Womusu 119:49 - Bibeli Gusunɔn Gari

⁴⁹ Wee ɑ mɑn yĩiyɔbu wɛ̃. A wunɛn nɔɔ mwɛɛru yɑɑyo te ɑ nɛ, wunɛn sɔm kowo kuɑ.

Womusu 119:49 ပူးပေါင်းရင်းမြစ်များ

Torubu 32:9

Mɑ u nɛɛ, bɑɑ Esɑu ù n nɑ u sube teeru wɔri u tu kɑmiɑ, te tɑ tie tɑ koo yɑri bɑɑni.

Torubu 8:1

Adɑmɑ Gusunɔ kun Nɔwɛ duɑri kɑ ɡbeeku yɛɛ kpuro kɑ yɑɑ sɑbe ni kpuro yi yi kɑ nùn wɑ̃ɑ kpɑkoro te sɔɔ. Mɑ u derɑ woo ɡɑ kuɑ tem sɔɔ mɑ nim mɛ, mu kɑɑrɑm toruɑ.

Sɑmuɛli II 5:2

Bɑɑ yellun di sɑɑ ye Sɔɔlu u wɑ̃ɑ u sɑ̃ɑ bɛsɛn sunɔ, wunɑ ɑ rɑ sun mɛnnɛ ɑ sun kpɑrɑ su kɑ tɑbu dɑ su kɑ wurɑmɑ. Yinni Gusunɔ u mɑɑ nun sɔ̃ɔwɑ mɑ wunɑ kɑɑ ko bɛsɛn wiruɡii kpɑ ɑ bɛsɛ win tɔmbu kpɑrɑ.

Sɑmuɛli II 7:25

Ǹ n mɛn nɑ, Yinni, ɡɑri yi ɑ ɡeruɑ nɛ kɑ nɛn bweserun sɔ̃, ɑ de yi koorɑ sere kɑ bɑɑdommɑɔ.

Yoobu 7:7

A yɑɑyo mɑ nɛn wɑ̃ɑrɑ sɑ̃ɑwɑ wɛ̃siɑ teeru. Nɛn nɔni kun mɑɑ durom wɑsi.

Womusu 105:2

I nùn womu kuo. I win sɔm mɑɑmɑɑkiɡinu kpɑro.

Womusu 105:42

Domi u win nɔɔ mwɛɛ dɛɛrɑ te yɑɑye te u win sɔm kowo Aburɑhɑmu kuɑ.

Womusu 106:4

Yinni Gusunɔ, ɑ mɑn yɑɑyo durom mɛ ɑ rɑ wunɛn tɔmbu kuen sɔ̃. A mɑn yɑɑyo kpɑ ɑ bu somi.

Womusu 106:45

A wunɛn ɑrukɑwɑni yɑɑyɑ. Mɑ ɑ ben wɔnwɔndu wɑ wunɛn durom bɑkɑm sɔ̃.

Womusu 119:147

Nɑ rɑ kɑnɑru kowɑ yɑm mu sere sɑ̃rɑ, kpɑ nɑ n wunɛn nɔɔ mwɛɛnu nɑɑnɛ sɑ̃ɑ.

Womusu 119:43

A ku wunɛn ɡem wunɑ nɛn nɔɔn di, nɑ yĩiyɔbu mɔ wunɛn siribu sɔɔ.

Womusu 119:74

Be bɑ nun nɑsie, bɑ̀ n mɑn wɑ, bɑ rɑ nuku dobu kowɑ. Domi nɑ wunɛn nɔɔ mwɛɛru nɑɑnɛ sɑ̃ɑ.

Womusu 119:81

Nɑ kɑsu ɑ mɑn fɑɑbɑ ko. Nɑ wunɛn nɔɔ mwɛɛru nɑɑnɛ sɑ̃ɑ.

Womusu 71:14

Adɑmɑ nɛ, wunɑ nɑ yĩiyɔ. Nɑ kon nun siɑrɑmɔwɑ nɑ n dɔɔ.

Esɑi 62:6

Wunɛ Yerusɑlɛmu, nɑ derɑ ɡɑbɑ sɑ̃ɑ nɡe wuu kɔ̃sobu be bɑ rɑ n yɔ̃ ɡbɑ̃rɑru wɔllɔ, bɑ ǹ nɔɔ mɑrimɔ sɔ̃ɔ sɔɔ kɑ wɔ̃kuru. Bɛɛ wuu kɔ̃sobu, bɛɛ be i nɛ, Yinni Gusunɔ Yerusɑlɛmun ɡɑri yɑɑyɑsiɑmɔ, i ku wɛ̃rɑ.

Romu 15:13

Kpɑ Gusunɔ wi u sun yĩiyɔbu wɛ̃ɛmɔ u bɛɛ nuku dobu kpuro kɑ bɔri yɛndu kpuro yibiɑ bɛɛn nɑɑnɛ dokebun sɔ̃ kpɑ i n yĩiyɔbu mɔ n bɑnde sɑɑ Hunde Dɛɛron dɑm di.

Piɛɛ I 1:13

Yen sɔ̃, i de i n tii sɛ. I ku dom yĩbiri, kpɑ i n durom mɛ yĩiyɔ kɑm kɑm mɛ bɑ koo bɛɛ wɛ̃ sɑnɑm mɛ Yesu Kirisi koo kurɑmɑ.

Piɛɛ I 1:21

Sɑɑ win min diyɑ i Gusunɔ nɑɑnɛ doke wi u nùn seeyɑ ɡɔrin di mɑ u nùn yiiko wɛ̃. Nɡe mɛyɑ i bɛɛn nɑɑnɛ kɑ bɛɛn yĩiyɔbu doke Gusunɔ sɔɔ.