Womusu 137:8 - Bibeli Gusunɔn Gari

⁸ Bɑbiloniɡibu, i sɑ̃ɑwɑ be bɑ koo kɑm koosiɑ. Doo nɔɔruɡiiwɑ wi u koo bɛɛ kɔ̃sɑ yèn bweseru i rɑɑ sun kuɑ kɔsie.

Womusu 137:8 ပူးပေါင်းရင်းမြစ်များ

Esɑi 21:1

Gɑri yiniwɑ Yinni Gusunɔ u ɡeruɑ Bɑbilonin sɔ̃. U mɑn kɑ̃si nɑnumɡiru sɔ̃ɔsi. Nɑ wɑ yibɛrɛbɑ bɑ wee sɑɑ tem mɛ bɑ nɑsien di nɡe mɛ woo ɡunɑ yɑ rɑ nɛ sɑɑ sɔ̃ɔ yɛ̃sɑn nɔm dwɑru ɡiɑn di. Wi u rɑ dɑm dɔre, u dɑm dɔrɑmɔ. Wi u rɑ mɑɑ kpeerɑsie, u kpeerɑsiɑmɔ. Elɑmun tɑbu kowobu, i seewo. Mɛdibɑ, i wuu ɡe tɑrusio. Domi Yinni Gusunɔ u derɑ Bɑbiloni ye, yɑ ǹ mɑɑ tɔmbu weeweenu koosimɔ.

Esɑi 44:28

Wee ye nɑ ɡeruɑ Sirusin sɔ̃. U sɑ̃ɑwɑ kpɑro wi nɑ ɡɔsɑ. U koo mɑɑ nɛn kĩru kpuro yibiɑ. Kpɑ u de bu wure bu Yerusɑlɛmu bɑni, kpɑ bu nɛn sɑ̃ɑ yee ten kpɛɛkpɛɛku swĩi.

Yeremi 50:1

Wee ɡɑri yi Yinni Gusunɔ u ɡeruɑ Bɑbilonin sɔ̃ kɑ yen tem kpuron sɔ̃, sɑɑ Yeremin min di. U nɛɛ,

Yeremi 50:29

I tɛn towobu mɛnnɔ bu Bɑbiloni wɔri, kpɑ bu ben sɑnsɑni ɡirɑ bu kɑ ye sikerenɑ, kpɑ bu ku rɑɑ de ɡoo u kisirɑ min di. Bu bu kɔsieyo nɡe mɛ ben dɑɑ yɑ nɛ. Bu bu kuo nɡe mɛ bɑ rɑɑ ɡɑbu kuɑ. Domi bɑ tii wɔlle suɑ nɛ, Yinni Gusunɔn wuswɑɑɔ, nɛ wi nɑ sɑ̃ɑ Isirelibɑn Yinni Dɛɛro.

Sɑkɑri 2:7

Sɑnɑm mɛ Gusunɔn ɡɔrɑdo wi u kɑ nùn ɡɑri mɔ̀, u susim wee, yerɑ ɡɔrɑdo ɡoo u mɑɑ nɑ u kɑ wiɔnɔ yinnɑ.

Kɑ̃siru 18:20

Wɔllu, ɑ ɡɔ̃ru doro wuu ɡen sɔ̃. Bɛɛ mɑɑ nɑɑnɛ dokeobu kɑ ɡɔrobu kɑ Gusunɔn sɔmɔbu, i ɡɔ̃ru doro yèn sɔ̃ Gusunɔ u ɡu siri ye ɡɑ bɛɛ kuɑn sɔ̃.

Kɑ̃siru 18:6

I ye kɔsieyo nɡe mɛ yɑ bɛɛ kuɑ. I ye kɔsieyo nɡe mɛ yɑ bɛɛ kuɑn nɔn yiru. I yen nɔrɑ yibio kɑ tɑm mɛ mu bɔɔbu nɔn yiru n kere nɡe mɛ yɑ bɛɛ sɔkɑ.