Womusu 125:2 - Bibeli Gusunɔn Gari

² Nɡe mɛ ɡuunu kɑ Yerusɑlɛmu sikerenɛ, nɡe mɛyɑ Gusunɔ u kɑ win tɔmbu sikerenɛ sɑɑ tɛ̃n di sere kɑ bɑɑdommɑɔ.

Womusu 125:2 ပူးပေါင်းရင်းမြစ်များ

Sinɑmbu II 6:17

Mɑ Elisee u Yinni Gusunɔ kɑnɑ u nɛɛ, ɑ nɛn ɑluwɑɑsi win nɔni wukio kpɑ u wɑ. Mɑ Yinni Gusunɔ u win nɔni wukiɑ. Yerɑ u deemɑ wee, dumi kɑ tɑbu kɛkɛ dɔ̃ɔɡii yi wɑ̃ɑ ɡuu ten wɔllɔ kpuro yi kɑ Elisee sikerenɛ.

Womusu 121:8

kpɑ u nun kpɑrɑ wunɛn dɑɑru kɑ weru sɑɑ tɛ̃n di sere kɑ bɑɑdommɑɔ.

Womusu 34:7

Yinni Gusunɔ u rɑ wɔnwɔndon sokuru nɔ. Mɛyɑ u rɑ mɑɑ nùn yɑre nuku sɑnkirɑnu kpuron di.

Esɑi 4:5

Yen biru u koo de dɔ̃ɔ wii bɑkɑru tu Siɔnin ɡuuru kpuro kɑ mɛnnɔ yenu wukiri sɔ̃ɔ sɔɔ, kpɑ dɔ̃ɔ yɑrɑ yɑ n wɑ̃ɑ wɔ̃kuru ɡuu ten wɔllɔ, kpɑ win yiikon ɡirimɑ yu wuu ɡe wukiri,

Swĩi 4:12

Sinɑ boko ɡoo ǹ kun mɛ tɔn diro ɡoo sɑri hɑnduniɑ sɔɔ wi u rɑɑ tɑmɑɑ yibɛrɛ u koo kpĩ u du Yerusɑlɛmun ɡbɑ̃rɑrun kɔnnɔn di.

Sɑkɑri 2:5

Ye Sɑkɑri u mɑɑ mɛɛrɑ, yerɑ u durɔ ɡoo wɑ u wɛ̃ɛ yĩirutii nɛni.

Sɔ̃ɔsiru 33:27

Wiyɑ u sɑ̃ɑ bɛɛn kuku yeru sere kɑ bɑɑdommɑɔ. Sɑɑ yee yellun diyɑ win nɔm dɑmɡuu ɡɑ bɛɛ kɔ̃su. Mɑ u bɛɛ yibɛrɛbɑ ɡirɑ u nɛɛ, i bu kɑm koosio.