Womusu 144:12 - Bibeli Gusunɔn Gari

¹² A de bɛsɛn bii ɑluwɑɑsibɑ bu ko nɡe dɑ̃ɑ ni nu kpiɑ dee dee nin piiburun di, kpɑ bɛsɛn bii wɔndiɑbɑ bu mɑɑ ko kurɔ burɑbu nɡe ɡbere be bɑ dɑ̃kɑ bɑ sɑ̃ɑ sinɑ kpɑɑrun burɑru.

Womusu 144:12 ပူးပေါင်းရင်းမြစ်များ

Yoobu 42:15

Tem mi kpuro sɔɔ, wɔndiɑ ɡoo sɑri wi u Yoobun bii wɔndiɑ be burɑm turɑ. U bu tubi wɛ̃ nɡe mɛ u win bii tɔn durɔbu wɛ̃.

Womusu 128:3

Win yɛnuɔ win kurɔ u ko n sɑ̃ɑwɑ nɡe resɛm ye yɑ rɑ mɑ. Mi bɑ sɔ̃ bɑ dimɔ, kpɑ win bibu bɑ n sɑ̃ɑ nɡe olifin dɑ̃ɑ kpɛmminu.

Swĩi 4:2

Yerusɑlɛmun tɔn be bɑ rɑɑ ɡɑrisi nɡe wurɑ ɡeɑ, bɑ ɡisɔ bu ɡɑrisiwɑ nɡe tem mɔnnu.

Sɑkɑri 9:17

Tem miyɑ doo nɔɔru kɑ burɑm mu ko n wɑ̃ɑ. Alikɑmɑ kɑ tɑm koo de ɑluwɑɑsibɑ kɑ wɔndiɑbɑ bɑ n dɑm mɔ.

Sɔ̃ɔsiru 7:13

U koo bɛɛ kĩɑ kpɑ u bɛɛ domɑru kuɑ u de i dɑbiɑ. U koo bɛɛn bibu domɑru kuɑ kɑ dĩɑ ni i duurɑ kɑ dĩɑ binnu kɑ dɑ̃ɑ bii ni bɑ rɑ kɑ tɑm ko kɑ ni bɑ rɑ kɑ ɡum ko. U koo de bɛɛn nɑɑ ɡɔ̃su kɑ bɛɛn yɑ̃ɑ ɡɔ̃su kɑ bɛɛn boo ɡɔ̃su su kuurɑ tem mɛ sɔɔ, mɛ u nɔɔ mwɛɛru kuɑ kɑ bɔ̃ri u nɛɛ, u koo bɛɛn bɑɑbɑbɑ wɛ̃.