Womusu 127:1 - Bibeli Gusunɔn Gari

¹ Sɑ̃ɑ dɑɑrun womu ɡe Sɑlomɔɔ u kuɑ. Ge wee. Yinni Gusunɔ ù kun diru bɑnimɔ, be bɑ tu bɑnimɔ sɔmburu kɑmɑ bɑ mɔ̀. Yinni Gusunɔ ù kun wuu kɔ̃su, be bɑ ɡu kɔ̃su bɑ dom serɑwɑ kɑm.

Womusu 127:1 ပူးပေါင်းရင်းမြစ်များ

Sinɑmbu I 5:12

Mɔnnu nɔrɔbun subɑ itɑwɑ (3.000) Sɑlomɔɔ u yoruɑ. Mɑ u womusu kuɑ su nɔrɔbu (1.000) kere.

Bɑndun Gɑri I 28:10

Tɛ̃, ɑ n yɛ̃ mɑ Yinni Gusunɔ u nun ɡɔsɑwɑ ɑ kɑ nùn diru bɑniɑ mi bɑ ko n dɑ nùn sɑ̃. Yen sɔ̃ ɑ de ɑ n wɔruɡɔru mɔ kpɑ ɑ se ɑ sɔmburu ko.

Bɑndun Gɑri I 28:20

Yen biru, Dɑfidi u win bii Sɑlomɔɔ sɔ̃ɔwɑ u nɛɛ, ɑ tii dɑm kɛ̃ɔ, kpɑ ɑ n wɔruɡɔru mɔ, kpɑ ɑ se ɑ sɔmburu ko. A ku bɛrum ko, ɑ ku mɑɑ nɑndɑ. Domi Gusunɔ nɛn Yinni u ko n kɑ nun wɑ̃ɑ. U ǹ nun derimɔ, u ǹ mɑɑ nun biru kisimɔ sere win sɑ̃ɑ yee ten sɔmburu kpuro tu kɑ wiru ɡoorɑ.

Bɑndun Gɑri I 29:19

Kpɑ ɑ de nɛn bii Sɑlomɔɔn ɡɔ̃ru ɡɑ n sɔ̃, u kɑ wunɛn yiirebu kɑ wunɛn sɔ̃ɔsinu kɑ wunɛn woodɑbɑ mɛm nɔɔwɑ, u kɑ ye kpuro sɔmburu ko, kpɑ u sɑ̃ɑ yee te bɑni tèn sɔ̃ nɑ sɔɔru yeni kpuro kuɑ.

Womusu 120:1

Sɑ̃ɑ dɑɑrun womu. Ge wee. Sɑnɑm mɛ nɑ wɑ̃ɑ nuku sɑnkirɑnu sɔɔ, nɑ Yinni Gusunɔ sokɑ, mɑ u mɑn wurɑri.

Womusu 121:1

Sɑ̃ɑ dɑɑrun womu. Ge wee. Nɑ nɛn nɔni sue ɡuunu ɡiɑ. Mɑn diyɑ kon somiru wɑ.

Womusu 122:1

Sɑ̃ɑ dɑɑrun womu ɡe Dɑfidi u kuɑ. Ge wee. Bɑ̀ n nɛɛ, su dɑ Yinni Gusunɔn sɑ̃ɑ yerɔ, nɛn nukurɑ rɑ dorewɑ.

Womusu 123:1

Sɑ̃ɑ dɑɑrun womu. Ge wee. Gusunɔ, wunɛ wi ɑ wunɛn sinɑ ɡɔnɑ tɛrie wɔllɔ, wunɑ nɑ nɔni twɛ̃ɛ.

Womusu 124:1

Sɑ̃ɑ dɑɑrun womu ɡe Dɑfidi u kuɑ. U nɛɛ, Gusunɔ Isirelibɑn Yinni ù kun dɑɑ kɑ sun wɑ̃ɑ, wɑrɑ u koo sun kɔ̃su. Isirelibɑ bu wureo bu ɡere bu nɛɛ,

Womusu 125:1

Sɑ̃ɑ dɑɑrun womu. Ge wee. Be bɑ Yinni Gusunɔ nɑɑnɛ sɑ̃ɑ, bɑ rɑ n yɔ̃wɑ dim dim nɡe Siɔnin ɡuuru. Tɑ ku rɑ bɑ̃ɑri. Tɑ ko n yɔ̃wɑ sere kɑ bɑɑdommɑɔ.

Womusu 126:1

Sɑ̃ɑ dɑɑrun womu. Ge wee. Sɑnɑm mɛ Yinni Gusunɔ u kɑ bɛsɛɡii be bɑ yoru mwɛɛrɑ wurɑmɑ Siɔniɔ, yɑ sun sɑ̃ɑwɛwɑ nɡe dosu.

Womusu 72:1

Womu ɡe Sɑlomɔɔ u kuɑ. Ge wee. Gusunɔ, ɑ nɛ sinɑ boko bwisi kɛ̃ɛyɔ n kɑ siri nɡe mɛ ɑ rɑ siri,

Womusu 78:69

Guuru miyɑ u win sɑ̃ɑ yeru bɑnɑ tɑ dɑm mɔ nɡe wɔllu kɑ tem mɛ u swĩi sere kɑ bɑɑdommɑɔ.

Mɔnnu 16:9

Tɔnu u rɑ niɑ ko ye u kĩ, ɑdɑmɑ Gusunɔwɑ u rɑ win sɑnu sɑnusu kpɑre.

