Womusu 15:4 - Bibeli Gusunɔn Gari

⁴ u rɑ be bɑ Gusunɔ nɑsie bɛɛrɛ wɛ̃, u rɑ wi Gusunɔ u yinɑ kɑm mɛɛri, u rɑ win nɔɔ mwɛɛru yibie bɑɑ ǹ n mɛren nɑ n nùn sɑ̃ɑ,

Womusu 15:4 ပူးပေါင်းရင်းမြစ်များ

Bɑndun Gɑri II 36:13

U swɑɑ tɑɑyɑ, mɑ u ɡɔ̃ru bɔbiɑ. U ǹ win ɡɔ̃ru wesie Gusunɔ Isirelibɑn Yinnin mi ɡiɑ. U mɑm Nɛbukɑnɛsɑɑ seesiwɑ wi u nùn bɔ̃rusiɑ kɑ Yinni Gusunɔn yĩsiru sɑnɑm mɛ bɑ ɑrukɑwɑni bɔkumɔ.

Ɛsitɛɛ 3:2

Sinɑ kpɑɑrun sɔm kowobu kpuro bɑ rɑ Hɑmɑni kpunɛwɑ, domi sinɑ bokowɑ u yen woodɑ ye wɛ̃. Mɑɑdose turowɑ u yinɑ u nùn kpunɑ.

Womusu 101:4

Nɑ ǹ wurɑmɔ kɔ̃sɑ yɑ n wɑ̃ɑ nɛ sɔɔ. Kon kɑ tɔn kɔ̃sobu tondɑ.

Womusu 101:6

Kon mɛɛri n wɑ be bɑ nɑɑnɛ mɔ tem mɛ sɔɔ, kpɑ bɑ n wɑ̃ɑ nɛn bɔkuɔ. Wi u sĩimɔ ɡem sɔɔ, wiyɑ u koo ko nɛn sɔm kowo.

Womusu 119:63

Nɑ sɑ̃ɑwɑ be bɑ nun nɑsie kpuro kɑ be bɑ wunɛn woodɑbɑ mɛm nɔɔwɑmmɛn bɔrɔ.

Womusu 16:3

Be bɑ nun mɛm nɔɔwɑmmɛ tem mɛ sɔɔ, berɑ bɑ bɛɛrɛ mɔ. Be sɔɔrɑ nɛn kĩru kpuro wɑ̃ɑ.

Mɑteu 5:33

Mɑ Yesu nɛɛ, i mɑɑ nuɑ mɑ bɑ kpɑm ɡɑsɔɡibu sɔ̃ɔwɑ bɑ nɛɛ, “A ku rɑ bɔ̃re kɑ ɡɑri weesuɡii, ɑdɑmɑ kɑɑ nɔɔ mwɛɛnu yibiɑ nì sɔɔ ɑ bɔ̃ruɑ Yinnin wuswɑɑɔ.”

Gɔrobun Kookoosu 24:25

Adɑmɑ sɑnɑm mɛ Pɔlu u bu ɡem kobu kɑ ɡɑyɑ kɑ mɑɑ siri bi bu ween ɡɑri tubusiɑmɔ, Felisi u nɑndɑ, mɑ u nɛɛ, ɑ doonɔ ɡinɑ. Kon kpɑm nun soku nɑ̀ n fɛɛ wɑ.

Gɔrobun Kookoosu 28:10

Bɑ sun bɛɛrɛ kuɑ kɑ ɡɑ̃ɑ dɑbinu. Sɑnɑm mɛ sɑ ɡoo nimkuu duɔ sɑ doonɔ, bɑ sun kpuro wɛ̃ yèn bukɑtɑ sɑ mɔ.

Yohɑnu I 3:14

Yèn sɔ̃ sɑ bɛsɛn berusebu kĩ, sɑ yɛ̃ mɑ sɑ ɡɔɔ sɑrɑri, sɑ duɑ wɑ̃ɑru sɔɔ. Wi u kun tɔnun kĩru mɔ, u wɑ̃ɑwɑ ɡɔɔ sɔɔ.

Kpɑrobu 11:35

Sɑnɑm mɛ u bii wi wɑ, yerɑ u win tiin yɑberu nɛnuɑ u kɑrɑnɑ nuku sɑnkirɑnun sɔ̃, u nɔɔɡiru suɑ u nɛɛ, nɛn bii, nuku sɑnkirɑ bɑkɑnu sɔɔrɑ ɑ mɑn doke mi. Domi nɑ Yinni Gusunɔ nɔɔ mwɛɛru kuɑ. Tɑǹ mɑɑ kɔbiɑrɔ.