10 A ku wi ɑ ɡɔsɑ yinɑ Dɑfidi wunɛn sɔm kowon sɔ̃.
Adɑmɑ u koo be de u n ɡinɑ bɑn te dii sere u kɑ ɡbi win bɔ̃ɔ Dɑfidin sɔ̃, wi u ɡɔsɑ mɑ u win woodɑbɑ kɑ win yiirebu mɛm nɔɔwɑ.
Domi u koo wuu ɡe kɔ̃suwɑ u ɡu fɑɑbɑ ko win tiin sɔ̃, kɑ mɑɑ Dɑfidi win sɔm kowon sɔ̃.
Adɑmɑ Yinni Gusunɔ u ǹ kĩ u Yudɑbɑn bweseru kpeerɑsiɑ win bɔ̃ɔ Dɑfidin sɔ̃. Domi u rɑɑ nùn nɔɔ mwɛɛru kuɑ mɑ win bibun bweserɑ tɑ ko n wɑ̃ɑ bɑn te sɔɔ sere kɑ bɑɑdommɑɔ.
Yinni Gusunɔ, ɑ ku wi ɑ ɡɔsɑ biru kisi. A wunɛn durom yɑɑyo mɛ ɑ Dɑfidi wunɛn sɔm kowo kuɑ.
wunɛ wi ɑ rɑ sinɑmbu fɑɑbɑ ko, kpɑ ɑ nɛ, Dɑfidi wunɛn sɔm kowo yɑrɑ tɑkobi ɡɔɔɡiɑn di.
Yinni, wunɛ wi ɑ sɑ̃ɑ bɛsɛn tɛrɛru, ɑ wi ɑ ɡɔsɑn wuswɑɑ mɛɛrio.
Gusunɔ wɔllu kɑ tem Yinni, ɑ mɑn swɑɑ dɑkio. Gusunɔ Yɑkɔbun Yinni, ɑ nɛn kɑnɑru nɔɔwɔ.
Yenibɑn biru, bɑ koo wurɑmɑ bu Gusunɔ ben Yinni kɑsu kɑ mɑɑ ben sikɑdo Dɑfidin bɑndu wi u rɑɑ sɑ̃ɑ ben sinɑ boko. Bɑ koo nuku dobu ko bɑ̀ n Yinni Gusunɔ wɑ kɑ win kĩi te u koo bu sɔ̃ɔsi sɑɑ ye sɔɔ.