Womusu 12:3 - Bibeli Gusunɔn Gari

³ Weesɑ bɑɑwure u rɑ n win winsim kuɑmmɛ, u n nùn nɔni wɔ̃kumɔ kɑ ɡɑri dori.

Womusu 12:3 ပူးပေါင်းရင်းမြစ်များ

Yoobu 32:22

Domi nɑ ǹ yenibɑn dɔɔnɛ mɔ. Nɑ̀ n dɑɑ yen dɔɔnɛ mɔn nɑ, nɛn tɑkɑ kowo u n mɑn kpeerɑsie n tɛ.

Womusu 116:11

Nɛn nuku sɑnkirɑru sɔɔ, nɑ nɛɛ, ɡoo sɑri wi u nɑɑnɛ mɔ.

Womusu 140:12

Wi u weesu mɔ̀ u ǹ tɑ̃simɔ tem mɛ sɔɔ. Kɔ̃sɑ yɑ ko n mɑɑ ɡbɑnɑɡii swĩiwɑ sere u kɑ kɑm ko.

Womusu 17:10

Bɑ nuki sosu bɑ ǹ wɔnwɔndu mɔ. Bɑ ɡɑri mɔ̀ kɑ tii suɑbu.

Womusu 55:22

Gɑri doriyɑ yi rɑ n wɑ̃ɑ tɔn kɔ̃so win nɔɔwɔ. Adɑmɑ tɑbun ɡɑriyɑ yi rɑ n wɑ̃ɑ win nukurɔ. Mɛyɑ mɑɑ win ɡɑri yi rɑ n kokumɔwɑ nɡe ɡum yɑrum. Adɑmɑ yi rɑ n sɑ̃ɑwɑ nɡe tɑkobibɑ.

Yɑribu 15:9

Wɛrɔ u nɛɛ, u koo bu nɑɑ swĩi kpɑ u bu nɑɑmwɛ. U koo mɔru kɔsiɑ be sɔɔ nɡe mɛ u kĩ, kpɑ u tɑkobi womɑ u bu ɡo kɑ win nɔmɑ, kpɑ u ben dukiɑ bɔnu ko.

Mɔnnu 18:21

Gɑri yi koo kpĩ yi tɔnu ɡo. Yi koo mɑɑ kpĩ yi nùn wɑ̃ɑru wɛ̃. Wi u rɑ ɡɑri sɑɑri u koo yin ɑre wɑ.

Mɔnnu 26:24

Wi u tɔnu tusɑ u rɑ tii ɡɔsiewɑ win ɡɑri ɡerubun di u n tɔmbu nɔni wɔ̃kumɔ.

Esɑi 10:10

U sin sinɑmbu kɑmiɑ sìn bũnu nu Yerusɑlɛmu kɑ Sɑmɑriɡinu dɑbiru kere.

Esɑi 59:4

Weesɑ i rɑ n kɑ bɛɛn berusebu siribu sokumɔ. Bɛɛn ɡoo ku rɑ kɑ ɡem siribu de. Seedɑ weesuɡiɑ sɔɔrɑ i rɑ n tɑ̃sɑ siri yeru mi. Kɔ̃sɑ i rɑ bwisiku kpɑ i kom kɔ̃sum ko.

Yeremi 12:6

Domi wunɛn mɛro bisibu kɑ wunɛn yɛnuɡibu bɑ nun nɑɑnɛ sɑrirun kom kuɑmmɛ. Wee bɑ nun nɔɔɡiru suemɔ biruɔ. A ku bu nɑɑnɛ ko, bɑɑ bɑ̀ n nun ɡɑri dori sɔ̃ɔmɔ.

Yeremi 9:8

Yenibɑn sɔ̃, kon bu sɛɛyɑsiɑ kpɑ n bu mɔru kɔsie. Nɛ, Yinni Gusunɔwɑ nɑ yeni ɡeruɑ.

