Womusu 146:3 - Bibeli Gusunɔn Gari

³ I ku bɛɛn nɑɑnɛ doke sinɑmbu sɔɔ, bɑ sɑ̃ɑwɑ tɔmbu, bɑ ǹ kpɛ̃ bu bɛɛ fɑɑbɑ ko.

Womusu 146:3 ပူးပေါင်းရင်းမြစ်များ

Sinɑmbu II 6:27

Mɑ sinɑ boko u nùn wisɑ u nɛɛ, Gusunɔ ù kun nun fɑɑbɑ kue, nɛnɑ kon sere kpĩ n nun fɑɑbɑ ko? A wɑ nɑ dobi nɛniwɑ? Ǹ kun mɛ resɛm tɑmɑ ɑ wɑ nɑ nɛni?

Bɑndun Gɑri II 16:7

Sɑɑ ye sɔɔrɑ, Gusunɔn sɔmɔ Hɑnɑni u dɑ u Asɑ Yudɑbɑn sinɑ boko deemɑ u nɛɛ, yèn sɔ̃ ɑ wunɛn nɑɑnɛ doke Sirin sinɑ boko sɔɔ, n ǹ mɔ Gusunɔ wunɛn Yinni sɔɔ, yen sɔ̃, Sirin sinɑ bokon tɑbu kowobu bɑ koo nun kisirɑri.

Womusu 108:12

Yinni Gusunɔ, wunɑ kɑɑ kɑ mɑn dɑ, wunɛ wi ɑ rɑɑ sun yinɑ, mɑ ɑ ku rɑ mɑɑ kɑ bɛsɛn tɑbu kowobu yɑri.

Womusu 60:11

Wɑrɑ u koo kɑ mɑn dɑ wuu ɡbɑ̃rɑruɡuu ɡen mi. Wɑrɑ u koo mɑn kpɑrɑ u kɑ dɑ Edɔmuɔ.

Womusu 62:9

Bɛɛ tɔmbu, i nùn nɑɑnɛ koowo sɑɑ kpuro. I nùn sɔ̃ɔwɔ ye yɑ bɛɛ nɛni. Domi wiyɑ u sɑ̃ɑ bɛsɛn kuku yeru.

Esɑi 2:22

Ǹ n mɛn nɑ, i ku bɛɛn nɑɑnɛ doke tɔnu sɔɔ. U sɑ̃ɑwɑ nɡe woo. U ǹ sɑ̃ɑ ɡɑ̃ɑnu.

Esɑi 22:25

Adɑmɑ Gusunɔ, wɔllu kɑ tem Yinni, u mɑɑ nɛɛ, sɔ̃ɔ teeru bɑ koo sɑsɑ te wukɑ te bɑ rɑɑ ɡirɑ mi n nɑɑnɛ mɔ mi, kpɑ tu wɔrumɑ tu bɔɔrɑ, kpɑ sɔmu ni tɑ rɑɑ sɔɔwɑ mi, nu kɑm ko. Yinni Gusunɔwɑ u yeni ɡeruɑ.

Esɑi 31:3

Eɡibitiɡibu bɑ ǹ sɑ̃ɑ Gusunɔ, bɑ sɑ̃ɑwɑ tɔmbu. Mɛyɑ mɑɑ ben dumi yi ǹ dɑm tukum ɡɑm mɔ, yi sɑ̃ɑwɑ yɛɛ diri. Yinni Gusunɔ ù n win dɑm sɔ̃ɔsimɑ, be bɑ somiru kɑsu kɑ be bɑ bu somiru wee, bɑ koo sokurɑ bu wɔruku, kpɑ be kpuro bu mɛnnɑ bu ɡbi.

Esɑi 37:6

wee, ye i ko bɛɛn yinni sɔ̃. I nɛɛ, ɑmɛniwɑ Yinni Gusunɔ u ɡeruɑ. U nɛɛ, u ku de ɡɑri yi u nuɑ mi, yi nùn bɛrum ko, yi Asirin sinɑ bokon ɡɔro be, bɑ kɑ wi, Yinni Gusunɔ wɔnwɑ mi.