Wɑɑsu kowo 9:11

Nɑ mɑɑ wɑ hɑnduniɑ ye sɔɔ, n ǹ mɔ be bɑ dukɑ mɔ tɔnɑwɑ bɑ rɑ ɡɑrɑsɑ di bɑɑdommɑ. N ǹ mɑɑ mɔ tɑbu durɔ dɑmɡibu tɔnɑwɑ bɑ rɑ tɑbu di bɑɑdommɑ. Mɛyɑ n ǹ mɑɑ mɔ bwisiɡibɑ bɑ rɑ dĩɑnu wɑ bɑ kun wɑhɑlɑ kue. N ǹ mɑɑ mɔ lɑɑkɑriɡibu tɔnɑwɑ bɑ rɑ ko ɡobiɡibu bɑɑdommɑ. N ǹ mɑɑ yɛ̃ruɡibu tɔnɑ tɔmbu bɑ rɑ bɛɛrɛ wɛ̃. Domi be kpurowɑ kɔ̃sɑ kɑ ɡeɑ yɑ rɑ deemɛ.

Womu Duro 3:3

Ye wuu ɡen kɔ̃sobɑ bɔsu bɑ wuu mɛɛrimɔ, bɑ mɑn wɑ, mɑ nɑ bu bikiɑ nɑ nɛɛ, i nɛn kĩnɑsi wɑ?

Womu Duro 5:7

Wuu ɡen kɔ̃sobu bɑ kɑ mɑn yinnɑ. Bɑ mɑn so bɑ mɛɛrɑ kuɑ. Be bɑ ɡbɑ̃rɑru kɔ̃su, bɑ nɛn sɔnditiɑ mwɑ.

Esɑi 27:3

nɛ, Yinni Gusunɔwɑ nɑ tu nɔɔrimɔ. Nɛnɑ nɑ tu nim yɛ̃kɑmɔ sɑɑ kpuro. Nɑ tu kɔ̃su sɔ̃ɔ sɔɔ kɑ wɔ̃kuru, ɡoo u ku rɑɑ kɑ tu wɔri u mwɑ.

Esɑi 56:10

Domi be bɑ sɑ̃ɑ Isirelibɑn kɔ̃sobu, bɑ sɑ̃ɑwɑ wɔ̃kobu, bɑ ǹ bwisi mɔ. Be kpuro bɑ sɑ̃ɑwɑ nɡe bɔ̃ɔ ni nu kun kpɛ̃ nu wori. Bɑ rɑ kɑ̃wɑ bɑ n kpĩ bɑ n do kpɑ bɑ n dosimɔ.

Esɑi 62:6

Wunɛ Yerusɑlɛmu, nɑ derɑ ɡɑbɑ sɑ̃ɑ nɡe wuu kɔ̃sobu be bɑ rɑ n yɔ̃ ɡbɑ̃rɑru wɔllɔ, bɑ ǹ nɔɔ mɑrimɔ sɔ̃ɔ sɔɔ kɑ wɔ̃kuru. Bɛɛ wuu kɔ̃sobu, bɛɛ be i nɛ, Yinni Gusunɔ Yerusɑlɛmun ɡɑri yɑɑyɑsiɑmɔ, i ku wɛ̃rɑ.

Yeremi 51:12

I yĩreru koowo kpɑ i Bɑbiloni wɔri. Wuun kɔ̃sobu, bu wureo bu yɔ̃rɔ sɔmɛ ben kɔ̃su yerɔ. I Bɑbiloni yɔɔru bwɛ̃ɛyɔ. Domi ye Yinni Gusunɔ u yɔ̃rɑri u ko ye sɔɔ, u koo ye kowɑ.

Yeremi 51:31

Sɔmɔbu bɑ ko n dɑɑmɔ bɑ n wurɑmɑmɔ bu kɑ Bɑbilonin sinɑ boko sɔ̃ mɑ bɑ win wuu mwɑ beri berikɑ.

Korinti I 15:14

Kirisi ù kun seewen nɑ, bɛsɛn wɑɑsu kɑmɑ, bɛɛn nɑɑnɛ dokebu mɑɑ kɑmɑ.

Korinti I 3:7

Ǹ n mɛn nɑ, wi u duurumɔ kɑ wi u nim yɛ̃kɑmɔ bɑ ǹ sɑ̃ɑ ɡɑ̃ɑnu, mɑ n kun mɔ Gusunɔ wi u kpɛ̃ɑsiɑmɔ.

Gɑlɑti 4:11

Tɛ̃ bɛrum mɑn mɔ̀ nɛn sɔmburu kpuro tu ku rɑɑ ko kɑm te nɑ kuɑ bɛɛn sɔ̃.

Sɔ̃ɔsiru 8:18

I yɑɑyo mɑ Gusunɔ bɛsɛn Yinniwɑ u bɛɛ dɑm wɛ̃ i kɑ ɑrumɑni ye wɑ. Mɑ u ɑrukɑwɑni ye sire ye u kɑ bɛsɛn bɑɑbɑbɑ bɔkuɑ kɑ bɔ̃ri nɡe mɛ i wɑɑmɔ ɡisɔ.

Yosue 2:2

Yerɑ bɑ Yerikon sunɔ sɔ̃ɔwɑ bɑ nɛɛ, wee, Isireli ɡɑbɑ nɑ mini yokɑ ye, bu kɑ sĩ sĩ bu bɛsɛn tem sɑriɑ mɛɛri.