Womusu 128:2 - Bibeli Gusunɔn Gari

² U koo win sɔmburun ɑrufɑɑni di, kpɑ u n nuku dobu mɔ u n kuurɑmɔ.

Womusu 128:2 ပူးပေါင်းရင်းမြစ်များ

Womusu 1:3

U sɑ̃ɑ nɡe dɑ̃ɑ te tɑ yɔ̃ dɑɑrɔ. Ten wurusu rɑ n bekusu sɑ̃ɑwɑ sɑɑ kpuro. Tɑ rɑ mɑwɑ ten mɑrubun sɑɑ sɔɔ. Tɔnu wi u sɑ̃ɑ nɡe mɛ, ye u seewɑ u wɔri kpuro, yɑ rɑ koorewɑ.

Womusu 109:11

Bèn dibu u nɛni, bu nɑ bu win yɑ̃nu kpuro ɡurɑ. Kpɑ tɔn tukobu bu win dukiɑ ɡurɑ.

Wɑɑsu kowo 8:12

Tɔn kɔ̃so u rɑ torewɑ too, kɑ mɛ, kpɑ win wɑ̃ɑru tu dɛnyɑ. Adɑmɑ ye nɑ yɛ̃, yerɑ wi u Gusunɔ nɑsie, wiyɑ u doo nɔɔru mɔ.

Esɑi 3:10

A ɡemɡii sɔ̃ɔwɔ mɑ u koo kuurɑ. U koo win sɔmburun ɑre wɑ.

Esɑi 62:8

Nɛ, Yinni Gusunɔ, nɑ bɔ̃ruɑ kɑ nɛn dɑm, nɑ nɛɛ, nɑ ǹ mɑɑ wunɛn ɑlikɑmɑ yibɛrɛbɑ wɛ̃ɛmɔ bu di. Mɛyɑ sɔbu bɑ ǹ mɑɑ wunɛn tɑm nɔrumɔ, mɛ mu sɑ̃ɑ wunɛn sɔmburun ɑre.

Esɑi 65:13

Yen sɔ̃nɑ nɑ nɛɛ, nɛn sɔm kowobu bɑ koo wɑ bu di kpɑ bu nɔ. Adɑmɑ bɛɛ, ɡɔ̃ɔru kɑ nim nɔru sɔɔrɑ i ko i n wɑ̃ɑ. Nɛn sɔm kowobu bɑ koo nuku dobu ko. Adɑmɑ bɛɛ, i ko n wɑ̃ɑwɑ sekuru sɔɔ.

Yeremi 22:15

Yèn sɔ̃ ɑ kɑ sinɑ kpɑɑ te sɛdurubɑ bɑnɑ, yeyɑ n derɑ ɑ sɑ̃ɑ sinɑ boko? Wunɛn bɑɑbɑn tii u ǹ sɑ̃ɑ sinɑ boko ro? U rɑ diwɑ kpɑ u nɔ nɡe bɑɑwure, ɑdɑmɑ u rɑ bɑɑwure kuewɑ ye n weenɛ u ko. U rɑ sɑ̃ɑrobu kɑ wɔnwɔndobu siriewɑ dee dee. Yen sɔ̃nɑ ye kpuro yɑ nùn koorɑ dee dee win wɑ̃ɑru sɔɔ. Wi u mɑɑ mɔ̀ nɡe mɛ, wiyɑ u wi, Yinni Gusunɔ yɛ̃ kɑ ɡem.

Korinti I 15:58

Ǹ n mɛn nɑ kĩnɑsibu, i yɔ̃ro dim dim kɑ tɛmɑnɑbu, i n hɑniɑ mɔ̀ Yinnin sɔmburu sɔɔ bɑɑdommɑ kpɑ i n yɛ̃ mɑ sɔmbu te i Yinni kuɑmmɛ tɑ ǹ kɑm mɔ̀.

Efesu 6:3

kpɑ ɑ n kɑ nuku dobu mɔ, kpɑ wunɛn hunde yu dɑkɑɑ dɑ hɑnduniɑ mi.”

Sɔ̃ɔsiru 28:11

Yinni Gusunɔ u koo bɛɛ durom dɑbinu yibusi tem mɛ sɔɔ mɛ u bɛsɛn bɑɑbɑbɑ nɔɔ mwɛɛru kuɑ u nɛɛ, u koo bɛɛ wɛ̃. I ko i bii dɑbinu mɑ kpɑ bɛɛn yɑɑ sɑbenu nu dɑbiɑ kpɑ bɛɛn ɡbeɑ yu dĩɑnu ko.

Sɔ̃ɔsiru 28:39

I ko i resɛm ɡbɑɑnu ko i nu nɔɔri, ɑdɑmɑ i ǹ nin binun tɑm nɔrumɔ, mɛyɑ i ǹ mɑɑ nin dɑ̃ɑ mɑrum wɑsi i sɔri domi kɔkɔnɑ nu koo mu di.

Sɔ̃ɔsiru 28:4

U koo de i bii dɑbinu mɑ kpɑ u de dĩɑnu nu koorɑ bɛɛn ɡbeɑɔ kpɑ bɛɛn kɛtɛbɑ kɑ bɛɛn yɑ̃ɑnu kɑ bonu nu mɑrurɑ nu dɑbiɑ.

Sɔ̃ɔsiru 28:51

Tɑ koo bɛɛn yɑɑ sɑbenu kɑ bɛɛn ɡbeɑn dĩɑnu mwɛɛriwɑ sere tu kɑ bɛɛ kɑm koosiɑ. Tɑ ǹ bɛɛ dĩɑnu ɡɑnu deriɑmmɛ ǹ kun mɛ ɡum ǹ kun mɛ tɑm ǹ kun mɛ yɑɑ sɑberu.

Sɔ̃ɔsiru 28:8

U koo bɛɛn dĩɑ ni i ɡɑ̃ i doke birɑnu sɔɔ kɔ̃su, kpɑ u de ye i mɔ̀ kpuro yu wɛ̃rɑ. U koo bɛɛ domɑru sosiɑ tem mɛ sɔɔ, mɛ u bɛɛ wɛ̃ɛmɔ.