Womusu 119:90 - Bibeli Gusunɔn Gari

⁹⁰ Wunɛn bɔrɔkiniru tɑ ko n mɑɑ wɑ̃ɑwɑ sere kɑ bɑɑdommɑɔ. Wunɑ ɑ tem swĩi mɑ ɑ mu sire dim dim.

Womusu 119:90 ပူးပေါင်းရင်းမြစ်များ

Womusu 100:5

U sɑ̃ɑwɑ tɔn ɡeo. Win kĩru tɑ ǹ nɔru mɔ. U sɑ̃ɑwɑ nɑɑnɛɡii sere kɑ bɑɑdommɑɔ.

Womusu 104:5

A tem swĩi mɛn kpɛɛkpɛɛku wɔllɔ. Mu ǹ wɔrumɑmɔ sere kɑ bɑɑdommɑɔ.

Womusu 148:6

U ye tɑ̃sisiɑ sere kɑ bɑɑdommɑɔ. U koo woodɑ yi, win tii kun mɑɑ ye sɑrɑmɔ.

Womusu 36:5

Kɔ̃sɑ u rɑ n bwisikumɔ win kpin yerɔ. Yen swɑɑ sɔɔrɑ u rɑ n mɑɑ wɑ̃ɑ. U ku rɑ ye dukɑ suuri.

Womusu 89:11

A Eɡibitiɡibu tɑɑkɑ ɑ pɛsukɑ nɡe ɡoru. A be, wunɛn yibɛrɛbɑ yɑrinɑsiɑ kɑ wunɛn dɑm.

Womusu 93:1

Yinni Gusunɔ, ɑ bɑndu dii, mɑ ɑ wunɛn yiiko sebuɑ nɡe yɑberu. Mɑ ɑ dɑm sɛ̃ke nɡe kpɑkɑ. A mɑɑ derɑ tem mu dɑm mɔ, mu ǹ yĩirimɔ.

Wɑɑsu kowo 1:4

Gɑbɑ ɡbimɔ mɑ ɡɑbɑ kɔsire mɔ̀. Adɑmɑ tem mu ko n wɑ̃ɑwɑ mɛ sere kɑ bɑɑdommɑɔ.

Misee 7:20

Kɑɑ bɛsɛ be sɑ sɑ̃ɑ Aburɑhɑmu kɑ Yɑkɔbun sikɑdominu kĩru kɑ bɔrɔkiniru sɔ̃ɔsi nɡe mɛ ɑ bɛsɛn sikɑdobɑ nɔɔ mwɛɛru kuɑ sɑɑ yellun di.

Sɔ̃ɔsiru 7:9

Yen sɔ̃, i de i n yɛ̃ mɑ Gusunɔ bɛsɛn Yinniwɑ u sɑ̃ɑ Gusunɔ. U rɑ win ɑrukɑwɑni nɛnɛ kɑ be bɑ win woodɑbɑ mɛm nɔɔwɑmmɛ sere kɑ ben bibun bweserun nɔrɔm nɔrɔmwɔ (1.000). Be bɑ nùn kĩ, u ku rɑ bu tɔnu kɑndu kue.