Womusu 131:1 - Bibeli Gusunɔn Gari

¹ Sɑ̃ɑ dɑɑrun womu ɡe Dɑfidi u kuɑ. Ge wee. Yinni Gusunɔ, nɑ ǹ tii sue. Nɑ ku rɑ n ɡɑ̃ɑ bɑkɑnu nɑɑ ɡire.

Womusu 131:1 ပူးပေါင်းရင်းမြစ်များ

Sɑmuɛli II 6:22

Kon mɑɑ wure n de bu mɑn ɡɛm win sɔ̃ n mɛ kere, kpɑ n tii kɑwɑ. Nɡe mɛyɑ ko nɑ n bɛɛrɛ mɔ bɑɑ kɑ yoo tɔn kurɔ ben wuswɑɑɔ.

Yoobu 42:3

A ɡeruɑ ɑ nɛɛ, nɑ derɑ tɔmbu bɑ ǹ wunɛn himbɑ tubumɔ kɑ nɛn wiirɑ ɡɑri. Nɑ wurɑ. Nɑ ɡɑri ɡeruɑ yi nɑ ǹ yɛ̃. Gɑri yi, yi mɑn kpɑ̃ɑru kere.

Womusu 101:5

Kon de wi u rɑ kpɑɑsi wĩi u kɑm ko. Nɑ ǹ kɑ wi u tii sue nɔɔ tiɑ mɔ̀.

Womusu 122:1

Sɑ̃ɑ dɑɑrun womu ɡe Dɑfidi u kuɑ. Ge wee. Bɑ̀ n nɛɛ, su dɑ Yinni Gusunɔn sɑ̃ɑ yerɔ, nɛn nukurɑ rɑ dorewɑ.

Womusu 124:1

Sɑ̃ɑ dɑɑrun womu ɡe Dɑfidi u kuɑ. U nɛɛ, Gusunɔ Isirelibɑn Yinni ù kun dɑɑ kɑ sun wɑ̃ɑ, wɑrɑ u koo sun kɔ̃su. Isirelibɑ bu wureo bu ɡere bu nɛɛ,

Womusu 133:1

Sɑ̃ɑ dɑɑrun womu ɡe Dɑfidi u kuɑ. Ge wee. Wee, n wɑ̃, n mɑɑ nuku dobu mɔ mɛro bisibu bɑ̀ n wɑ̃ɑ sɑnnu.

Womusu 139:6

Yɛ̃ɛ ten bweseru tɑ mɑn sɑ̃ɑwɛ mɑɑmɑɑki bɑkɑ. Tɑ kpɑ̃, nɑ ǹ kpɛ̃ n tu tubu.

Mɔnnu 21:4

Tii suɑbu kɑ tɔn biɑru yerɑ yɑ rɑ tɔn kɔ̃sobun durum sɔ̃ɔsi.

Yeremi 17:16

Adɑmɑ nɑ ǹ yinɛ n wunɛn tɔmbu kpɑrɑ. N ǹ nɛ, nɑ sɛnde nɔni swɑ̃ɑ ten tɔ̃ru tu kɑ nɑ. Wunɛn tii, ɑ yɛ̃ mɛ. A mɑɑ yɛ̃ ɡɑri yi nɑ yɑrɑ nɛn nɔɔn di kpuro.

Yeremi 45:5

U mɑɑ nɛɛ, ɡɑ̃ɑ bɑkɑnɑ ɑ kɑsu wunɛn tiin sɔ̃? A ku be nu kɑsu. Domi u koo de kɔ̃sɑ yu nɑ yu tɔmbu kpuro wɔri. Adɑmɑ wunɛ u koo wunɛn wɑ̃ɑru yɑrɑ mi ɑ dɑ kpuro. Terɑ tɑ ko n sɑ̃ɑ nɡe wunɛn ɑrumɑni ye ɑ ɡurɑ tɑbu sɔɔ.

Gbɑburu 12:3

N deemɑ Mɔwisi u suuru mɔ too. Goo sɑri wi u nùn suuru kere hɑnduniɑ ye sɔɔ.

