Womusu 145:19 - Bibeli Gusunɔn Gari

¹⁹ A rɑ be bɑ nun nɑsie kĩru yibie kpɑ ɑ ben wuri nɔ ɑ bu fɑɑbɑ ko.

Womusu 145:19 ပူးပေါင်းရင်းမြစ်များ

Bɑndun Gɑri I 4:10

Yɑbɛsi wi, u kɑnɑru kuɑ u nɛɛ, Gusunɔ, Isirelibɑn Yinni, ɑ de wunɛn domɑru tɑ n mɑn wɑ̃ɑsi. A nɛn tem kpɑ̃ɑru sosio. A wunɛn nɔmu dɛmiɔ ɑ mɑn kɔ̃su. Kpɑ ɑ de nɔni swɑ̃ɑru kɑ wɑhɑlɑ yu kɑ mɑn tondɑ. Mɑ Gusunɔ u nùn kuɑ ye u bikiɑ.

Womusu 20:4

A win kɛ̃nu kpuro yɑɑyo, kpɑ ɑ win yɑ̃kunu kpuro mwɑ.

Womusu 34:17

Yinni Gusunɔ u rɑ kɑ kɔ̃sɑn kowobu sɑnnɛ, kpɑ u de bu ben ɡɑri duɑri tem mɛni sɔɔ.

Womusu 34:18

Yinni Gusunɔ u rɑ ɡemɡibun sokuru wure, kpɑ u bu wunɑ ben wɑhɑlɑ kpuron di.

Womusu 34:9

I nɑ, i win durom dendɑ kpɑ i wɑ nɡe mɛ mu kpɑ̃. Doo nɔɔruɡiiwɑ wi u kuku yeru kɑsu win mi.

Womusu 37:19

Bɑ ǹ sekuru wɑsi wɑhɑlɑn sɑɑ sɔɔ. Bɑ ko bɑ n mɑɑ deburu mɔ ɡɔ̃ɔrun sɑnɑm.

Womusu 37:4

A wunɛn nuku dobu kɑsuo Yinni Gusunɔn mi. U koo mɑɑ nun wɛ̃ ye wunɛn ɡɔ̃ru ɡɑ kĩ.

Womusu 91:15

Ù n mɑn sokɑ kon nùn wurɑri. Ko nɑ n wɑ̃ɑ kɑ wi nɔni swɑ̃ɑrun sɑɑ. Kon nùn yɑkiɑ kpɑ n nùn bɛɛrɛ wɛ̃.

Mɔnnu 15:29

Yinni Gusunɔ u ku rɑ tɔn kɔ̃son kɑnɑru lɑɑkɑri ko, ɑdɑmɑ u rɑ ɡemɡiin kɑnɑru nɔ.

Mɑteu 5:6

Doo nɔɔruɡibɑ be bɑ kɑsu bu ko ye Gusunɔ u bikiɑmɔ nɡe be bɑ dĩɑnu kɑ nim kɑsu. Bɑ koo debu.

Luku 1:53

U ɡɔ̃ɔrobu debiɑ kɑ ɡɑ̃ɑ ɡeenu. Mɑ u ɡobiɡibu ɡirɑ nɔm dirɑ.

Yohɑnu 15:16

N ǹ mɔ bɛɛyɑ i mɑn ɡɔsɑ, nɛnɑ nɑ bɛɛ ɡɔsɑ. Nɑ mɑɑ bɛɛ wunɑ nɛnɛm kpɑ i dɑ i binu mɑ ni nu koo tɛ. Kpɑ ɡɑ̃ɑnu bɑɑnire ni bɛɛ i kɑnɑ nɛn Bɑɑbɑn mi kɑ nɛn yĩsiru, u bɛɛ wɛ̃.

Yohɑnu 15:7

Bɛɛ ì n kɑ mɑn mɑninɛ mɑ nɛn ɡɑri yi wɑ̃ɑ bɛɛ sɔɔ, i bikio ye i kĩ, nɑ kon bɛɛ kuɑ.

Yohɑnu 16:24

Sere kɑ tɛ̃ i ǹ ɡɑ̃ɑnu ɡɑnu kɑnɛ kɑ nɛn yĩsiru. I bikio, i ko wɑ, kpɑ bɛɛn nuku dobu bu kɑ yibu.

Yohɑnu I 5:15

Sɑ̀ n mɑɑ yɛ̃ mɑ u bɛsɛn kɑnɑru swɑɑ dɑki, sɑ yɛ̃ mɑ bɑɑyere ye sɑ kɑnɑmɔ win mi, bɛsɛɡiɑ kɔ.