Womusu 119:68 - Bibeli Gusunɔn Gari

⁶⁸ A sɑ̃ɑwɑ tɔn ɡeo. A mɑn wunɛn woodɑbɑ sɔ̃ɔsio.

Womusu 119:68 ပူးပေါင်းရင်းမြစ်များ

Womusu 106:1

I Yinni Gusunɔ siɑro. I Yinni Gusunɔ siɑro, domi u sɑ̃ɑwɑ tɔn ɡeo. Win kĩru tɑ rɑ n wɑ̃ɑwɑ sere kɑ bɑɑdommɑɔ.

Womusu 107:1

I Yinni Gusunɔ siɑro win tɔn ɡeerun sɔ̃. Win durom mu rɑ n wɑ̃ɑwɑ sere kɑ bɑɑdommɑɔ.

Womusu 119:12

Yinni Gusunɔ, nɑ nun siɑrɑ, ɑ mɑn wunɛn woodɑbɑ keu koosio.

Womusu 119:26

Nɑ nun nɛn wɑ̃ɑrun dɑɑ kpuro tusiɑ, mɑ ɑ mɑn suuru kuɑ. A mɑn wunɛn woodɑbɑ sɔ̃ɔsio.

Womusu 86:5

Yinni, ɑ sɑ̃ɑwɑ tɔn ɡeo, ɑ rɑ mɑɑ tɔmbu ben durum wɔke. A rɑ be bɑ nun soku kpuro kĩru sɔ̃ɔsi tɑ n kpɑ̃.

Esɑi 63:7

Kon Yinni Gusunɔn durom mɛ u sun kuɑ kpɑrɑ, kpɑ n nùn tɔmɑ ye u sun kuɑn sɔ̃. Kon win tɔn ɡeerun ɡɑri ɡere te u bɛsɛ Isirelibɑ sɔ̃ɔsi win wɔnwɔndu kɑ win kĩi bɑkɑrun sɑɑbu.

Mɑteu 19:17

Yesu nùn sɔ̃ɔwɑ u nɛɛ, mbɑn sɔ̃nɑ ɑ mɑn ɡeɑn kobun ɡɑri bikiɑmɔ. Tɔn turowɑ sɑ̃ɑ ɡeo. À n kĩ ɑ wɑ̃ɑru te tɑ ku rɑ kpe wɑ ɑ woodɑbɑ swĩiyɔ.

Mɑteu 5:45

Nɡe mɛyɑ i ko kɑ sɔ̃ɔsi mɑ i sɑ̃ɑ bɛɛn Bɑɑbɑ wɔrukoon bibu. Domi u sɔ̃ɔ yɑrisiɑmɔ tɔn kɔ̃sobu kɑ tɔn ɡeobun mi. U ɡurɑ nɛɛsiɑmɔ ɡeeɡibu kɑ ɡee sɑriruɡibun mi.

Mɑɑku 10:18

Mɑ Yesu nùn bikiɑ u nɛɛ, mbɑn sɔ̃nɑ ɑ mɑn sokumɔ tɔn ɡeo. Goo sɑri wi u sɑ̃ɑ ɡeo, mɑ n kun Gusunɔ turo.

Luku 18:19

Yesu nɛɛ, mbɑn sɔ̃nɑ ɑ mɑn sokumɔ ɡeo. Goo sɑri wi u sɑ̃ɑ ɡeo mɑ n kun mɔ Gusunɔ turo.