Womusu 119:91 - Bibeli Gusunɔn Gari

⁹¹ Wunɛn woodɑbɑn sɔ̃nɑ ɡɑ̃ɑnu kpuro kɑ wɑ̃ɑ ɡisɔ. Ni kpurowɑ nu mɑɑ wɑ̃ɑ wunɛn sɔ̃.

Womusu 119:91 ပူးပေါင်းရင်းမြစ်များ

Torubu 8:22

Sere duniɑ yu kɑ kpe, duurubu kɑ ɡɛ̃ɛbun sɑɑ kɑ wooru kɑ yɑm susurun sɑɑ kɑ sɔ̃ɔ sɑ̃reru kɑ wuburun sɑɑ, kɑ sere mɑɑ sɔ̃ɔ sɔɔ kɑ wɔ̃kuru, yen ɡɑɑ kun kpeemɔ.

Esɑi 40:26

I nɔni seeyo kpɑ i mɛɛri wɔllɔ. Wɑrɑ u kperi kuɑ yi sĩimɔ nɡe tɑbu kowobu. Yinni Gusunɔwɑ. U mɑɑ yin bɑɑyeren yĩsiru yɛ̃. Yin ɡɑɑ ku rɑ biɑre win dɑm bɑkɑm sɑɑbu.

Esɑi 48:13

Nɛnɑ nɑ tem kuɑ, mɑ nɑ wɔllu tɛriɑ. Yen bɑɑyeren yĩsirɑ nɑ sokɑ, mɑ yɑ koorɑ yɑnde.

Yeremi 33:25

Adɑmɑ wee ye nɑ ɡerumɔ, nɛ wi nɑ kɑ sɔ̃ɔ sɔɔ kɑ wɔ̃kuru ɑrukɑwɑni bɔkuɑ, mɑ nɑ wɔllu kɑ tem woodɑ yiiyɑ,

Mɑteu 5:45

Nɡe mɛyɑ i ko kɑ sɔ̃ɔsi mɑ i sɑ̃ɑ bɛɛn Bɑɑbɑ wɔrukoon bibu. Domi u sɔ̃ɔ yɑrisiɑmɔ tɔn kɔ̃sobu kɑ tɔn ɡeobun mi. U ɡurɑ nɛɛsiɑmɔ ɡeeɡibu kɑ ɡee sɑriruɡibun mi.

Mɑteu 8:9

Nɛn tii nɑ rɑ ɡɑbu wiru kpĩiyɛ, mɑ nɑ tɑbu kowobu mɔ be nɑ kpɑre. Nɑ̀ n turo sɔ̃ɔwɑ u doo, u rɑ n dɔɔwɑ. Nɑ̀ n ɡoo sɔ̃ɔwɑ u nɑ, u rɑ n sisiwɑ. Nɑ̀ n mɑɑ nɛn yoo sɔ̃ɔwɑ u yeni koowo, u rɑ n mɔ̀wɑ.

Sɔ̃ɔsiru 4:19

Ì n nɔni seeyɑ wɔllɔ i kɑ sɔ̃ɔ kɑ suru kɑ kperi mɛɛri kɑ kpuro ye yɑ wɑ̃ɑ mi, i ku de yu bɛɛ ɡɑwɑ i kɑ yiirɑ i ye sɑ̃. Yebɑ kpurowɑ Gusunɔ bɛsɛn Yinni u hɑnduniɑn bwesenu kpuro deriɑ nu n mɔ.

Kpɑrobu 5:20

Wɔllun diyɑ kperi yi kɑ Siserɑ tɑbu kuɑ. Yi wɑ̃ɑwɑ yin swɛɛ sɔɔ sɑɑ ye yi kɑ nùn sɑnnɑmɔ.