Womusu 119:176 - Bibeli Gusunɔn Gari

¹⁷⁶ Wee nɑ sirenɛ nɡe yɑ̃ɑ te tɑ kɔ̃ɔre. A nɛ, wunɛn sɔm kowo kɑsuo, nɑ ǹ wunɛn woodɑbɑ duɑrimɔ.

Womusu 119:176 ပူးပေါင်းရင်းမြစ်များ

Womusu 119:16

Nɑ kon nuku dobu ko wunɛn ɡere sɔɔ. Nɑ ǹ mɑɑ wunɛn ɡɑri duɑrimɔ.

Womusu 119:61

Tɔn kɔ̃sobun yini mɑn sikerenɛ. Adɑmɑ kɑ mɛ, nɑ ǹ wunɛn ɡɑri deri.

Womusu 119:93

Nɑ ǹ wunɛn ɡere duɑrimɔ pɑi, domi yerɑ yɑ mɑn wɑ̃ɑru wɛ̃ɛmɔ.

Womu Duro 1:4

A mɑn tii ɡɑwemɑ kpɑ su nun nɑɑ swĩi kɑ dukɑ. A sɑ̃ɑwɑ nɛn sunɔ, ɑ kɑ mɑn doo wunɛn wɑ̃ɑ yerɔ. Wunɛn sɑɑbuwɑ sɑ nuku dobu mɔ. Wunɛn kĩru tɑ tɑm dobu kere. Bɑ ɡem mɔ be bɑ nun kĩ.

Esɑi 53:6

Sɑ rɑɑ yɑrinɛwɑ bɛsɛ kpuro nɡe yɑ̃ɑ ni nu kɔ̃ɔre. Bɑɑwure u win swɑɑ swĩi ye u kĩ. Mɑ Gusunɔ u nùn sɛɛyɑsiɑ bɛsɛn torɑnun sɔ̃.

Yeremi 31:18

Nɑ Isirelibɑn nɔɔ nɔɔmɔ bɑ weeweenu mɔ̀, bɑ mɔ̀, n de bu wurɑmɑ nɛn mi kɑ ɡem. Bɑ sɑ̃ɑwɑ nɡe nɑɑ buu ɡe ɡɑ ɡen tii kpɑre, mɑ nɑ bu sɛɛyɑsiɑ. Domi nɛnɑ nɑ sɑ̃ɑ Gusunɔ ben Yinni.

Yeremi 50:6

Be, nɛn tɔmbu, wee bɑ sɑ̃ɑ nɡe yɑ̃ɑ ɡɔ̃ɔ ɡe ɡɑ rɑɑ kɔ̃ɔre. Ben kpɑrobɑ rɑɑ bu kɔ̃ bɑ derɑ bɑ sirenɛ ɡuunu wɔllɔ bɑ ɡɑsirimɔ ɡee kɑ ɡiɔ, sere bɑ ben wɑ̃ɑ yeru duɑri.

Esekiɛli 34:16

Kon ni nu kɔ̃ɔrɑ kɑsumɑ n kɑ nɑ. Kpɑ n ni nu mɛɛrɑ wɑn bosu tim doke. Kpɑ n mɑɑ ni nu bɑrɔ nɔɔri nu dɑm ko. Adɑmɑ kon ni nu bɔɔru ɡo. Nɛn tiiwɑ kon nɛn yɑ̃ɑnu kpɑrɑ ɡem sɔɔ.

Esekiɛli 34:6

Mɑ nu sirenɛ ɡuunu kɑ ɡunɡunu wɔllɔ nu yɑrinɛ tem kpuro sɔɔ. Goo kun nin bwisikunu kue u sere mɑm nu kɑsum dɑ.

Osee 4:6

Wee nɛn tɔmbɑ ɡbimɔ yèn sɔ̃ bɑ ǹ mɑn yɛ̃. Adɑmɑ wunɛn tii, ɑ yinɑ ɑ mɑn wurɑ. Yen sɔ̃, kon nun yinɑ kpɑ ɑ kun mɑɑ sɑ̃ɑ nɛn yɑ̃ku kowo tɔnwero. Nɡe mɛ ɑ nɛ, Yinni Gusunɔn woodɑbɑ duɑri, nɡe mɛyɑ kon mɑɑ wunɛn bibu duɑri.

Mɑteu 10:6

Adɑmɑ i doo Isirelibɑn mi, be bɑ kɔ̃ɔrɑ nɡe yɑ̃ɑnu.

Mɑteu 15:24

U bu wisɑ u nɛɛ, Isirelibɑ tɔnɑn miyɑ bɑ mɑn ɡɔrimɑ be, be bɑ kɔ̃ɔre nɡe yɑ̃ɑnu.

Luku 19:10

Domi Tɔnun Bii u nɑwɑ u kɑ kɑsu be bɑ kɔ̃ɔrɑ u bu fɑɑbɑ ko.

Yohɑnu 10:16

Nɑ mɑɑ yɑ̃ɑnu ɡɑnu mɔ ni nu kun wɑ̃ɑ yɑ̃ɑ ɡɔ̃ɔ teni sɔɔ. Niyɑ nɑ ǹ kon ko nɑ kun mɑɑ kɑ nɛ. Nu koo mɑɑ nɛn nɔɔ nɔ, kpɑ nu ko ɡɔ̃ɔ teeru, kpɑ nu n kpɑro turo mɔ.

Gɑlɑti 4:9

Adɑmɑ tɛ̃ nɡe mɛ i Gusunɔ wurɑ, nɡe n mɑm nɛɛre, Gusunɔ u bɛɛ wurɑ, ɑmɔnɑ i kɑ kĩ i ɡɔsirɑ hɑnduniɑn bũnun mi, ni nu ǹ dɑm kɑ bɛɛrɛ mɔ. Mbɑn sɔ̃nɑ i kĩ i mɑɑ ko nin yobu.

Filipi 2:13

Domi Gusunɔwɑ u sɔmburu mɔ̀ bɛɛ sɔɔ kpɑ i n kɑ ɡɔ̃ru kĩru mɔ te tɑ koo ko ye n koo nùn dore.

Yɑkɔbu 1:17

Kɛ̃ɛ ɡeeru bɑɑtere kɑ kɛ̃ɛ burɑnu kpuro sɑɑ wɔllun diyɑ nu rɑ nɛ. Nu mɑɑ weewɑ Gusunɔn min di wi u sɔ̃ɔ kɑ suru tɑkɑ kuɑ. Wiyɑ wi u ku rɑ kɔsi, u ǹ mɑɑ tiro mɔ.

Piɛɛ I 2:25

Domi i rɑɑ sɑ̃ɑwɑ nɡe yɑ̃ɑ ni nu kɔ̃ɔre, ɑdɑmɑ tɛ̃ i wurɑmɑ bɛɛn hunden kpɑron mi, wi u bɛɛ kɔ̃su.