Womusu 147:8 - Bibeli Gusunɔn Gari

⁸ U rɑ de ɡuru wiru tu wɔllu wukiri, kpɑ u ɡurɑ sɔɔru kuɑ yu kɑ nɛ tem sɔɔ, kpɑ u yɑkɑsu kpiisiɑ ɡuunu wɔllɔ.

Womusu 147:8 ပူးပေါင်းရင်းမြစ်များ

Torubu 9:14

Nɑ̀ n ɡuru winu doke wɔllɔ, ɡuru wɑɑ ye, yɑ koo sɔ̃ɔsirɑ ni sɔɔ,

Yoobu 5:10

U rɑ de ɡurɑ yu nɛ tem sɔɔ, kpɑ ɡbeɑ yu nim wɑ.

Womusu 135:1

I Yinni Gusunɔ siɑro. I win yĩsiru tɔmɔ. Bɛɛ win sɔm kowobu,

Mɔnnu 27:25

A tɑkɑ ɡɛ̃ɛyɔ ɡberɔ kpɑ ɑ yɑkɑsu ɡɛ̃ ɡuunun ɡɑ̃ɑrɔ yɑkɑ kpɑɑsu su sere kpi.

Esɑi 5:6

U ǹ mɑɑ win resɛm dɑ̃ɑ ye sɔmmɔ, mɛyɑ u ǹ mɑɑ ɡbɑɑ te wukumɔ. U koo tu deriwɑ tu kɑm ko, kpɑ sɑ̃ki yi tu wukiri, kpɑ u de ɡurɑ yu ku mɑɑ nɛ mi.

Yeremi 14:22

Bũu ɡoo sɑri wi u koo kpĩ u ɡurɑ nɛɛsiɑ, wɔllun tii, tɑ ǹ kpɛ̃ tu ɡurɑ nɛɛsiɑ. Gusunɔ bɛsɛn Yinni, wunɑ ɑ rɑ de ɡurɑ yu nɛ. Wunɑ sɑ mɑɑ nɑɑnɛ sɑ̃ɑ. Domi wunɑ ɑ rɑ ye kpuro ko.

Yoɛli 2:23

Bɛɛ Siɔniɡibu i nuku dobu koowo Gusunɔ bɛɛn Yinni sɔɔ. Domi u koo de ɡurɑ yu nɛ yen sɑɑ sɔɔ nɡe yellu. U koo de yu nɛ sɑɑ ye yɑ rɑ tore kpɑ u de yu kpe sɑɑ ye yɑ rɑ kpe.

Mɑteu 5:45

Nɡe mɛyɑ i ko kɑ sɔ̃ɔsi mɑ i sɑ̃ɑ bɛɛn Bɑɑbɑ wɔrukoon bibu. Domi u sɔ̃ɔ yɑrisiɑmɔ tɔn kɔ̃sobu kɑ tɔn ɡeobun mi. U ɡurɑ nɛɛsiɑmɔ ɡeeɡibu kɑ ɡee sɑriruɡibun mi.

Gɔrobun Kookoosu 14:17

Adɑmɑ u ǹ tii deri seedɑ sɑri, u ɡeɑ kuɑ, u bɛɛ ɡurɑ nɛɛsiɑmmɛ i kɑ dĩɑnu wɑ ɡbeɑɔ nin sɑɑ sɔɔ, kpɑ i n kɑ nuku dobu mɔ.