Womusu 143:10 - Bibeli Gusunɔn Gari

¹⁰ Wunɑ sɑ̃ɑ nɛn Yinni. A mɑn sɔ̃ɔsio mɛ ko nɑ n dɑ wunɛn kĩru ko. A de wunɛn Hunde ɡeo wi, u mɑn kpɑrɑ swɑɑ ye yɑ nɔɔ nɛ sɔɔ.

Womusu 143:10 ပူးပေါင်းရင်းမြစ်များ

Nɛɛmi 9:20

Wunɛn kĩrun sɑɑbu, ɑ bu wunɛn Hunde wɛ̃ bɑ n kɑ bwisi mɔ. Bɑɑdommɑ ɑ rɑ bu dĩɑnu wɛ̃ ni bɑ rɑ soku mɑnnɑ bu di, kpɑ ɑ bu nim wɛ̃ bu nɔ.

Womusu 118:28

Gusunɔ, ɑ sɑ̃ɑwɑ nɛn Yinni. Kon nun siɑrɑ. Kon nun wɔlle suɑ.

Womusu 119:12

Yinni Gusunɔ, nɑ nun siɑrɑ, ɑ mɑn wunɛn woodɑbɑ keu koosio.

Womusu 119:35

Nɑ wunɛn swɑɑ kĩ. A mɑn sureo ye sɔɔ.

Womusu 139:24

A mɛɛrio ɑ wɑ nɑ̀ n wɑ̃ɑ swɑɑ kɔ̃sɑ sɔɔ, kpɑ ɑ kɑ mɑn dɑ wɑ̃ɑru te tɑ ku rɑ kpen swɑɑ sɔɔ.

Womusu 140:6

Wee tii suobu bɑ mɑn yinɑ bɛriɑmmɛ. Bɑ mɑn tɑɑ yinuɑmmɛ swɑɑ sɔɔ. Mɑ bɑ mɑn yɔɔru bwɛ̃ɛyɛ.

Womusu 22:1

Dɑfidin womu ɡe u wom kowobun wiruɡii kuɑ. U nɛɛ,

Womusu 23:3

A rɑ de nɛn dɑm mu wurɑmɑ, ɑ rɑ mɑn sure swɑɑ ɡeɑ sɔɔ, wunɛn yĩsirun bɛɛrɛn sɔ̃.

Womusu 25:12

Nɑ yɛ̃ mɑ wi u nun nɑsie, wiyɑ ɑ rɑ swɑɑ sɔ̃ɔsi ye u koo kpe.

Womusu 27:11

Yinni Gusunɔ, ɑ mɑn wunɛn swɑɑ sɔ̃ɔsio kpɑ ɑ de n sĩ dee dee ye sɔɔ, domi nɛn yibɛrɛbɑ bɑ dɑbi.

Womusu 31:14

Nɑ nɔɔmɔ kɔ̃sɑ ye tɔmbɑ ɡerumɔ nɛn sɔ̃. Mɑ be bɑ mɑn sikerenɛ kpuron bɛrum mɑn mɔ̀. Domi bɑ wesiɑnɑmɔ bu kɑ mɑn ɡo.

Womusu 63:1

Dɑfidin womu. U ɡu kuɑwɑ sɑnɑm mɛ u wɑ̃ɑ Yudɑn ɡbɑburɔ. Ge wee.

Esɑi 29:10

Domi Yinni Gusunɔ u bɛɛn lɑɑkɑri sikɑrisiɑ, u win sɔmɔbu kɑ bɛɛn sɔrobun nɔni wɔ̃kuɑ.

Esɑi 63:14

Win Hunde u kɑ sun dɑ sɑ wɛ̃rɑ nɡe mɛ yɑ̃ɑ kpɑro u rɑ kɑ win yɑɑ sɑbenu de wɔwɑɔ. Nɡe mɛyɑ u sun kpɑrɑ u kɑ yĩsi bɛɛrɛɡiru yɑrɑ.

Misee 4:2

nu nɛɛ, i nɑ su dɑ Yerusɑlɛmuɔ Yinni Gusunɔn ɡuurɔ mi Isirelibɑ bɑ rɑ nùn sɑ̃, kpɑ u sun win swɛɛ sɔ̃ɔsi su sĩ yi sɔɔ. Min diyɑ u koo win woodɑ yɑrɑ kpɑ u ɡɑri ɡerumɑ.

Gbɑburu 9:22

Adɑmɑ tɑ̀ n yɔ̃rɑ kuu ten wɔllɔ sɔ̃ɔ yiru ǹ kun mɛ suru tiɑ ǹ kun mɛ wɔ̃ɔ tiɑ Isirelibɑ bɑ ku rɑ kuu te wuke, mɑ n kun mɔ bɑ ɡuru wii wuro te wɑ tɑ seewɑ.

