Womusu 147:13 - Bibeli Gusunɔn Gari

¹³ Domi wiyɑ u rɑ wunɛn kɔnnɔn ɡɑmbon sɛ̃retii dɑm sire, kpɑ u wunɛn tɔmbu domɑru kuɑ.

Womusu 147:13 ပူးပေါင်းရင်းမြစ်များ

Nɛɛmi 12:30

Yɑ̃ku kowobu kɑ Lefibɑ bɑ tii dɛɛrɑsiɑ. Mɑ bɑ mɑɑ tɔmbu kɑ kɔnnɔsu kɑ ɡbɑ̃rɑru dɛɛrɑsiɑ.

Nɛɛmi 6:1

Sɑmbɑlɑ kɑ Tobiyɑ kɑ Gesɛmu wi u sɑ̃ɑ Dɑɑrubu kɑ sere bɛsɛn yibɛrɛ be bɑ tie bɑ nuɑ mɑ sɑ ɡbɑ̃rɑ te kpuro sɔnwɑ, ten ɡɑmbobɑrɑ bɑ tie.

Nɛɛmi 7:1

Sɑnɑm mɛ sɑ ɡbɑ̃rɑ te bɑnɑ sɑ kpɑ sɑ ten ɡɑmbobɑ doke, yerɑ sɑ be bɑ rɑ kɔnnɔsu kɔ̃su doke ben sɔmɑ sɔɔ kɑ sere mɑɑ wom kowobu kɑ Lefi be bɑ tie.

Nɛɛmi 7:3

Nɑ bu sɔ̃ɔwɑ nɑ nɛɛ, bɑ ǹ Yerusɑlɛmun kɔnnɔsu kɛniɑmɔ mɑ n kun mɔ sɔ̃ɔ u yɑrɑ. Yokɑ bɑ koo su kɛnɛwɑ kɔnnɔ kɔ̃sobu bu sere doonɑ. Yen biru, bɑ koo Yerusɑlɛmuɡibu bikiɑ bu wuu kɔ̃su, ben bɑɑwure u n yɔ̃ win dii kɔnnɔwɔ.

Womusu 125:2

Nɡe mɛ ɡuunu kɑ Yerusɑlɛmu sikerenɛ, nɡe mɛyɑ Gusunɔ u kɑ win tɔmbu sikerenɛ sɑɑ tɛ̃n di sere kɑ bɑɑdommɑɔ.

Womusu 144:12

A de bɛsɛn bii ɑluwɑɑsibɑ bu ko nɡe dɑ̃ɑ ni nu kpiɑ dee dee nin piiburun di, kpɑ bɛsɛn bii wɔndiɑbɑ bu mɑɑ ko kurɔ burɑbu nɡe ɡbere be bɑ dɑ̃kɑ bɑ sɑ̃ɑ sinɑ kpɑɑrun burɑru.

Womusu 51:18

À n dɑɑ yɑ̃ku dɔ̃ɔ mwɑɑrɑruɡiru kĩ, nɑ n dɑɑ nun tu kue. Adɑmɑ ɑ ǹ yɑ̃kunu kĩ.

Yeremi 33:10

Yinni Gusunɔ u nɛɛ, bɛɛ Yudɑbɑ, i nɛɛ, bɛɛn tem mu kuɑ bɑnsu. Tɔmbu kɑ yɛɛ mɑɑ sɑri mi. Mɑ Yerusɑlɛmu kɑ Yudɑbɑn wusun swɛɛ yi kuɑ swɛɛ ɡonu yi ɡoo ku rɑ mɑɑ sĩ.

Yeremi 33:11

Adɑmɑ bɑ koo wure bu nuku dobun kuuki nɔ kɑ tɔ̃ɔ bɑkɑruɡii. Bɑ koo kurɔ kpɑɑnun womusu nɔ. Bɑ koo mɑɑ wure bu womu ɡeni nɔ, ɡe ɡɑ nɛɛ, i Gusunɔ, wɔllu kɑ tem Yinni siɑro. Domi u sɑ̃ɑ tɔn ɡeo. Win kĩru tɑ ǹ nɔru mɔ. Mɛyɑ bɑ koo mɑɑ tɔn be bɑ kɑ yɑ̃kunu nɑ sɑ̃ɑ yerɔn womusu nɔ. Domi kon de tɔn be bɑ rɑɑ yoru mwɛɛrɑ mi, bu wurɑmɑ tem mɛ sɔɔ, kpɑ n bu wesiɑ nɡe yellu. Nɛ, Yinni Gusunɔwɑ nɑ yeni ɡeruɑ.

Swĩi 4:12

Sinɑ boko ɡoo ǹ kun mɛ tɔn diro ɡoo sɑri hɑnduniɑ sɔɔ wi u rɑɑ tɑmɑɑ yibɛrɛ u koo kpĩ u du Yerusɑlɛmun ɡbɑ̃rɑrun kɔnnɔn di.

Dɑniɛli 9:25

Ǹ n mɛn nɑ, ɑ bwisikuo kpɑ ɑ tubu. Sɑɑ mìn di bɑ woodɑ wɛ̃ bu Yerusɑlɛmu sɔmɛ bu bɑni, sere wiruɡii wi Gusunɔ u ɡɔsɑ u kɑ nɑ, yɑ koo kowɑ sɑɑ nɔɔbɑ yirun nɔn nɔɔbɑ yiru. Yen biru, bɑ koo yen swɛɛ sɔmɛ kɑ yen ɡbɑ̃rɑru sɑɑ nɔɔbɑ yirun non wɑtɑ kɑ yiru sɔɔ. Sɑɑ ye, yɑ ko n sɑ̃ɑwɑ wɑhɑlɑn sɑɑ.