Womusu 146:5 - Bibeli Gusunɔn Gari

⁵ Doo nɔɔruɡiiwɑ wìn yĩiyɔbu wɑ̃ɑ wunɛ Gusunɔ Yɑkɔbun Yinni sɔɔ. Doo nɔɔruɡiiwɑ wi u win nɑɑnɛ doke Gusunɔ win Yinni sɔɔ.

Womusu 146:5 ပူးပေါင်းရင်းမြစ်များ

Torubu 50:17

u nɛɛ, su nun ɡɑri yini sɔ̃, ɑ be ɡem mɔ, ɑ kɑ sun suuru koowo ɑ bɛsɛn durum ye kpuron ɡɑri wunɔ wunɛn ɡɔ̃run di, domi sɑ nun torɑri. Yen sɔ̃, ɑ sun suuru kuo bɛsɛ be sɑ Gusunɔ, wunɛn bɑɑbɑn Yinni sɑ̃ɑmɔ. Sɑnɑm mɛ Yosɛfu u ɡɑri yini nuɑ u swĩ.

Womusu 144:15

Doo nɔɔruɡirɑ bwese te tɑ sɑ̃ɑ nɡe mɛ. Doo nɔɔruɡirɑ bwese te tɑ Gusunɔ mɔ Yinni.

Womusu 20:8

Gɑbɑ ben tɑbu kɛkɛbɑ kɑ ben dumi nɑɑnɛ sɑ̃ɑ, ɑdɑmɑ bɛsɛ, wunɛ Yinni Gusunɔwɑ sɑ nɑɑnɛ sɑ̃ɑ.

Womusu 33:12

Bwese te tɑ Gusunɔ mɔ Yinni, tɑ ko n nuku dobu mɔwɑ. Mɛyɑ bwese te u mɑɑ ɡɔsɑ win tiin sɔ̃ tɑ koo yɛ̃ɛriwɑ.

Womusu 39:7

ǹ kun mɛ nɡe tiro. Ye u mɔ̀ kpuro kɑmɑ. U ɑrumɑni mɛnnɑmɔ, u ǹ yɛ̃ wɑrɑ koo ye di.

Womusu 46:11

U nɛɛ, i yɔ̃ro, kpɑ i ɡiɑ mɑ wiyɑ Gusunɔ. U bɑndu dii bwesenu kpuro sɔɔ, kɑ tem kpuro sɔɔ.

Womusu 46:7

Bwesenu nu burisinɛ, mɑ bɑnnu wɔrukumɔ. Gusunɔ u ɡbɑ̃rɑ, mɑ tem mu yɑndɑ.

Womusu 46:8

Gusunɔ wɔllu kɑ tem Yinni u kɑ sun wɑ̃ɑ. Yɑkɔbun Yinni, u sɑ̃ɑwɑ bɛsɛn kuku yee nɑɑnɛɡiru.

Womusu 71:5

Domi wunɛ sɔɔrɑ nɑ yĩiyɔbu mɔ. Sɑɑ nɛn piiburun di, wunɑ nɑ nɑɑnɛ sɑ̃ɑ.

Womusu 84:12

Yinni Gusunɔ, ɑ sɑ̃ɑwɑ nɡe sɔ̃ɔ. A mɑɑ sɑ̃ɑwɑ nɡe tɛrɛru. Wunɑ ɑ rɑ tɔmbu durom kɑ bɛɛrɛ kue. Be bɑ sĩimɔ ɡem sɔɔ, ɑ ku rɑ kɑ bu ɡeɑ yinɑri.

Womusu 84:8

Nɡe mɛ bɑ dɔɔ bu kɑ Gusunɔ yinnibun Yinni sɑ̃ Siɔniɔ, nɡe mɛyɑ ben dɑm mu rɑ n sosimɔ ɡbɑbu te sɔɔ.

Yɑribu 3:6

nɛ wi nɑ sɑ̃ɑ wunɛn sikɑdobɑ Aburɑhɑmu kɑ Isɑki kɑ Yɑkɔbun Yinni. Mɑ Mɔwisi u win wuswɑɑ beruɑ domi bɛrum nùn mɔ̀ u kɑ Gusunɔ mɛɛri.

Mɔnnu 16:20

Wi u rɑ bwisiku u sere ɡɑ̃ɑnu ko, u rɑ kuurewɑ. Mɛyɑ wi u mɑɑ Yinni Gusunɔ nɑɑnɛ sɑ̃ɑ, u rɑ n nuku dobu mɔ.

Sɔ̃ɔsiru 33:29

Bɛɛ Isirelibɑ, i sɑ̃ɑwɑ doo nɔɔruɡibu. I ǹ kɑ bweseru ɡɑru weenɛ. Domi i sɑ̃ɑwɑ bwese te Yinni Gusunɔ u fɑɑbɑ kuɑ. U sɑ̃ɑwɑ nɡe bɛɛn tɛrɛru te tɑ bɛɛ kɔ̃su. U sɑ̃ɑwɑ nɡe bɛɛn tɑkobi ye yɑ bɛɛ nɑsɑrɑ wɛ̃ɛmɔ. Bɛɛn yibɛrɛbɑ bɑ koo nɑ bu bɛɛ suuru kɑnɑ kpɑ i ben tii suɑbu kpeerɑsiɑ.

Piɛɛ I 1:21

Sɑɑ win min diyɑ i Gusunɔ nɑɑnɛ doke wi u nùn seeyɑ ɡɔrin di mɑ u nùn yiiko wɛ̃. Nɡe mɛyɑ i bɛɛn nɑɑnɛ kɑ bɛɛn yĩiyɔbu doke Gusunɔ sɔɔ.