Womusu 119:36 - Bibeli Gusunɔn Gari

³⁶ A de nɛn bwɛ̃rɑ yu wurɑ ye sɔɔ. A ku de nɛn kĩru tu wurɑ ɡobi ɡiɑ.

Womusu 119:36 ပူးပေါင်းရင်းမြစ်များ

Sinɑmbu I 8:58

U bɛsɛn bwɛ̃rɑ ɡɔsio win mi ɡiɑ kpɑ su kpĩ su win swɛɛ kpuro swĩi su win woodɑbɑ kɑ win yiirebu kpuro mɛm nɔɔwɑ bi u bɛsɛn bɑɑbɑbɑ wɛ̃.

Womusu 10:3

Tɔn kɔ̃sobɑ woo kɑnɑmɔ. Ye ben ɡɔ̃ru ɡɑ binɛ sɑ̃ɑ, yerɑ bɑ rɑ kɑsu. Bɑ̀ n ye wɑ, kpɑ bu Gusunɔ wɔmɛ bu nùn yɑɑkoru koosi.

Womusu 141:4

A ku de nɛn ɡɔ̃ru ɡu dɑ kɔ̃sɑ ɡiɑ. A ku de n kom kɔ̃sum ko kɑ be bɑ ɡem sɑriru swĩi. A ku de n kɑ bu tɔ̃ɔ bɑkɑ dim di.

Womusu 51:10

A mɑn nuku dobu wɛ̃ɛyɔ kpɑ nɑ n dɛsinu kɑrɑmɔ. Bɑɑ mɛ ɑ nɛn ɡɔmɑ dwiiyɑsiɑ, kon kpɑm yɛ̃ɛri.

Yɑribu 18:21

Kpɑ ɑ ɡɑbu ɡɔsi be sɔɔ, be bɑ koo kpĩ bu bu kpɑrɑ kpɑ yɛ̃robɑ n sɑ̃ɑ be bɑ Gusunɔ nɑsie, bɑ ɡem swĩi, bɑ ku rɑ nɔm birɑn kɛ̃nu mwɛ. Kpɑ ɑ ben ɡɑbu ko tɔmbu nɔrɔbun (1.000) wiruɡibu, ɡɑbu mɑɑ wunɔbun (100) wiruɡibu, ɡɑbu weerɑɑkurun wiruɡibu, ɡɑbu mɑɑ wɔkurun wiruɡibu.

Yeremi 32:39

Kon de bɑ n wɑ̃ɑ nɔɔ tiɑ sɔɔ bɑ n kookoo teesu mɔ̀, kpɑ bɑ n mɑn nɑsie bɑɑdommɑ. Yerɑ yɑ koo de bɑ n nuku dobu mɔ sere kɑ ben bibun bibɔ.

Esekiɛli 33:31

Mɑ bɑ nɑɑmɔ dɑbi dɑbinu bɑ nun swɑɑ dɑki. Adɑmɑ bɑ ǹ mɔ̀ ye ɑ bu sɔ̃ɔmɔ. Bɑ wunɛn ɡɑri yɑɑkoru sɑ̃ɑ mɑ bɑ ben tii tiin ɑrufɑɑni nɑɑ ɡire.

Hɑbɑkuku 2:9

Bɔ̃rurowɑ wi u dukiɑ ɡurɑmɔ ye yɑ ǹ dɛɛre win berusebun mi, kpɑ u wɑ u n wɑ̃ɑ ɑye bɛɛrɛɡiru sɔɔ, mi u ǹ mɑɑ nɔni swɑ̃ɑru wɑsi.

Luku 12:15

Mɑ u bu sɔ̃ɔwɑ u nɛɛ, bɑ n ben tii lɑɑkɑri sɑ̃ɑ ɡem ɡem kɑ binɛ bɑɑyere, domi dukiɑn kpɑ̃ɑrɑ kun tɔnun wɑ̃ɑrun wiru.

Luku 16:14

Fɑlisibɑ be bɑ ɡobin kĩru mɔ, bɑ ye kpuro swɑɑ dɑki mɑ bɑ Yesu nɔɔ swiikinu mɔ̀.

Efesu 5:3

Yèn sɔ̃ i sɑ̃ɑ nɑɑnɛ dokeobu i ku de kɔ̃ɔ mɛnnɑbu tɑntɑnɑru sɔɔ ǹ kun mɛ dɑɑ disinuɡiɑ ǹ kun mɛ binɛ, yen ɡɑɑ yu nɔɔrɑ bɛɛn suunu sɔɔ.

Kolose 3:5

Ǹ n mɛn nɑ, i hɑnduniɑn kĩrun ɡɑ̃ɑnu kpuro ɡoowo ni nu sɔmburu mɔ̀ bɛɛ sɔɔ, niyɑ kɔ̃ɔ mɛnnɑbu tɑntɑnɑru sɔɔ, kɑ dɑɑ disinuɡiɑ, kɑ wɑsin binɛ, kɑ kĩru kɑnkɑm, kɑ kɔdɛ, domi kɔdɛ yɑ sɑ̃ɑwɑ nɡe bũu sɑ̃ɑru.

Timɔte I 6:17

A tem mɛn ɑrumɑniɡibun lɑɑkɑri seeyo bu ku woo kɑnɑ bu ku rɑɑ mɑɑ ben yĩiyɔbu yi dukiɑ ye yɑ koo kpe sɔɔ. Adɑmɑ bu bu yiiyo Gusunɔ sɔɔ wi u sun kpuro wɛ̃ɛmɔ kɑ nuku tiɑ bɛsɛn nuku dobun sɔ̃.

Heberu 13:5

I ku de ɡobin kĩru tɑ n bɛɛ nɛni. I de ye i mɔ yu kɑ bɛɛ nɛrenɑ domi Gusunɔ u nɛɛ, “Nɑ ǹ nun derimɔ pɑi, mɛyɑ nɑ ǹ mɑɑ nun biru kisimɔ kɑ bɑɑdommɑɔ.”

Piɛɛ II 2:14

Bɑ rɑ n sɑkɑrɑrun nɔni mɔ, torɑnu ku rɑ bu turi. Bɑ rɑ be bɑ kun yɔ̃ dim dim yinɑ mwɛ. Ben ɡɔ̃ru ɡɑ binɛn dɔɔnɛ mɔ. Gusunɔ u bu bɔ̃rusi.

Piɛɛ II 2:3

Keu koosio weesuɡii ben binɛn sɔ̃, bɑ koo bɛɛ tɑki di kɑ ben ɡɑri yi bɑ bwisikɑ bɑ sekɑ. Adɑmɑ sɑɑ tɛɛbun di ben siri kowo sɔɔru sɑ̃ɑ u kɑ bu siri. Wi u koo mɑɑ bu kɑm koosiɑ u ǹ dò.