Mɑteu 11:29

I wuro n bɛɛ kpɑrɑ kpɑ i ko nɛn bwɑ̃ɑbu, domi nɛ tɔn duuduo kɑ tii kɑwowɑ, mɛyɑ kon de i n wɑ̃ɑ bɔri yɛndu sɔɔ.

Gɔrobun Kookoosu 20:19

Nɑ Gusunɔn sɔmburu kuɑ tii kɑwɑbu sɔɔ kɑ yĩresu sɑnnu. Nɑ mɑɑ wɑhɑlɑ dɑbiru wɑ yèn sɔ̃ Yuubɑ swɑɑ kɑsu bu nɛn wɑ̃ɑru kpeerɑsiɑ.

Romu 11:33

Annɑ ɑ Gusunɔn dukiɑ kɑ win bwisi kɑ win yɛ̃run dukum wɑ! Goo kun kpɛ̃ u win himbɑ tubu. Goo kun mɑɑ kpɛ̃ u win swɛɛ ɡiɑ.

Romu 12:16

I n wɑ̃ɑ nɔɔ tiɑ sɔɔ sɑnnu. I ku de tii suɑbun bwisikunu nu n bɛɛ wɑ̃ɑsi ɑdɑmɑ i koosio tii kɑwɑbun berɑ ɡiɑ. I ku tii ɡɑrisi bwisiɡibu.

Sɔ̃ɔsiru 17:20

Kpɑ u ku tii suɑ u n tɑmɑɑ u win Isirelisibu kerewɑ kpɑ u ku woodɑ yen ɡɑɑ yinɑ kpɑ wi kɑ win bibun bweserun bɑndu tu dɑkɑɑ dɑ Isirelibɑn suunu sɔɔ.

Tɛsɑlonikɑ I 2:10

Bɛɛyɑ i sɑ̃ɑ bɛsɛn seedɑɡibu kɑ mɑɑ Gusunɔn tii, mɑ bɛsɛn dɑɑ yɑ dɛɛre bɛɛ nɑɑnɛ dokeobun wuswɑɑɔ, yɑ mɑɑ sɑ̃ɑ dee dee, yɑ ǹ tɑɑrɛ ɡɑɑ mɔ.

Sɑmuɛli I 16:13

Yerɑ Sɑmuɛli u win kɔbɑ ye suɑ u nùn ɡum mɛ tɑ̃re win mɑɑbun wuswɑɑɔ. Mɑ Gusunɔn Hunde u Dɑfidi yɔɔwɑ sɑɑ dɔmɑ ten di. Yen biru Sɑmuɛli u ɡɔsirɑ u wurɑ Rɑmɑɔ.

Sɑmuɛli I 16:18

Mɑ win bɔ̃ɔ turo u nɛɛ, nɑ Isɑi Bɛtelehɛmuɡiin bii turo wɑɑre wi u mɔrɔku soberu yɛ̃. U mɑɑ wɔruɡɔru mɔ ɡem ɡem, u sɑ̃ɑwɑ tɑbu durɔ, u rɑ mɑɑ ɡɑri ɡere kɑ lɑɑkɑri. Durɔ burɔn tiiwɑ. Yinni Gusunɔ mɑɑ wɑ̃ɑ kɑ wi.

Sɑmuɛli I 16:22

Mɑ Sɔɔlu u mɑɑ ɡɔrɑ Isɑin mi, u nɛɛ, ɑ mɑn Dɑfidi derio u n sɑ̃ɑ nɛn sɔm kowo, domi win dɑɑ yɑ mɑn dore.

Sɑmuɛli I 17:15

u rɑ dewɑ Bɛtelehɛmuɔ u kɑ win tundon yɑ̃ɑnu kpɑrɑ kpɑ u ɡɔsirɑmɑ Sɔɔlun mi.

Sɑmuɛli I 18:23

Mɑ bɑ dɑ bɑ Dɑfidi ɡɑri yi nɔɔsiɑ. Mɑ Dɑfidi u nɛɛ, bɛɛn nɔni sɔɔ ɡɑ̃ɑ piiminɑ mi? Bu nɛɛ, nɑ sɑ̃ɑ sunɔn dokiri? Nɛ bwɛ̃ɛbwɛ̃ɛwɑ wi bɑ kun ɡɑrisi ɡɑ̃ɑnu.