Womusu 13:3 - Bibeli Gusunɔn Gari

³ Sere dommɑ kɑɑ n derɑ nɑ n bwisikumɔ nɛn ɡɔ̃ruɔ. Sere dommɑ kɑɑ n derɑ nɑ n nuki sɑnkire. Sere dommɑ kɑɑ n derɑ nɛn yibɛrɛ u n mɑn tɑɑre.

Womusu 13:3 ပူးပေါင်းရင်းမြစ်များ

Ɛsidɑrɑsi 9:8

Adɑmɑ Gusunɔ bɛsɛn Yinni, ɑ sun durom kuɑ bɛsɛn ɡɑbɑ wurɑmɑ yorun di. Mɑ ɑ sun wɑ̃ɑ yeru kuɑ wunɛn tem mɛ ɑ ɡɔsɑ sɔɔ kpɑ ɑ kɑ bɛsɛn nɔni wukiɑ, ɑ sun wɑ̃ɑ ɡeeru wɛ̃ bɛsɛn yoru sɔɔ.

Womusu 119:153

A nɛn nɔni swɑ̃ɑru mɛɛrio, kpɑ ɑ mɑn wɔrɑ. Nɑ ǹ wunɛn woodɑbɑ duɑrimɔ.

Womusu 18:28

Yinni Gusunɔ, wunɛn tiiwɑ ɑ rɑ tɔn be bɑ tii kɑwe fɑɑbɑ ko. Wunɛn tiiwɑ ɑ rɑ be bɑ tii sue kɑwe.

Womusu 25:19

A mɛɛrio nɡe mɛ nɛn yibɛrɛbɑ bɑ dɑbi, bɑ mɑn tusɑ bɑ kɔ̃ruɑ.

Womusu 31:7

Nɑ be bɑ bũnu sɑ̃ɑmɔ tusɑ, mɑ nɑ nun nɑɑnɛ sɑ̃ɑ.

Womusu 5:1

Dɑfidin womu ɡe u wom kowobun wiruɡii kuɑ kɑ ɡɑɑsirɑru. Ge wee.

Womusu 9:13

U rɑ be bɑ wuri mɔ̀ yɑɑye. U rɑ be bɑ nɔni sɔ̃ɔren kɑnɑru nɔ. U rɑ be bɑ bu dɑm dɔremɔ sɛɛyɑsie.

Yeremi 51:39

Adɑmɑ sɑnɑm mɛ bɑ ɡɑ̀rì seewɑ, kon de bu tɑm nɔ sere n bɑndɑ, kpɑ bɑ n nuku dobu mɔ̀, kpɑ mu bu ɡo, bu dweeyɑ sere kɑ bɑɑdommɑɔ. Bɑ ǹ mɑɑ seemɔ. Nɛ, Yinni Gusunɔwɑ nɑ yeni ɡeruɑ.

Yeremi 51:57

U sɑ̃ɑwɑ sunɔ. Win yĩsirɑ wɔllu kɑ tem Yinni. U nɛɛ, u koo de tɑm mu Bɑbilonin sinɑmbu ɡo, kɑ ben bwisiɡibu kɑ ben tem yɛ̃robu kɑ ben wiruɡibu kɑ ben tɑbu durɔ dɑmɡibu kpɑ bu dweeyɑ sere kɑ bɑɑdommɑɔ bɑ kun mɑɑ seewe.

Swĩi 5:1

Yinni Gusunɔ, ɑ yɑɑyo ye n sun deemɑ. A mɛɛrio ɑ wɑ nɡe mɛ sɑ wɑ̃ɑ sekuru sɔɔ.

Luku 2:32

Yeyɑ yɑm bururɑm mɛ mu koo tɔn tukobu wunɛn swɑɑ sɔ̃ɔsi. Mu koo mɑɑ wunɛn tɔmbu Isirelibɑ bɛɛrɛ doke.

Efesu 5:14

Geemɑ ɡɑ̃ɑnu bɑɑnire ni nu sɔ̃ɔsirɑ kpɑsɑsɑ, nu rɑ kowɑ yɑm bururɑm. Yen sɔ̃nɑ Gusunɔn ɡɑri nɛɛ, “A yɑndo wunɛ wi ɑ do. A seewo ɡɔrin di. Kpɑ Kirisi u nun yɑm bururɑsiɑ.”

Kɑ̃siru 21:23

Wuu ɡe, ɡɑ ǹ mɑɑ sɔ̃ɔ ǹ kun mɛ surun bukɑtɑ mɔ ɡɑ n kɑ yɑm dɛɛre, yèn sɔ̃ Gusunɔn yiikon ɡirimɑ bɑllimɔ ɡe sɔɔ, mɑ Yɑ̃ɑ kinɛ kpɛm te, tɑ sɑ̃ɑ ɡen fitilɑ.

Sɑmuɛli I 14:27

Adɑmɑ Yonɑtɑm u ǹ dɑɑ nuɑ mɑ win tundo u tɔn be kirɔ kuɑ kɑ bɔ̃ri. Yerɑ u dɛkɑ ye u nɛni kɑ tim bɑu sɔkɑ u wunɑ u nɔɔ kpɛ̃ɛ, mɑ u dɑm wɑ.

Sɑmuɛli I 14:29

Mɑ Yonɑtɑm u nɛɛ, nɛn bɑɑbɑ u bɛsɛn tɔmbu nɔni sɔ̃ɔmɔwɑ. A ǹ wɑ nɡe mɛ nɑ dɑm wɑ sɑnɑm mɛ nɑ tim mɛn fiiko di?