Womusu 16:3 - Bibeli Gusunɔn Gari

³ Be bɑ nun mɛm nɔɔwɑmmɛ tem mɛ sɔɔ, berɑ bɑ bɛɛrɛ mɔ. Be sɔɔrɑ nɛn kĩru kpuro wɑ̃ɑ.

Womusu 16:3 ပူးပေါင်းရင်းမြစ်များ

Bɑndun Gɑri II 6:41

Yinni Gusunɔ, ɑ seewo ɑ nɑ mi ɑ rɑ wɛ̃re, wunɛ kɑ wunɛn woodɑn kpɑkororu, mi wunɛn dɑm mu rɑ sɔ̃ɔsire. A de wunɛn yɑ̃ku kowobu bɑ n fɑɑbɑ mɔ. Kpɑ be bɑ nun mɛm nɔɔwɑmmɛ bɑ n nuku dobu mɔ̀ doo nɔɔru sɔ.

Womusu 101:6

Kon mɛɛri n wɑ be bɑ nɑɑnɛ mɔ tem mɛ sɔɔ, kpɑ bɑ n wɑ̃ɑ nɛn bɔkuɔ. Wi u sĩimɔ ɡem sɔɔ, wiyɑ u koo ko nɛn sɔm kowo.

Womusu 116:15

Be bɑ Yinni Gusunɔ nɑɑnɛ sɑ̃ɑn ɡɔɔ u sɑ̃ɑwɑ ɡɑ̃ɑ bɑkɑnu win mi.

Womusu 119:63

Nɑ sɑ̃ɑwɑ be bɑ nun nɑsie kpuro kɑ be bɑ wunɛn woodɑbɑ mɛm nɔɔwɑmmɛn bɔrɔ.

Womusu 122:8

Nɛn mɛro bisibu kɑ nɛn bɔrɔbɑn sɔ̃, kon nɛɛ, Gusunɔ u de bɔri yɛndɑ n wɑ̃ɑ Yerusɑlɛmuɔ.

Womusu 30:4

A mɑn wɔrɑ ɡɔɔn nɔmɑn di, mɑ ɑ derɑ sɑ tondinɛ kɑ be bɑ ɡu.

Mɔnnu 12:26

Gemɡii u rɑ win beruse surewɑ swɑɑ ɡeɑ sɔɔ, ɑdɑmɑ tɔn kɔ̃son kookoosu su rɑ dewɑ u kɔ̃ɔrɑ.

Mɔnnu 13:20

Wi u rɑ bwisiɡii bere, u koo bwisi wɑ. Wi u rɑ n mɑɑ wɑ̃ɑ kɑ ɡɑri bɑkɑsu, u koo kɔ̃sɑ wɑ.

Mɔnnu 8:31

kɑ hɑnduniɑ sɔɔ. Mɑ nɑ bɔri yɛndu mɔ tɔmbun suunu sɔɔ.

Womu Duro 7:10

Nɑ̀ n nun sɔ̃su, nɑ rɑ n nuku dobu mɔ nɡe wi u tɑm durom nɔrɑ. tɑm mɛ, mu kokuo nɛn kĩnɑsin sɔ̃ mu du win nɔɔ sɔɔ ù n dweeyɑmɔ.

Esɑi 62:4

Bɑ ǹ mɑɑ nun sokumɔ wuu ɡe nɑ deri. Bɑ koo nun sokuwɑ nɛ, Yinni Gusunɔn nuku dobu. Domi wunɛ sɔɔrɑ nɛn nuku dobu wɑ̃ɑ. Bɑ ǹ mɑɑ wunɛn tem sokumɔ bɑnsu. Bɑ koo mu sokuwɑ kurɔ kpɑo, domi kon mu durɔ kɛ̃.

Mɑlɑsi 3:17

Mɑ Gusunɔ wɔllu kɑ tem Yinni u nɛɛ, beyɑ bɑ koo ko nɛɡibu tɔ̃ɔ te kon nɛn yiiko sɔ̃ɔsi. Kon bu wɔnwɔndu kuɑ nɡe mɛ tɔnu u rɑ win bii wi u nùn nɔɔrimɔ wɔnwɔndu kue.

Gɔrobun Kookoosu 9:13

Anɑniɑ u nɛɛ, Yinni tɔn dɑbinɑ nu mɑn durɔ win lɑbɑɑri sɔ̃ɔwɑ, kɑ kɔ̃sɑ kpuro ye u wunɛn tɔmbu kuɑ Yerusɑlɛmuɔ.

Gɑlɑti 6:10

Nɡe mɛyɑ sɑɑ bɑɑyere ye sɑ ɑyeru mɔ, su bɑɑwure durom kuɑ, n mɑm nɛɛre be bɑ Yesu nɑɑnɛ doke.

Efesu 1:1

Bɛɛ nɑɑnɛ dokeobu, bɛɛ be i wɑ̃ɑ Efesuɔ mɑ i kɑ Yesu Kirisi yɔ̃rɑ dim dim, nɛ Pɔlu, nɛ wi nɑ sɑ̃ɑ Yesu Kirisin ɡɔro Gusunɔn kĩru sɔɔ, nɑ bɛɛ tɔburɑ.

Titu 3:8

Gɑri yi, ɡɑri nɑɑnɛɡiiyɑ. Nɑ kĩ ɑ yi ɡere ɑ sire kpɑ be bɑ Gusunɔ nɑɑnɛ doke bu ben sɑɑ di sɔm ɡeenun kobu sɔɔ. Gɑri yi, yi wɑ̃ yi mɑɑ sɑ̃ɑ tɔmbun ɑrufɑɑni.

Heberu 6:10

Gusunɔ u sɑ̃ɑwɑ ɡemɡii, u ǹ bɛɛn sɔmburu duɑrimɔ kɑ kĩi te i sɔ̃ɔsi win yĩsirun sɔ̃, sɑnɑm mɛ i wiɡibu nɔɔri nɡe mɛ i bu nɔɔrimɔ tɛ̃.