163 Nɑ weesu tusɑ. Mɑ nɑ wunɛn woodɑbɑ kĩ.
Gbɛnɔ kun ɑyeru wɑsi nɛn yɛnuɔ. Mɛyɑ mɑɑ wee kowo u ǹ yɔ̃rɑmɔ nɛn wuswɑɑɔ.
Nɑ kuɑ bwisiɡii wunɛn woodɑbɑn sɔ̃. Yen sɔ̃nɑ nɑ weesun swɛɛ kpuro tusɑ.
Nɑ ɡɔ̃rusu yiruɡibu tusɑ, ɑdɑmɑ nɑ wunɛn woodɑbɑ kĩ.
Nɑ ye kpuro ɡɑrisiwɑ dee dee. Nɑ swɛɛ yi yi ǹ dɛnde kpuro tusɑ.
A de n kɑ weesun swɑɑ tondɑ, kpɑ ɑ mɑn durom kuɑ nɑ n kɑ wunɛn ɡere swĩi.
Nɑ wunɛn woodɑbɑ kĩ. Nɑ rɑ n nuku dobu mɔ ye sɔɔ.
Gemɡii u ku rɑ weesu kɑ̃, ɑdɑmɑ tɔn kɔ̃so u rɑ tii sekuru dokewɑ.
Niyɑ, ɑ ku de nɑ n sɑ̃ɑ wee kowo, kpɑ n ku tɔmbu nɔni wɔ̃ke. A ku mɑɑ de nɑ n sɑ̃ɑ sɑ̃ɑro ǹ kun mɛ ɡobiɡii. A ɡesi mɑn wɛ̃ɛyɔ ye kon di nɑ n kɑ wɑ̃ɑ.
I kɔ̃sɑ tusio kpɑ i ɡeɑ kĩɑ. I de ɡem mu siribu di siri yerɔ. Sɔrɔkudo Gusunɔ, wɔllu kɑ tem Yinni u koo bɛɛ Isirelibɑn tɔn be bɑ tiɑrɑ wɔnwɔndu kuɑ.
I ku de bɛɛn kĩru tɑ n murɑfitiru mɔ. I kɔ̃sɑ dɛsirɑrio, kpɑ i ɡeɑ mɑni dim dim.
Yen sɔ̃, i ku mɑɑ weesu ko. I de bɑɑwure u n dɑ win winsim ɡem sɔ̃ domi sɑ sɑ̃ɑwɑ wɑsi teen doo dookɑ.
Adɑmɑ kom kɔ̃sum kowobɑ kun duɔ wuu ɡe sɔɔ, kɑ dobo dobo kowobu kɑ sɑkɑrɑ kowobu kɑ tɔn ɡowobu kɑ bũu sɑ̃ɔbu kɑ bɑɑwure wi u weesu kĩ u mɔ̀.
