Womusu 136:6 - Bibeli Gusunɔn Gari

^6-9 U tem tɛriɑ nim wɔllɔ, mɑ u sɔ̃ɔ kɑ suru kuɑ. U sɔ̃ɔ kuɑwɑ u kɑ yɑm bururɑsiɑ sɔ̃ɔ sɔɔ, mɑ u suru kɑ kperi kuɑ ye kpuro yu kɑ yɑm bururɑsiɑ wɔ̃kuru. Win wɔnwɔndu tɑ ku rɑ kpe.

Womusu 136:6 ပူးပေါင်းရင်းမြစ်များ

Torubu 1:9

Mɑ Gusunɔ u nɛɛ, nim mɛ mu wɑ̃ɑ wom dirum temɔ mu subenu koowo kpɑ tem ɡbebum mu terɑ. Ye u ɡeruɑ mɛ, mɑ n koorɑ.

Yoobu 26:7

Wiyɑ u sɔ̃ɔ yɛ̃sɑn nɔm ɡeu doke wom dirum sɔɔ. Mɑ u tem bwɛ̃ kɑm dirum sɔɔ.

Yoobu 37:18

Kɑɑ kpĩ ɑ wɔllu tɛriɑ nɡe wi, kpɑ tɑ n dɑm mɔ nɡe diɡi ye bɑ kuɑ kɑ sisu?

Womusu 24:2

Wunɑ ɑ tem kpɛɛkpɛɛku swĩi nim wɔ̃ku sɔɔ. Wunɑ ɑ mu bɔnu kuɑ kɑ dɑɑnu.

Esɑi 40:22

Gusunɔwɑ u ɡu swĩi, wi, wi u wɑ̃ɑ wɔllɔ u tɔmbu mɛɛrɑ bɑ sɑ̃ɑ nɡe twee. U wɔllu tɛriɑ nɡe beku te tɑ ǹ bunu. U tu dɛmiɑ nɡe kuu bekuruɡiru u kɑ win wɑ̃ɑ yeru kuɑ.

Esɑi 42:5

Yinni Gusunɔ wi u wɔllu kuɑ u tɛriɑ, mɑ u tem kuɑ kɑ ye yɑ kpiɑ mɛ sɔɔ, mɑ u derɑ tɔmbu kɑ sere hunde koni be bɑ wɑ̃ɑ tem sɔɔ bɑ wɛ̃siɑmɔ, wiyɑ u win sɔm kowo sɔ̃ɔwɑ u nɛɛ,

Esɑi 44:24

Nɛ, Yinni Gusunɔ, nɑ sɑ̃ɑwɑ wunɛn fɑɑbɑ koowo. Nɛnɑ nɑ nun mɔmɑ bɑ sere nun mɑrɑ. Amɛniwɑ nɑ ɡeruɑ. Nɑ nɛɛ, nɛnɑ nɑ ɡɑ̃ɑnu kpuro kuɑ. Nɛ turowɑ nɑ mɑɑ wɔllu kɑ tem tɛriɑ.

Yeremi 10:12

Yinni Gusunɔwɑ u tem tɑkɑ kuɑ kɑ win dɑm, kɑ win yɛ̃ru, mɑ u wɔllu tɛriɑ kɑ win bwisi.

Sɑkɑri 12:1

Gɑri yi Yinni Gusunɔ u ɡeruɑ Isirelibɑn sɔ̃ wee. Wi, wi u wɔllu kɑ tem mɔmɑ, mɑ u mɑɑ tɔnu hunde dokeɑ