Womusu 145:15 - Bibeli Gusunɔn Gari

¹⁵ Tɔmbu kpurowɑ bɑ mɛɛrɑ wunɛn mi ɡiɑ kɑ yĩiyɔbu, domi wunɑ ɑ rɑ bu dĩɑnu wɛ̃ nin sɑɑ sɔɔ.

Womusu 145:15 ပူးပေါင်းရင်းမြစ်များ

Torubu 1:30

Mɑ u mɑɑ hɑnduniɑn yɛɛ kpuro yi yi hunde mɔ yi sĩimɔ temɔ kɑ ɡunɔsu kpuro sɔ̃ɔwɑ u nɛɛ, nɑ bɛɛ yɑkɔ beku bɑɑɡere wɛ̃ i n dɑ di. Ye u ɡeruɑ mɛ, mɑ n koorɑ.

Womusu 104:21

Gbee sinɑn piiminu nù n yɑɑ wɑ, nu rɑ kukiriwɑ nu kɑ nun nin dĩɑnu bikiɑ.

Womusu 104:27

Yɛɛ kpuro, wunɛ turowɑ yi mɛɛrɑ yi kɑ yin dĩɑnu wɑ nin sɑɑ sɔɔ.

Womusu 136:25

Wiyɑ u rɑ hunde koni bɑɑyere dĩɑnu wɛ̃. Win wɔnwɔndu tɑ ku rɑ kpe.

Womusu 145:9

Yinni Gusunɔ, ɑ tɔmbu kpuro kĩ. Wunɛn wɔnwɔndu tɑ rɑ sɔ̃ɔsirewɑ wunɛn tɑkɑ koorɑ kpuro sɔɔ.

Yoɛli 2:22

Bɛɛ ɡbeeku yɛɛ, i ku nɑndɑ. Domi yɑkɑsu su koo wure su kpi temɔ, kpɑ dɑ̃nu nu mɑ. Fiɡie kɑ resɛm yɑ koo binu mɑ siki siki.

Mɑteu 6:26

I ɡunɔsu mɛɛrio. Su ku rɑ duure su sere ɡɛ̃ su sere ɡɑ̃ɑnu doke birɑru sɔɔ. Kɑ mɛ, bɛɛn Bɑɑbɑ wɔlluɡii u su diisiɑmɔ. Kɑɑ sere ɡere bɛɛ? I ǹ ɡunɔ si bɛɛrɛ kere?

Luku 12:24

I ɡbɑnɑmɡbɑɑnu lɑsɑbu koowo. Nu ku rɑ duure, nu ku rɑ mɑɑ ɡɛ̃, nu ǹ beru yeru mɔ, mɛyɑ nu ǹ mɑɑ birɑru mɔ, Gusunɔ mɑɑ nu diisiɑmɔ. I ǹ ɡunɔsu bɛɛrɛ kere sere mi n tomɑ?

Gɔrobun Kookoosu 17:25

Tɔmbun nɔmɑ kun kpɛ̃ yu nùn nɔɔri, domi u ǹ ɡɑ̃ɑnu ɡɑnun bukɑtɑ mɔ. Win tii tiiwɑ u yɑbu bɑɑyere wɑ̃ɑru kɑ wɛ̃siɑru kɑ bukɑtɑ kpuro wɛ̃ɛmɔ.