Womusu 119:137 - Bibeli Gusunɔn Gari

¹³⁷ Yinni Gusunɔ, ɑ sɑ̃ɑwɑ ɡemɡii. Wunɛn siribu bu rɑ n sɑ̃ɑwɑ dee dee.

Womusu 119:137 ပူးပေါင်းရင်းမြစ်များ

Ɛsidɑrɑsi 9:15

Gusunɔ bɛsɛ Isirelibɑn Yinni, wunɑ ɑ sɑ̃ɑ ɡemɡii. Bɛsɛ sɑ sɑ̃ɑwɑ be bɑ tiɑrɑ Isirelibɑ sɔɔ. Bɛsɛ wee wunɛn wuswɑɑɔ sɑ torɑ. Sɑ ǹ mɑɑ kpɛ̃ sɑ n kɑ wɑ̃ɑ mɛ wunɛn wuswɑɑɔ.

Nɛɛmi 9:33

A sɑ̃ɑwɑ nɑɑnɛɡii. A mɑɑ kuɑwɑ dee dee ɡɑ̃ɑ ni nu sun deemɑ sɔɔ. Adɑmɑ bɛsɛ, sɑ kuɑwɑ nɑɑnɛ sɑriruɡibu.

Womusu 103:6

Yinni Gusunɔ u rɑ siriwɑ ɡem sɔɔ. U rɑ be bɑ dɑm dɔremɔ wɔre.

Womusu 145:17

Yinni Gusunɔ, ɑ sɑ̃ɑwɑ ɡemɡii wunɛn swɛɛ kpuro sɔɔ. Mɛyɑ ɑ rɑ mɑɑ wunɛn wɔnwɔndu sɔ̃ɔsi sɔmɑ ye ɑ mɔ̀ kpuro sɔɔ.

Womusu 99:4

I Yinni Gusunɔn dɑm wɔlle suo. Domi u sɑ̃ɑwɑ sinɑ boko wi u rɑ ɡem kɑ̃. Yinni Gusunɔ, wunɑ ɑ sun sɔ̃ɔsi nɡe mɛ sɑ ko kɑ bɛsɛn wɑ̃ɑru diisinɑ. Wunɑ ɑ Yɑkɔbun bweseru woodɑ wɛ̃ Isireliɔ.

Yeremi 12:1

Yinni Gusunɔ, ɑ sɑ̃ɑwɑ ɡemɡii bɑɑdommɑ, nɑ ǹ kpɛ̃ n nun siribu soku. Adɑmɑ kɑ mɛ, nɑ kĩ n nun ɡɑ̃ɑnu bikiɑ wunɛn ɡem mɛ sɔɔ. Ye nɑ bikiɑmɔ wee. Mbɑn sɔ̃nɑ durumɡiin wɑ̃ɑru tɑ rɑ n kuurɑmɔ. Mbɑn sɔ̃nɑ ɑ rɑ de be bɑ ǹ nun nɑɑnɛ sɑ̃ɑ bɑ n wɑ̃ɑ bɔri yɛndu sɔɔ.

Dɑniɛli 9:14

Gusunɔ bɛsɛn Yinni, wɑhɑlɑ ye ɑ nɛɛ, sɑ ko wɑ, yerɑ yɑ sun deemɑ. Ye ɑ kuɑ kpuro yɑ sɑ̃ɑwɑ dee dee. Bɛsɛrɑ sɑ ǹ nun mɛm nɔɔwɛ.

Dɑniɛli 9:7

Yinni Gusunɔ, ɑ sɑ̃ɑwɑ ɡemɡii. Bɛsɛrɑ sɑ torɑ. Mɑ sɑ wɑ̃ɑ sekuru sɔɔ ɡisɔ bɛsɛ Yudɑbɑ kɑ be bɑ wɑ̃ɑ Yerusɑlɛmuɔ kɑ Isirelibɑ kpuro be ɑ yɑrinɑsiɑ tontondeɔ kɑ turukuɔ yèn sɔ̃ sɑ ǹ nun mɛm nɔɔwɛ.

Romu 2:5

Adɑmɑ yèn sɔ̃ wunɛn ɡɔ̃ru ɡɑ bɔɔbu ɡɑ deɡɑnɡɑm yibɑ, ɑ wunɛn tii mɔru mɛnnɑmmɛwɑ Gusunɔn mɔrun tɔ̃run sɔ̃ tè sɔɔ u koo tɔmbu siri dee dee

Romu 9:14

Ǹ n mɛn nɑ, mbɑ sɑ ko ɡere. Gusunɔ u sɑ̃ɑwɑ ɡem sɑriruɡii? Aɑwo, bɑɑ fiiko.

Sɔ̃ɔsiru 32:4

Yinni Gusunɔ u sɑ̃ɑwɑ nɡe kperu. U rɑ kowɑ dee dee. Win siribu bu rɑ n dɛɛrewɑ. U sɑ̃ɑwɑ nɑɑnɛɡii, murɑfitiru sɑri win mi. U sɑ̃ɑwɑ ɡemɡii.

Kɑ̃siru 16:7

Yen biru nɑ nɔɔ ɡɑɡu nuɑ sɑɑ yɑ̃ku yeru min di ɡɑ nɛɛ, ɡeemɑ Gusunɔ Yinni dɑm kpuroɡii, wunɛn siribu sɑ̃ɑ ɡem bu mɑɑ dɛnde.

Kɑ̃siru 19:2

Win siribu sɑ̃ɑ ɡem bu mɑɑ dɛnde. Domi u kurɔ tɑnɔ kpoko wi siri wi u hɑnduniɑ kpuro sɑnkɑ kɑ win dɑɑ bɛrɛtɛkɛ mɑ u nùn sɛɛyɑsiɑ yèn sɔ̃ u win sɔm kowobu ɡo.