Womusu 132:9 - Bibeli Gusunɔn Gari

⁹ A de wunɛn yɑ̃ku kowobu bɑ n ɡem swĩi, kpɑ be bɑ nun nɑɑnɛ sɑ̃ɑ bɑ n nuku dobun kuuki mɔ̀.

Womusu 132:9 ပူးပေါင်းရင်းမြစ်များ

Bɑndun Gɑri II 6:41

Yinni Gusunɔ, ɑ seewo ɑ nɑ mi ɑ rɑ wɛ̃re, wunɛ kɑ wunɛn woodɑn kpɑkororu, mi wunɛn dɑm mu rɑ sɔ̃ɔsire. A de wunɛn yɑ̃ku kowobu bɑ n fɑɑbɑ mɔ. Kpɑ be bɑ nun mɛm nɔɔwɑmmɛ bɑ n nuku dobu mɔ̀ doo nɔɔru sɔ.

Yoobu 29:14

Gem kobu bu rɑ n mɑn wɑ̃ɑsiwɑ nɡe yɑbe te nɑ sebuɑ, ǹ kun mɛ nɡe dɑwɑni ye nɑ bɔkuɑ.

Womusu 104:1

Yinni Gusunɔ, kon nun siɑrɑ. Gusunɔ nɛn Yinni, ɑ kpɑ̃, ɑ ǹ nɔru mɔ. Yɑm bururɑm kɑ yiiko yɑ nun wukiri.

Womusu 132:16

U koo yen yɑ̃ku kowobu fɑɑbɑ ko. Kpɑ be bɑ nùn nɑɑnɛ sɑ̃ɑ bu nuku dobun kuuki ko.

Womusu 149:5

Be bɑ Yinni Gusunɔ nɑɑnɛ sɑ̃ɑ, bu nɑsɑrɑ suo kɑ bɛɛrɛ bɑkɑ. Bu nuku dobun kuuki koowo ben kpin yenu wɔllɔ.

Womusu 47:1

Womu ɡe Koren bibu bɑ wom kowobun wiruɡii kuɑ. Ge wee.

Womusu 68:3

A bu yɑrinɑsiɑ nɡe wiisu. Mɑ bɑ yɑndɑ nɡe ɡum minɛru te bɑ dɔ̃ɔ tĩi. Tɔn kɔ̃sobu bɑ mundɑ wunɛn wuswɑɑɔ Gusunɔ.

Womusu 70:4

A de be bɑ mɑn yɛ̃ɛmɔ mi, bu biru wurɑ seku ten sɔ̃.

Womusu 93:1

Yinni Gusunɔ, ɑ bɑndu dii, mɑ ɑ wunɛn yiiko sebuɑ nɡe yɑberu. Mɑ ɑ dɑm sɛ̃ke nɡe kpɑkɑ. A mɑɑ derɑ tem mu dɑm mɔ, mu ǹ yĩirimɔ.

Esɑi 61:10

Yinni Gusunɔ sɔɔrɑ Yerusɑlɛmu koo nuku dobu ko, kpɑ yen ɡɔ̃ru ɡɑ n do win sɔ̃. Domi wiyɑ u ye fɑɑbɑ kuɑ u ye ɡem wɛ̃. Mɑ win fɑɑbɑ ye kɑ win ɡem mɛ, mu sɑ̃ɑ nɡe burɑ yɑ̃ɑ ni kurɔ kpɑo kɑ win durɔ bɑ doke.

Esɑi 65:14

Wee, nɛn sɔm kowo be, bɑ koo womusu ko kɑ nuku dobu. Adɑmɑ bɛɛ, i ko kuuki kowɑ nuku sɑnkirɑnun sɔ̃, kpɑ i n weeweenu mɔ̀.

Sofoni 3:14

Bɛɛ Siɔniɡibu, i ɡɔ̃ru dobun kuuki koowo. Bɛɛ Isirelibɑ kpuro ɡesi, i nuku dobun kuuki koowo. Bɛɛ Yerusɑlɛmuɡibu, i yɛ̃ɛrio kpɑ i nɑsɑrɑn kuuki ko kɑ bɛɛn ɡɔ̃ru kpuro.

Sɑkɑri 9:9

Bɛɛ Siɔniɡibu, i nuku dobun kuuki koowo. Bɛɛ Yerusɑlɛmuɡibu, i yɛ̃ɛrio nuku dobun sɔ̃. Wee bɛɛn sinɑ boko u sisi bɛɛn mi. U sɑ̃ɑwɑ ɡemɡii kɑ fɑɑbɑ kowo. U ǹ tii sue. Kɛtɛku buuwɑ u sɔni.

Romu 13:14

Adɑmɑ i Yinni Yesu Kirisin dɑɑ sebuo, kpɑ i ku bɛɛn tiin dɑɑn bwisikunu ko i kɑ yen binɛ wunɑ.

Piɛɛ I 5:5

Mɛyɑ mɑɑ, bɛɛ ɑluwɑɑsibɑ, i yiɡbɛ ɡuro ɡurobu wiru kpĩiyɔ. Bɛɛ kpuro i tii kɑwɑbu sebuo nɡe yɑberu bɛɛn wɑ̃ɑsinɑɑ sɔɔ, domi Gusunɔn ɡɑri ɡerumɔ, “Gusunɔ kun wɑ̃ɑ be bɑ tii suen biruɔ, ɑdɑmɑ u tii kɑwobu durom kuɑmmɛ.”

Kɑ̃siru 19:8

Bɑ derɑ u yɑ̃ɑ kpiki bɛɛrɛɡinu sebuɑ ni nu dɛɛre wɑsɑ wɑsɑ. Yɑ̃ɑ bɛɛrɛɡii ni, nu sɑ̃ɑwɑ nɑɑnɛ dokeobun kookoo ɡeesu.

Kpɑrobu 5:31

Yinni Gusunɔ, ɑ de wunɛn yibɛrɛbɑ kpuro bu ɡbi nɡe Siserɑ. Adɑmɑ be bɑ nun kĩ, bɑ n bɑllimɔ nɡe sɔ̃ɔ wii wɔllun sɔ̃ɔ. Yen biruwɑ tem mɛ, mu bɔri yɛndu wɑ wɔ̃ɔ weeru.