Womusu 16:7 - Bibeli Gusunɔn Gari

⁷ Yinni Gusunɔ, wunɑ nɑ siɑrɑmɔ yèn sɔ̃ ɑ rɑ mɑn bwisi kɛ̃. Wunɑ nɑ siɑrɑmɔ yèn sɔ̃ ɑ rɑ mɑn kirɔ ko bɑɑ kɑ wɔ̃kurɔ.

Womusu 16:7 ပူးပေါင်းရင်းမြစ်များ

Womusu 119:148

Yɑm mu sere sɑ̃rɑ nɑ rɑ sewɑ n kɑ wunɛn ɡɑri mɛɛri.

Womusu 119:55

Wɔ̃kuru nɑ̀ n wunɛn yĩsiru yɑɑyɑ, nɑ rɑ n wunɛn woodɑbɑ nɛnusiwɑ.

Womusu 119:7

Nɑ̀ n wunɛn sɔ̃ɔsi ɡeeru ɡiɑ, kon nun siɑrɑ kɑ ɡɔ̃ru tiɑ.

Womusu 17:3

Wɔ̃kuru, ɑ nɑ nɛn mi, ɑ wɛ̃ɛrɑ ye nɑ bwisikumɔ, ɑ wɛ̃ɛrɑ ye nɑ ɡerumɔ, ɑdɑmɑ ɑ ǹ torɑru ɡɑru wɑ.

Womusu 22:2

Gusunɔ, nɛn Yinni, mbɑ n kuɑ ɑ kɑ mɑn deri. Mbɑn sɔ̃nɑ ɑ ǹ mɑn swɑɑ dɑki sɑnɑm mɛ nɑ nun weeweenu koosimɔ. Mbɑn sɔ̃nɑ ɑ ǹ mɑn fɑɑbɑ kue.

Womusu 42:8

Wunɑ ɑ rɑ de dɑɑrun nim mu kukiri, kpɑ nim kureru tu se tu ɡɑru suɑ, kpɑ ni kpuro nu mɑn wukiri.

Womusu 63:6

Nɛn hunde koo debu nɡe wi u dĩɑ duronu kɑ yɑɑ ɡumɡiɑ di. Kon nun siɑrɑ kɑ nuku dobun kuuki.

Womusu 73:21

Ye nɛn ɡɔ̃ru ɡɑ sɑnkirɑ, n sɑ̃ɑwɑ nɡe ɡɑ̃ɑnu sɔkɑ nɛn nukurɔ.

Womusu 73:24

Kɑɑ mɑn kpɑrɑ kɑ wunɛn bwisi. Yen biru, kɑɑ mɑn mwɑ wunɛn yiiko sɔɔ.

Womusu 77:2

Nɑ Gusunɔ nɔɔɡiru sue. Nɑ nùn soku, u koo mɑn swɑɑ dɑki.

Womusu 77:6

Nɑ rɑ yellu yɑɑyewɑ kpɑ nɑ n ɡɑsɔn ɡɑri bwisikumɔ.

Mɔnnu 8:14

Nɑ rɑ tɔnu bwisi kɛ̃, kpɑ n nùn lɑɑkɑri wɛ̃. Nɛnɑ nɑ yɛ̃ru, nɛnɑ mɑɑ dɑm.

Esɑi 26:9

Wɔ̃kuru, nɛn bwɛ̃rɑ yɑ rɑ n wunɛn bɛkɛ bɑrɔwɑ, kpɑ nɛn ɡɔ̃ru ɡɑ n nun kɑsu. À n tɔmbu siri hɑnduniɑ sɔɔ, bɑ rɑ ɡiewɑ nɡe mɛ bɑ koo kɑ sĩ.

Esɑi 48:17

Wi u sɑ̃ɑ bɛɛ Isirelibɑn Yinni Dɛɛro, mɑ u bɛɛ yɑkiɑ u nɛɛ, u rɑ bɛɛ sɔ̃ɔsi ye n ko n bɛɛ ɑrufɑɑni ko, kpɑ u bɛɛ swɑɑ sɔ̃ɔsi ye yɑ weenɛ i swĩi.

Esɑi 50:4

Yinni Gusunɔ u mɑn keu kuɑ kpɑ n kɑ kpĩ n wi u wɑsire dɑm kɛ̃. U rɑ nɛn lɑɑkɑri yɑmiɛ bururu bɑɑtere n kɑ kpĩ n nùn swɑɑ dɑki, nɡe keu bii.

Yeremi 12:2

Wunɑ ɑ bu duurɑ nɡe dɑ̃ru, mɑ bɑ nuuru kuɑ, bɑ kpɛ̃ɑ bɑ binu mɑrumɔ. Mɛyɑ wunɛn ɡɑri rɑ n wɑ̃ɑ ben nɔɔwɔ. Adɑmɑ yi ǹ wɑ̃ɑ ben ɡɔ̃ruɔ.

Yeremi 17:10

Nɛ, Yinni Gusunɔwɑ nɑ rɑ tɔnun ɡɔ̃ru kɑ win bwisikunu wɛ̃ɛri, n kɑ nùn ye u kuɑn ɑre wɛ̃.

Luku 6:12

Sɔ̃ɔ mɛɛ te sɔɔ, Yesu u dɑ ɡuuru wɔllɔ u kɑ kɑnɑru ko. Mɑ u Gusunɔ kɑnɑ wɔ̃ku ɡiriru.

Kɑ̃siru 2:23

Yen biru kon win bibu ɡo. Sɑɑ yerɑ Yesun yiɡbɛnu kpuro nu koo ɡiɑ mɑ nɛnɑ nɑ tɔmbun bwisikunu kɑ ben ɡɔ̃rusu yɛ̃. Kon ben bɑɑwure kɔsie nɡe mɛ win kookoosu nɛ.