Womusu 145:17 - Bibeli Gusunɔn Gari

¹⁷ Yinni Gusunɔ, ɑ sɑ̃ɑwɑ ɡemɡii wunɛn swɛɛ kpuro sɔɔ. Mɛyɑ ɑ rɑ mɑɑ wunɛn wɔnwɔndu sɔ̃ɔsi sɔmɑ ye ɑ mɔ̀ kpuro sɔɔ.

Womusu 145:17 ပူးပေါင်းရင်းမြစ်များ

Torubu 18:25

N ǹ weenɛ ɑ tɔn ɡeobu kɑ tɔn kɔ̃sobu kpeerɑsiɑ sɑnnu kpɑ be kpuro bu ɑre tee wɑ. Yen bweserɑ kun kɑ nun weenɛ. Wunɛ wi kɑɑ hɑnduniɑ kpuro siri, ɑ ǹ kɑɑ ko ye n wɑ̃?

Sɑmuɛli II 22:31

Ye Yinni Gusunɔ u mɔ̀, yɑ rɑ n dɛndewɑ. Bwisi ɡeeyɑ u rɑ tɔnu kɛ̃. U sɑ̃ɑwɑ be bɑ nùn nɑɑnɛ sɑ̃ɑn tɛrɛru.

Yoobu 34:10

Bɛɛ be i bwisi mɔ, i nɛn ɡɑri swɑɑ dɑkio i nɔ. I n yɛ̃ mɑ Gusunɔ ku rɑ kɔ̃sɑ ko. Gusunɔ Dɑm kpuroɡii u ku rɑ tɔnu win ɡem bire.

Yoobu 34:12

Kɑ ɡem Gusunɔ ku rɑ kɔ̃sɑ ko. U ku rɑ tɔnu nùn win ɡem bire.

Womusu 103:6

Yinni Gusunɔ u rɑ siriwɑ ɡem sɔɔ. U rɑ be bɑ dɑm dɔremɔ wɔre.

Womusu 112:4

Tɔn ɡeo wi u wɔnwɔndu mɔ, u rɑ kɑ tɔnu duure, u mɑɑ sɑ̃ɑ ɡemɡii, wɔ̃kurɑ yɑm dɛɛrɑmɔ win sɔ̃.

Womusu 116:5

Gusunɔ bɛsɛn Yinni u sɑ̃ɑwɑ tɔn ɡeo kɑ ɡemɡii. Mɛyɑ win wɔnwɔndɑ kpɑ̃.

Womusu 50:6

Wɔllu kpuro tɑ koo win ɡem ɡɑri kpɑrɑ. Domi wiyɑ u sɑ̃ɑ siri kowo.

Womusu 89:14

Wunɛn ɡɑ̃seru tɑ dɑm mɔ. Wunɛn nɔmu ɡɑ dɑm mɔ.

Womusu 97:2

Guru wii wuroru kɑ yɑm wɔ̃kurɑ rɑ n kɑ nùn sikerenɛwɑ. Gem wɔllɔwɑ u win sinɑ ɡɔnɑ tɛrie.

Esɑi 45:21

I nɑ i tii tusiɑ, kpɑ i kɑ bũu sɑ̃ɔ be nɑ bu wesiɑnɑ ben tii tiinɛ sɔɔ. Wɑrɑ u ɡeruɑ sɑɑ toren di ye yɑ koo koorɑ. N ǹ nɛ, Yinni Gusunɔ ro? Goo mɑɑ sɑri nɡe nɛ. Nɛ turowɑ nɑ sɑ̃ɑ ɡemɡii wi u rɑ fɑɑbɑ ko.

Sofoni 3:5

Adɑmɑ kɑ mɛ, Yinni Gusunɔ u wɑ̃ɑ kɑ bɛɛ. U sɑ̃ɑwɑ ɡemɡii, u ku rɑ weesu ko. U rɑ win ɡem terɑsiewɑ siribu sɔɔ bururu bɑɑtere. U ku rɑ tɔ̃ru bure. Adɑmɑ tɔn kɔ̃sobɑ bɑ kɔ̃sɑ mɔ̀, sekurɑ kun bu mɔ̀.

Sɑkɑri 9:9

Bɛɛ Siɔniɡibu, i nuku dobun kuuki koowo. Bɛɛ Yerusɑlɛmuɡibu, i yɛ̃ɛrio nuku dobun sɔ̃. Wee bɛɛn sinɑ boko u sisi bɛɛn mi. U sɑ̃ɑwɑ ɡemɡii kɑ fɑɑbɑ kowo. U ǹ tii sue. Kɛtɛku buuwɑ u sɔni.

Sɔ̃ɔsiru 32:4

Yinni Gusunɔ u sɑ̃ɑwɑ nɡe kperu. U rɑ kowɑ dee dee. Win siribu bu rɑ n dɛɛrewɑ. U sɑ̃ɑwɑ nɑɑnɛɡii, murɑfitiru sɑri win mi. U sɑ̃ɑwɑ ɡemɡii.

Kɑ̃siru 19:11

Nɑ mɑɑ wɑ Gusunɔ wɔllɑ wukiɑrɑ mɑ dum kɑɑ ɡɑɑ kurɑmɑ. Wi u ye sɔni win yĩsirɑ Gemɡii kɑ Bɔrɔkini. Gem sɔɔrɑ u rɑ siri, mɛyɑ u rɑ mɑɑ kɑ tɑbu ko.

Kɑ̃siru 19:2

Win siribu sɑ̃ɑ ɡem bu mɑɑ dɛnde. Domi u kurɔ tɑnɔ kpoko wi siri wi u hɑnduniɑ kpuro sɑnkɑ kɑ win dɑɑ bɛrɛtɛkɛ mɑ u nùn sɛɛyɑsiɑ yèn sɔ̃ u win sɔm kowobu ɡo.

Kɑ̃siru 4:8

Hunde koni nnɛ yen bɑɑyere yɑ kɑsɑ nɔɔbɑ tiɑ tiɑ mɔ, mɑ yi nɔni mɔ yɑm kpuro tɔɔwɔ kɑ sɔɔwɔ. Bɑ rɑ n womu mɔ̀ kpeetim sɑri sɔ̃ɔ sɔɔ kɑ wɔ̃kuru bɑ n mɔ̀, Dɛɛro! Dɛɛro! Dɛɛro! Mɛyɑ Yinni Gusunɔ Dɑm kpuroɡii u sɑ̃ɑ, wi u rɑɑ wɑ̃ɑ, wi u wɑ̃ɑ, wi u mɑɑ sisi.