Womusu 144:4 - Bibeli Gusunɔn Gari

⁴ Tɔnu u sɑ̃ɑwɑ nɡe woo. Win wɑ̃ɑrun tɔ̃nu nu sɑ̃ɑwɑ nɡe sɑɑru te tɑ rɑ doonɛ.

Womusu 144:4 ပူးပေါင်းရင်းမြစ်များ

Sɑmuɛli II 14:14

Tilɑsiwɑ bɛsɛn bɑɑwure u kɑ ɡbi sɔ̃ɔ teeru kpɑ sɑ n sɑ̃ɑ nɡe nim mɛ mu yɑri tem sɔɔ, mɛ bɑ ǹ kpɛ̃ bu mɑɑ ɡurɑ. Adɑmɑ Gusunɔ kun kĩ Abusɑlɔmu u ɡbi tɛ̃. U kĩwɑ u ɡɔsirɑmɑ kpikirun di u n wɑ̃ɑ win bɔkuɔ.

Bɑndun Gɑri I 29:15

Sɑ bɛsɛn wɑ̃ɑru dimɔwɑ wunɛn wuswɑɑɔ nɡe sɔbu nɡe mɛ bɛsɛn sikɑdobɑ bɑ kuɑ. Bɛsɛn wɑ̃ɑrun tɔ̃ru kpuro koo doonɑwɑ nɡe sɑɑru, yĩiyɔbu sɑri.

Yoobu 4:19

Kɑɑ sere ɡere tɔn be bɑ mɔmɑ kɑ tem, be bɑ koo kpĩ bu sunku nɡe kɔkɔbu?

Yoobu 8:9

Bɛsɛ, sɑ sɑ̃ɑwɑ be bɑ mɑrɑ ɡin tee te, sɑ ǹ ɡɑ̃ɑnu yɛ̃. Bɛsɛn wɑ̃ɑru tɑ sɑ̃ɑwɑ nɡe sɑɑru hɑnduniɑ yeni sɔɔ.

Womusu 109:23

Wee nɑ doonɔ nɡe sɑɑru. Mɑ bɑ mɑn ɡire nɡe twee.

Womusu 39:11

A ku mɑɑ mɑn wɑhɑlɑ ko. Nɑ wɑsikirɑmɔ wunɛn nɔm ɡɛrɑn sɔ̃.

Womusu 62:9

Bɛɛ tɔmbu, i nùn nɑɑnɛ koowo sɑɑ kpuro. I nùn sɔ̃ɔwɔ ye yɑ bɛɛ nɛni. Domi wiyɑ u sɑ̃ɑ bɛsɛn kuku yeru.

Womusu 89:47

Yinni Gusunɔ, sere sɑɑ yerɑ̀ kɑɑ n kukuɑ. Sere sɑɑ yerɑ̀ wunɛn mɔru yɑ ko n seewɑ nɡe dɔ̃ɔ yɑrɑ.

Wɑɑsu kowo 1:14

Nɑ wɑ ye yɑ koorɑmɔ hɑnduniɑ sɔɔ kpuro. Mɑ nɑ deemɑ yɑ tubum sɛ̃. Yɑ sɑ̃ɑwɑ nɡe wi u kĩ u woo kpɑrɑ.

Wɑɑsu kowo 1:2

Wiyɑ u nɛɛ, ɡɑ̃ɑnu kpuro nu tubum sɛ̃. Kɑ ɡem yɑ sɑ̃ɑwɑ biti.

Wɑɑsu kowo 12:8

Wɑɑsu kowo u nɛɛ, ɡɑ̃ɑnu kpuro nu tubum sɛ̃, nu mɑɑ sɑ̃ɑwɑ biti.

Wɑɑsu kowo 8:13

Tɔn kɔ̃so kun doo nɔɔru wɑsi. Win wɑ̃ɑrɑ kun dɛnyɑmɔ tu sɑɑru kerɑ. Domi u ǹ Yinni Gusunɔ nɑsie.