Esekiɛli 28:2

tɔnun bii, ɑ Tirin sunɔ sɔ̃ɔwɔ ɑ nɛɛ, ɑmɛniwɑ nɛ, Yinni Gusunɔ nɑ ɡerumɔ. Nɑ nɛɛ, wee u tii suɑ sere u ɡerumɔ u mɔ̀, wiyɑ u sɑ̃ɑ Gusunɔ. Mɑ u sɔ̃ Gusunɔn sinɑ kitɑru wɔllɔ nim wɔ̃kun suunu sɔɔ. Adɑmɑ u n yɛ̃ mɑ u sɑ̃ɑwɑ tɔnu, n ǹ mɔ Gusunɔ, bɑɑ mɛ u tɑmɑɑ win bwisikunu sɑ̃ɑwɑ teenu kɑ nɛ Gusunɔɡinu.

Esekiɛli 28:9

Sɑɑ ye sɔɔ, bɑ̀ n nùn ɡoobu (200) nɑ, u koo kpĩ u mɑɑ nɛɛ, u sɑ̃ɑwɑ Gusunɔ? Aɑwo, u ko n sɑ̃ɑwɑ tɔnu, n ǹ mɔ Gusunɔ, wi u nùn ɡoomɔn nɔmɑɔ.

Esekiɛli 29:3

ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, wee kon nùn wɔrimɑ wi, wi u sɑ̃ɑ nɡe kɑrɑku ɡe ɡɑ nɑnum mɔ ɡɑ kpĩ dɑɑ te bɑ mɔ̀ Niluɔ. Mɑ u ɡerumɔ u mɔ̀, dɑɑ te, tɑ sɑ̃ɑwɑ wiɡiru domi wiyɑ u tu kuɑ.

Dɑniɛli 7:25

Sunɔ wi, u koo Wɔrukoo ɡɑri kɑm ɡerusi kpɑ u win tɔn dɛɛrobu nɔni sɔ̃. U ko n mɑɑ kĩ u sɑɑbɑ kɑ woodɑbɑ kɔsi. Bɑ koo nùn tɔn dɛɛrobu nɔmu sɔndiɑ sere sɑɑ itɑ kɑ bɔnu.

Dɑniɛli 7:8

Ye nɑ kɔbi yi mɛɛrɑ sɑ̃ɑ sɑ̃ɑ, yerɑ nɑ kɔbu piibu ɡɑɡu wɑ ɡɑ yɑrimɑ yen wirun di ɡɑ wɑ̃ɑ yiɔnɔn suunu sɔɔ. Kɔbu piibu ɡe, ɡɑ kɔbi wɔku ten itɑ wukɑ. Gɑ nɔni mɔ nɡe tɔnu, ɡɑ mɑɑ nɔɔ mɔ ɡɑ ɡɑri mɔ̀ kɑ tii suɑbu.

Mɑlɑsi 3:13

Yinni Gusunɔ u nɛɛ, bɛɛn ɡɑri kun do yi i mɑn ɡerusimɔ. Mɑ i mɔ̀, mbɑ i mɑn ɡerusi.

Piɛɛ II 2:18

Bɑ woo kɑnɑ ɡɑri ɡerumɔ yi yi ǹ wiru mɔ. Bɑ tɔnun ɡɔ̃run binɛ kɑnkɑm dendimɔ bu kɑ ɡɑbu yinɑ mwɑ be bɑ kisirɑmɑ sɑɑ be bɑ toren min di.

Yudu 1:16

Tɔn be, bɑ rɑ n wure, ɡɑ̃ɑnu sɑri ni nu rɑ bu wɛ̃re, ben binɛ bu kpɑre. Bɑ rɑ woo kɑnɑ ɡɑri ɡere, bɑ mɑɑ tɔmbu ɡɑri dori sɔ̃ɔmɔ bu kɑ yɛ̃robun ɡɑ̃ɑnu wɑ.

Kɑ̃siru 13:5

Bɑ derɑ ɡbeeku yɑɑ ye, yu woo kɑnɑ ɡɑri kɑ ɡɑri kɑm ɡere, bɑ mɑɑ ye yiiko kɑ̃ yu kɑ yeɡiru ko suru weeru, kɑ yiru.

Sɑmuɛli I 2:3

I kun dɑ n mɑɑ tii siɑrɑmɔ. I ku de tii suɑ ɡɑri yi yɑri bɛɛn nɔsun di. Domi Gusunɔ u sɑ̃ɑwɑ Yinni wi u kpuro yɛ̃. Wiyɑ u rɑ tɔnun dɑɑ wɛ̃ɛri.