n mɑn kpɛ̃ɛ lɑɑkɑri mɛɛribu sɔɔ, kon yɑriwɑ min di, nɑ n dɛɛre nɡe wurɑ ye bɑ dɔ̃ɔ doke.

Yoobu 24:14

Tɔn ɡowo u rɑ sewɑ buru buru yellu kpɑ u sɑ̃ɑrobu ɡo. Wɔ̃kuru kpɑ u ɡbɛni.

Womusu 11:5

U rɑ tɔn kɔ̃so kɑ mɑɑ tɔn ɡeon dɑɑ wɛ̃ɛri, kpɑ u n dɑm diobu tusɑ.

Womusu 119:106

Nɑ bɔ̃ruɑ nɑ sire nɑ nɛɛ, kon wunɛn sɔ̃ɔsiru mɛm nɔɔwɑ, domi tɑ sɑ̃ɑwɑ dee dee.

Womusu 139:1

Dɑfidin womu ɡe u wom kowobun wiruɡii kuɑ. U nɛɛ, Yinni Gusunɔ, ɑ mɑn wɛ̃ɛrɑ, ɑ mɑɑ mɑn ɡiɑ.

Womusu 139:23

Gusunɔ, ɑ mɑn wɛ̃ɛrio kpɑ ɑ nɛn ɡɔ̃ru ɡiɑ. A nɛn lɑɑkɑri mɛɛrio kpɑ ɑ nɛn bwisikunu tubu.

Womusu 16:7

Yinni Gusunɔ, wunɑ nɑ siɑrɑmɔ yèn sɔ̃ ɑ rɑ mɑn bwisi kɛ̃. Wunɑ nɑ siɑrɑmɔ yèn sɔ̃ ɑ rɑ mɑn kirɔ ko bɑɑ kɑ wɔ̃kurɔ.

Womusu 26:2

A nɛn bwisikunu kɑ nɛn bwɛ̃rɑ sirio. A mɑn wɛ̃ɛrio kpɑ ɑ mɑn ɡiɑ.

Womusu 39:1

Dɑfidin womu ɡe u Yedutum, wom kowobun wiruɡii kuɑ. U nɛɛ,

Womusu 66:10

Gusunɔ, ɑ sun doke lɑɑkɑri mɛɛribu sɔɔ. A derɑ sɑ wɑ̃ɑ dɔ̃ɔ sɔɔ nɡe sii ɡeesu.

Womusu 7:4

Gusunɔ, nɛn Yinni, wee bɑ mɑn tɑɑrɛ wɛ̃ɛmɔ bɑ mɔ̀, nɑ ɡoo torɑri, nɑ nɛn kĩnɑsi bɔrɔ kɔ̃ɔru kuɑ, nɑ nɛn yibɛrɛ wɔri, nɑ win yɑ̃nu wɔrɑ kɑ wɔbiɑ. Adɑmɑ nɑ̀ n yen ɡɑɑ kuɑn nɑ kɑ ɡem,

Mɔnnu 13:3

Wi u win nɔɔ kpĩɑ u win hunde kɔ̃suwɑ, ɑdɑmɑ wi u rɑ ɡɑri ɡere yɑbi u tii kɑri bɔriemɔwɑ.

Yeremi 12:3

Yinni Gusunɔ, ɑ mɑn yɛ̃. A mɑn wɑɑmɔ mɑ ɑ nɛn ɡɔ̃ru wɛ̃ɛrɑ, ɑ wɑ mɑ ɡɑ wɑ̃ɑ kɑ wunɛ. A tɔn kɔ̃so be wunɔ nɡe yɑ̃ɑ ni bɑ rɑ mwɛ bu sɑke. A bu sɔɔru koowo ɑ yi tɔ̃ɔ te bɑ koo tɔmbu ɡon sɔ̃.

Yeremi 50:20

Yen domɑ te, bɑ koo Isirelibɑ kɑ Yudɑbɑn durum kɑsu bɑ kun wɑ, domi be, be bɑ tie mi, kon bu ben durum wɔkɑ.

Osee 7:6

Be bɑ rɑ nɔɔ tiɑ ko bu kɑ tɔmbu seesi, bɑ sɑ̃ɑ nɡe pɛ̃ɛ wɔ̃ɔ yeru. Wɔ̃kuru, ben wɔruɡɔru tɑ rɑ yɛmiɛwɑ kpɑ yɑm sɑ̃re bururu tu se nɡe bɑ ɡɑ̃ɑnu dɔ̃ɔ doke.

Misee 2:1

Bɔ̃rurobɑ be bɑ rɑ n kɔ̃sɑ bwisikumɔ wɔ̃kuru mi bɑ kpĩ. Bɑ̀ n seewɑ buru buru kpɑ bu ye ko yèn sɔ̃ bɑ yen dɑm mɔ.

Sɑkɑri 13:9

Kon sube tee te dɔ̃ɔ doke kpɑ n tu sɔwɑ nɡe mɛ bɑ rɑ sii ɡeesu sɔwe. Kon tu sɔwɑwɑ nɡe mɛ bɑ rɑ wurɑ sɔwe. Tɑ koo nɛn yĩsiru soku kpɑ n tu wurɑri. Kon tu sɔ̃ n nɛɛ, tɑ sɑ̃ɑwɑ nɛn tɔmbu. Kpɑ ten tii tu mɑɑ nɛɛ, nɑ sɑ̃ɑwɑ Gusunɔ ten Yinni.