Mɑteu 28:20

Kpɑ i de ye nɑ bɛɛ sɔ̃ɔwɑ bɑ n ye kpuro mɛm nɔɔwɑmmɛ. N wee, ko nɑ n kɑ bɛɛ wɑ̃ɑ bɑɑdommɑ sere kɑ hɑnduniɑn kpeerɔ.

Yohɑnu 14:26

Adɑmɑ Hunde Dɛɛro, Dɑm kɛ̃ɔ wi, wi Bɑɑbɑ koo ɡɔrimɑ kɑ nɛn yĩsiru, wiyɑ u koo bɛɛ bɑɑyere keu sɔ̃ɔsi, u koo mɑɑ bɛɛ ye kpuro yɑɑyɑsiɑ ye nɑ bɛɛ sɔ̃ɔwɑ.

Romu 15:13

Kpɑ Gusunɔ wi u sun yĩiyɔbu wɛ̃ɛmɔ u bɛɛ nuku dobu kpuro kɑ bɔri yɛndu kpuro yibiɑ bɛɛn nɑɑnɛ dokebun sɔ̃ kpɑ i n yĩiyɔbu mɔ n bɑnde sɑɑ Hunde Dɛɛron dɑm di.

Romu 15:30

Nɛɡibu, nɑ bɛɛ hɑniɑ koosiɑmɔ bɛsɛn Yinni Yesu Kirisin sɔ̃ kɑ Hunde Dɛɛron kĩrun sɔ̃, i n kɑ mɑn tɑbu mɔ̀ kɑ kɑnɑru.

Romu 5:5

Tɛ̃, yĩiyɔ bi, bu ku rɑ sun dukiri kue, domi Gusunɔ u win kĩru yibiɑ bɛsɛn ɡɔ̃ruɔ sɑɑ Hunde Dɛɛron min di wi u sun kɑ̃.

Romu 8:2

Domi Gusunɔn Hunden woodɑ ye yɑ wɑ̃ɑru wɛ̃ɛmɔ Kirisi Yesu sɔɔ yɑ sun yɑkiɑ sɑɑ torɑru kɑ ɡɔɔn nɔmɑn di.

Romu 8:26

Nɡe mɛyɑ mɑɑ Hunde Dɛɛro u rɑ sun somi bɛsɛn dɑm sɑriru sɔɔ, domi sɑ ǹ yɛ̃ ye n weenɛ su Gusunɔ kɑnɑ. Adɑmɑ Hunde wi, u rɑ nùn kɑnɛ bɛsɛn sɔ̃ kɑ kpɑsɑ wɔri ye yɑ ǹ kɑ nɔɔ ɡerurɔ.

Efesu 4:30

I ku Gusunɔn Hunde Dɛɛro nuki sɑnku, domi Hunde wi, u sɑ̃ɑwɑ Gusunɔn yĩreru bɛɛ sɔɔ te tɑ sɔ̃ɔsimɔ mɑ Gusunɔ u koo sun yɑkiɑ mɑm mɑm.

Efesu 5:9

Domi wi u sĩimɔ yɑm bururɑm sɔɔ wiyɑ rɑ n tɔn ɡeerun kom bwese bwesekɑ mɔ̀ kɑ ɡeɑn kobu kɑ mɑɑ ɡem ɡerubu.

Timɔte II 1:7

Domi hunde ye Gusunɔ u sun wɛ̃ yɑ ǹ koo de su bɛrum ko, yɑ koo dewɑ sɑ n dɑm kɑ kĩru kɑ ɡɑyɑ mɔ.

Heberu 13:21

Gusunɔ turo wi, u bɛɛ dɑm kɛ̃ i kɑ dɑɑ ɡeɑ ko kpɑ i kɑ win kĩru ko, kpɑ u mɑɑ sɔmburu ko bɛɛ sɔɔ te tɑ koo nùn wɛ̃re sɑɑ Yesu Kirisin min di wi sɑ ko n bɛɛrɛ wɛ̃ɛmɔ sere kɑ bɑɑdommɑɔ. Ami.

Yohɑnu I 2:27

Adɑmɑ bɛɛ, Hunde Dɛɛro wi i mwɑ Kirisin min di, u wɑ̃ɑ bɛɛ sɔɔ. Yen sɔ̃, i ǹ ɡoon bukɑtɑ mɔ wi u koo bɛɛ ɡɑ̃ɑnu keu koosiɑ. Adɑmɑ yèn sɔ̃ Hunde Dɛɛro wi, u bɛɛ ɡɑ̃ɑnu bɑɑnire keu koosiɑmɔ, ni nu sɑ̃ɑ ɡem, n ǹ mɔ weesu, yen sɔ̃, i n kɑ Kirisi mɑninɛ, nɡe mɛ Hunde Dɛɛro u bɛɛ sɔ̃ɔsi.