Womusu 138:4 - Bibeli Gusunɔn Gari

⁴ Yinni Gusunɔ, sinɑmbu kpurowɑ bɑ koo nun siɑrɑ. Domi bɑ wunɛn ɡɑri nuɑ.

Womusu 138:4 ပူးပေါင်းရင်းမြစ်များ

Womusu 102:15

Wunɛn sɔm kowobu bɑ ye kĩ sere kɑ yen bɑnsɔ. Bɑ mɑɑ yen tuɑ mɛɛrɑ ɡɑ̃ɑ ɡeenu.

Womusu 102:22

Kpɑ bu win yĩsiru kpɑrɑ bu nùn siɑrɑ Yerusɑlɛmuɔ

Womusu 22:22

Bɑ mɑn wɔrimɔ nɡe ɡbee sinɑnsu. Bɑ mɑn kooro buremɔ nɡe kɛtɛ ɡbeekinu.

Womusu 22:27

Sɑ̃ɑrobu bɑ koo di bu debu. Be bɑ Yinni Gusunɔ kɑsu, berɑ bɑ koo nùn siɑrɑ. Kpɑ ben hunde yu dɑkɑɑ dɑ.

Womusu 51:13

A ku mɑn ɡirɑ wunɛn bɔkun di, ɑ ku mɑɑ mɑn wunɛn Hunde Dɛɛro mwɑɑri.

Womusu 57:9

A yɑndo nɛn bwɛ̃rɑ. Mɑnɑ nɛn ɡɔ̃ɔɡerɑ wɑ̃ɑ. Mɑnɑ nɛn mɔrɔku ɡɑ wɑ̃ɑ n kɑ sɔ̃ɔ bɔɔsiɑ.

Womusu 71:18

Gusunɔ, ɑ ku mɑn deri bɑɑ nɑ̀ n tɔkɔ kuɑ, kpɑ n kpĩ n kɑ tɛ̃n ɑluwɑɑsibɑ kɑ be bɑ koo rɑ mɑrurɑ wunɛn dɑm ɡɑri sɔ̃.

Womusu 72:11

Kpɑ sinɑmbu kpuro bu mɑn yiirɑ, kpɑ bwesenu kpuro nu mɑn sɑ̃.

Esɑi 49:23

Sinɑmbu kɑ ben bii tɔn kurɔbu bɑ koo nun nɔɔri. Bɑ koo nun kpunɑ bu wiru tem ɡirɑri, kpɑ bu tii kɑwɑ bu nun bɛɛrɛ bɑkɑ wɛ̃. Sɑnɑm mɛyɑ kɑɑ ɡiɑ mɑ nɛnɑ nɑ sɑ̃ɑ Yinni Gusunɔ. Be bɑ mɑɑ mɑn yĩiyɔ bɑ ǹ sekuru wɑsi.

Esɑi 60:16

Bwese tukunu kɑ nin sinɑmbu bɑ koo nun nɔɔri nɡe mɛ bii mɛro u rɑ win bii bɔm kɛ̃, kpɑ ɑ ɡiɑ mɑ nɛnɑ nɑ sɑ̃ɑ Gusunɔ Yɑkɔbun Yinni dɑmɡii wi u nun yɑkiɑ mɑ u nun fɑɑbɑ mɔ̀.

Kɑ̃siru 11:15

Yen biru wɔllun ɡɔrɑdo nɔɔbɑ yiruse u win kɔbɑ so. Yerɑ nɔɔ dɑmɡisu nɔɔrɑ Gusunɔ wɔllɔ su nɛɛ, hɑnduniɑ yenin bɑndɑ kuɑ Gusunɔ bɛsɛn Yinni kɑ win Kirisiɡiru. U ko n bɑndu dii sere kɑ bɑɑdommɑɔ.

Kɑ̃siru 21:24

Tem kpuron tɔmbu bɑ koo sĩ ɡen yɑm bururɑm sɔɔ, kpɑ tem ɡirum sinɑmbu bu kɑ ben yiiko ye bɑ rɑɑ mɔ nɑ ɡe sɔɔ.