Womusu 132:7 - Bibeli Gusunɔn Gari

⁷ Su du Yinni Gusunɔn sɑ̃ɑ yerɔ, kpɑ su nùn kpunɑ.

Womusu 132:7 ပူးပေါင်းရင်းမြစ်များ

Womusu 118:19

I mɑn ɡem kɔnnɔsu kɛniɔ, kpɑ n du n Yinni Gusunɔ siɑrɑ.

Womusu 122:1

Sɑ̃ɑ dɑɑrun womu ɡe Dɑfidi u kuɑ. Ge wee. Bɑ̀ n nɛɛ, su dɑ Yinni Gusunɔn sɑ̃ɑ yerɔ, nɛn nukurɑ rɑ dorewɑ.

Womusu 5:7

A tɔn ɡowobu tusɑ. A tɑki diobu tusɑ. A rɑ wee kowobu kpeerɑsie.

Womusu 95:6

I nɑ su kpunɑ su tii kɑwɑ. Su yiirɑ Yinni Gusunɔ bɛsɛn tɑkɑ kowon wuswɑɑɔ.

Womusu 99:5

Yinni Gusunɔ u dɛɛre. I nùn wɔlle suo. I nɑ i yiirɑ win sinɑ kitɑrun nuurɔ.

Womusu 99:9

I Gusunɔ bɛsɛn Yinni siɑro. I yiiro win ɡuu dɛɛrɑrɔ i nùn bɛɛrɛ wɛ̃. Domi u sɑ̃ɑwɑ Dɛɛro.

Esɑi 2:3

nu nɛɛ, i nɑ su dɑ Yerusɑlɛmuɔ su yɔ Yinni Gusunɔn ɡuurɔ mi Isirelibɑ bɑ rɑ nùn sɑ̃. Kpɑ u sun win swɛɛ sɔ̃ɔsi su sĩ yi sɔɔ. Bɑ koo ɡere mɛ, domi ɡuu ten min diyɑ u koo win woodɑ yɑrɑ kpɑ u ɡɑri ɡerumɑ.

Swĩi 2:1

Yinni Gusunɔn mɔru bɑkɑ yɑ seewɑ. Mɑ yɑ Yerusɑlɛmu wukiri nɡe ɡuru wii bɑkɑru. Yen bɛɛrɛ ye yɑ rɑɑ ɡirɑri sere ɡuru winɔ, u ye kɑrɑ u kɔ̃ temɔ. Win mɔru yen sɑɑ sɔɔ, u ǹ yɑɑye mɑ Yerusɑlɛmu yɑ sɑ̃ɑ win nɑɑ sɔnditiɑ.