Womusu 144:2 - Bibeli Gusunɔn Gari

² Wunɑ ɑ rɑ mɑn durom kue kpɑ ɑ mɑn kɔ̃su. Wunɑ ɑ sɑ̃ɑ nɛn kuku yee dɑmɡiru kɑ nɛn fɑɑbɑ kowo. Wunɑ ɑ sɑ̃ɑ nɛn tɛrɛru te tɑ rɑ mɑn ɡɑnɛ. Wunɑ ɑ rɑ de bwesenu nu n mɑn wiru kpĩiyɛ.

Womusu 144:2 ပူးပေါင်းရင်းမြစ်များ

Womusu 110:3

Dɔmɑ te kɑɑ wunɛn tɑbu kowobu mɛnnɑ Gusunɔn ɑye dɛɛrɑru sɔɔ, wunɛn tɔmbɑ koo nun ben tii wɛ̃ kɑ kĩru. Wunɛn ɑluwɑɑsirun dɑm mu koo wurɑmɑ bururu bɑɑtere nɡe mɛ dirum mu rɑ yɑri.

Womusu 18:2

Yinni Gusunɔ, wunɑ ɑ sɑ̃ɑ nɛn dɑm. Wunɑ nɑ kĩ.

Womusu 18:47

Yinni Gusunɔ u wɑ̃ɑ. I nùn siɑro. Wiyɑ u sɑ̃ɑ nɡe kperu mi nɑ rɑ kuke. I nùn bɛɛrɛ wɛ̃ɛyɔ. Wiyɑ u mɑn fɑɑbɑ kuɑ.

Womusu 59:9

Adɑmɑ wunɛ, Yinni Gusunɔ, ɑ bu yɛ̃ɛmɔ. A bwesenu kpuro ɑtɑfiiru sɑ̃ɑ.

Womusu 84:9

Gusunɔ wɔllu kɑ tem Yinni, ɑ mɑn swɑɑ dɑkio. Gusunɔ Yɑkɔbun Yinni, ɑ nɛn kɑnɑru nɔɔwɔ.

Womusu 91:2

Kon Yinni Gusunɔ sɔ̃ mɑ wiyɑ nɛn kuku yeru kɑ nɛn kɑ̀rì. Wiyɑ nɛn Yinni wi nɑ nɑɑnɛ sɑ̃ɑ.

Mɔnnu 18:10

Yinni Gusunɔ u sɑ̃ɑwɑ nɡe ɡbɑ̃rɑ dɑmɡiru. Gemɡii ù n dukɑ dɑ mi, u ko n wɑ̃ɑwɑ bɔri yɛndu sɔɔ.

Yeremi 16:19

Yeremi u nɛɛ, Yinni Gusunɔ, ɑ sɑ̃ɑwɑ nɛn dɑm kɑ nɛn kuku yee dɑmɡiru, nɔni swɑ̃ɑrun sɑɑ. Wunɛn miyɑ hɑnduniɑn ɡoonu nnɛ kpuron tɔmbu bɑ koo nɑ, kpɑ bu nɛɛ, weesɑ ben bɑɑbɑbɑ bɑ swĩi. Ben bũnu nu ǹ ɡɑ̃ɑnu sosi, nu sɑ̃ɑwɑ kɑm dirum.