Mɑlɑsi 3:2

Wɑrɑ koo kpĩ u yɔ̃rɑ u nùn mɑ win nɑɑrun tɔ̃ɔ te sɔɔ. Nɡe wɑrɑ koo kpĩ u yɔ̃rɑ sɑnɑm mɛ u koo kurɑmɑ. Domi u ko n sɑ̃ɑwɑ nɡe dɔ̃ɔ wi u rɑ sisu yɑniɛ. Kpɑ u n sɑ̃ɑ nɡe werem mɛ mu do.

Gɔrobun Kookoosu 11:23

Sɑnɑm mɛ u turɑ mi, ye u wɑ nɡe mɛ Gusunɔ u tɔn be durom kuɑ, win nukurɑ dorɑ. Mɑ u bu dɑm kɑ̃ bɑ n kɑ Yinni mɑninɛ kɑ ben ɡɔ̃rusu kpuro,

Gɔrobun Kookoosu 16:9

Pɔlu u kɑ̃siru wɑ wɔ̃kuru. Kɑ̃si te sɔɔ, u Mɑsedɔniɡii ɡoo wɑ u yɔ̃ u nùn kɑnɑmɔ u nɑ Mɑsedɔniɔ u kɑ bu somi.

Korinti I 4:4

Nɑ ǹ ɡɑ̃ɑnu yɛ̃ nɛ sɔɔ ye yɑ mɑn tɑɑrɛ wɛ̃ɛmɔ, ɑdɑmɑ n ǹ mɔ bɑ mɑn ɡem wɛ̃ yen sɔ̃. Domi Yinniwɑ sɑ̃ɑ nɛn siri kowo.

Korinti II 1:12

Yenin sɔ̃nɑ sekurɑ kun sun mɔ̀, domi bɛsɛn ɡɔ̃ru ɡɑ sun seedɑ diiyɑmmɛ mɑ bɛsɛn wɑ̃ɑru hɑnduniɑ sɔɔ, su mɑm ɡere bɛɛn mi, tɑ dɛɛre. Gusunɔ u derɑ tɑ ǹ murɑfitiru mɑni. Win duromɑ mu sun kpɑrɑ, n ǹ mɔ tɔnun bwisi.

Yɑkɔbu 3:2

Gɑ̃ɑ dɑbinu sɔɔrɑ bɛsɛ kpuro sɑ rɑ tore. Goo ù kun tore ɡere sɔɔ u sɑ̃ɑwɑ tɔnun tii wi u koo kpĩ u win wɑsi kpuro yɑrukɑ doke.

Piɛɛ I 1:7

Lɑɑkɑri mɛɛri bi, bu bɛɛn nɑɑnɛ dokebu wɛ̃ɛrimɔ. Nɡe mɛ bɑ rɑ wurɑ mɛɛri kɑ dɔ̃ɔ, bɑɑ mɛ yɑ koo kɑm ko, nɡe mɛyɑ bɑ bɛɛn nɑɑnɛ dokebu mɛɛrimɔ, bi bu wurɑ bɛɛrɛ kere ɡem ɡem, bu kɑ bin dɑm ɡiɑ. Kpɑ i siɑrɑbu kɑ yiiko kɑ bɛɛrɛ wɑ sɑnɑm mɛ Kirisi koo kurɑmɑ.

Sɑmuɛli I 24:10

Mɑ u Sɔɔlu sɔ̃ɔwɑ u nɛɛ, mbɑn sɔ̃nɑ ɑ kɑ tɔmbun ɡɑri nɔɔmɔ be bɑ mɔ̀, wunɛn kɔ̃sɑ nɑ kɑsu.

Sɑmuɛli I 24:12

Kɑ yen de kpuro ɑ mɛɛrio. Wee, nɑ wunɛn yɑberun sukum nɛni. Nɡe mɛ nɑ kɑ yɑbe ten soo burɑ mi, nɑ ǹ kɑ nun ɡo, n weenɛ ɑ ɡiɑ mɑ nɑ ǹ sɑ̃ɑ mɛm nɔɔ sɑri. Nɛn kookoosu sɔɔ, kɔ̃sɑ ɡɑɑ mɑɑ sɑri, ǹ kun mɛ torɑru ɡɑru wunɛn sɔ̃. Adɑmɑ wunɛ wee, ɑ mɑn nɑɑ swĩi ɑ ɡo.

Sɑmuɛli I 26:11

Gusunɔ u mɑn bere bu nɛɛ, nɛnɑ nɑ wi u ɡɔsɑ nɔmu doke nɑ ɡo. Yen sɔ̃, ɑ de su win yɑɑsɑ ye yɑ wɑ̃ɑ win wirɔ mi suɑ kɑ win nim bwɑ̃ɑru kpɑ su kɑ doonɑ.

Sɑmuɛli I 26:23

Kpɑ Yinni Gusunɔ wi u sɑ̃ɑ ɡemɡii kɑ bɔrɔkini u bɑɑwure kɔsie ye u kuɑ. Wee, u mɑn nun nɔmɑ bɛriɑ ɡisɔ, ɑdɑmɑ nɑ ǹ wure n nun nɔmɑ doke wunɛ wi u ɡɔsɑ u kuɑ sunɔ.