Womusu 129:5 - Bibeli Gusunɔn Gari

⁵ Yinni Gusunɔ, ɑ de be bɑ Yerusɑlɛmu tusɑ bu sekuru wɑ, kpɑ bu biruku yirɑ wurɑ,

Womusu 129:5 ပူးပေါင်းရင်းမြစ်များ

Nɛɛmi 6:16

Sɑnɑm mɛ bɛsɛn yibɛrɛbɑ kɑ bwese ni nu kɑ sun sikerenɛ bɑ nuɑ sɑ ɡbɑ̃rɑ te seeyɑ, yerɑ bɑ bɛrum soorɑ. Mɑ sekurɑ bu mwɑ. Sɑɑ ye sɔɔrɑ bɑ tubɑ mɑ Yinni Gusunɔwɑ u derɑ sɔmbu te, tɑ koorɑ.

Ɛsitɛɛ 6:13

Ye u turɑ mi, u ye kpuro win kurɔ Serɛsi kɑ win bɔrɔbɑ sɑɑriɑ. Mɑ bɑ nùn bwisi kɑ̃ bɑ nɛɛ, Mɑɑdose wi, Yuuwɑ. Mɑ win wuswɑɑɔrɑ bɑ nun sekuru doken toruɑ mɛ, ɑ n yɛ̃ mɑ kɑɑ n kɑɑrɑmɔwɑ ɑ n dɔɔ.

Ɛsitɛɛ 9:5

Yuubɑ bɑ ben yibɛrɛ be kuɑ nɡe mɛ bɑ kĩ. Bɑ bu ɡowɑ ɡem ɡem.

Womusu 122:6

I bɔri yɛndu kɑnɔ Yerusɑlɛmun sɔ̃, kpɑ be bɑ wunɛ Yerusɑlɛmu kĩ bɑ n wɑ̃ɑ bwɛ̃ɛ dorɑ sɔɔ.

Womusu 40:15

A de be bɑ kɑsu bu mɑn hunde wunɑ bu seku bɑkɑru wɑ. A de be bɑ nuku dobu mɔ nɛn wɑhɑlɑn sɔ̃ bu biru wurɑ kpɑ bu sekuru di.

Womusu 71:13

A de be bɑ kɑsu bu mɑn ɡo mi, bu burisinɑ bu kɑm ko. A de be bɑ nɛn kɑm kobu kĩ bu sekuru wɑ.

Esɑi 10:12

Adɑmɑ nɛ, Yinni Gusunɔ, nɑ̀ n nɛn himbɑ kpuro yibiɑ Siɔnin ɡuurɔ, kɑ Yerusɑlɛmuɔ, kon Asirin sinɑ boko sɛɛyɑsiɑ, win ɡɔ̃ru bɔbunu kɑ win tii suɑbun sɔ̃.

Esɑi 29:8

Nɡe mɛ wi ɡɔ̃ɔrɑ mɔ̀ u rɑ dosi u nɛɛ, u dimɔ, ɑdɑmɑ ù n dom yɑndɑ kpɑ u deemɑ nukurɔ ɡɑ̃ɑnu sɑri. Ǹ kun mɛ nɡe mɛ wi nim nɔru ɡɑ mɔ̀ u rɑ dosi u nɛɛ, u nim nɔrumɔ, ɑdɑmɑ ù n dom yɑndɑ kpɑ win ɡɔ̃ru ɡɑ n ɡbere, u n wɑsire, nɡe mɛyɑ tɑbu kowo be, bɑ ko n sɑ̃ɑ be bɑ koo nɑ bu Siɔnin ɡuu te wɔri.

Esɑi 37:22

Ye Yinni Gusunɔ u ɡeruɑ Sɑnkeribun sɔ̃ wee. U nɛɛ, Yerusɑlɛmun tɔmbu kpuro bɑ nùn ɡɛmɑ bɑ nùn yɑɑkoru mɔ̀, bɑ nùn wii ɡimɑnu koosimɔ.

Esɑi 37:35

Domi u koo wuu ɡe kɔ̃suwɑ u ɡu fɑɑbɑ ko win tiin sɔ̃ kɑ Dɑfidi win sɔm kowon sɔ̃.

Misee 4:11

Tɛ̃, bwese dɑbinu nu mɛnnɑmɔ nu kɑ bɛɛ seesi. Nu mɔ̀, su de ben wuu Yerusɑlɛmu ye, yu bɛɛrɛ biɑ, yu ko bɑnsu. Kpɑ sɑ n su mɛɛrɑ.

Sɑkɑri 12:3

Tɔ̃ɔ te sɔɔ, kon ye ɡɔsiɑ nɡe kpee bɑkɑru. Be bɑ kĩ bu tu suɑ bɑ koo mɛɛrɑ wɑ. Hɑnduniɑn bwesenu kpuro nu koo mɛnnɑ nu tu wɔri.

Sɑkɑri 12:6

Yen tɔ̃ɔ te sɔɔ, kon Yudɑbɑn wiruɡibu kowɑ nɡe dɔ̃ɔ boko dɑ̃ɑ sɔ̃ɔwɔ, ǹ kun mɛ nɡe wii bɔn tèn dɔ̃ɔ bɑ sɔkɑ dĩɑ bɔkunu sɔɔ. Bɑ koo bwese ni nu kɑ bu sikerenɛ kɑmiɑwɑ mɑm mɑm. Adɑmɑ Yerusɑlɛmuɡibu bɑ ko n sɔ̃wɑ ben temɔ.

Korinti I 16:22

Bɑɑwure wi u kun Yinni kĩ, u bɔ̃ri wɑ. Mɑrɑnɑtɑ. Yen tubusiɑnɑ, Yinni, ɑ nɑ.