13 Nɑ nɔɔɡiru suɑ nɑ wunɛn ɡere kpuro kpɑrɑ.
Nɑ ǹ mɑɑ ɡbimɔ, ko nɑ n wɑ̃ɑwɑ, kpɑ n win sɔmɑ ye u kuɑn ɡɑri kpɑrɑ.
Woodɑ be kpuro bɑ dɛɛrewɑ. A de n womu ko ben sɔ̃.
Kon ben ɡɑri sinɑmbu sɔ̃. Nɑ ǹ ko nɑ n mɑɑ wɑ̃ɑ sekuru sɔɔ.
Nɑ win woodɑ mɛm nɔɔwɑ. Nɑ ǹ nùn seesi.
Bɑɑ ɡbee sunɔ kpɛmu ɡɑ rɑ ɡɑsɔ bie ɡu di. Adɑmɑ be bɑ Yinni Gusunɔ kɑsu, ɡɑ̃ɑ ɡeenu kun bu sɑrɑrimɔ.
Gemɡiin nɔɔ, ɡɑri bwisiɡiiyɑ ɡɑ rɑ yɑre. Win yɑrɑ, ɡemɑ yɑ rɑ mɑɑ ɡere.
Sɑɑ ye sɔɔrɑ, kɑɑ ɡiɑ nɡe mɛ kɑɑ kɑ sĩ dee dee. Wunɛn ɡɑri koo sɔ̃ɔsi mɑ ɑ yɛ̃ru mɔ.
Ye nɑ bɛɛ sɔ̃ɔmɔ yɑm wɔ̃kuru sɔɔ, i ye ɡeruo yɑm bururɑm sɔɔ. Ye i mɑɑ nuɑ ɑsiri sɔɔ, i yɔɔwo ɡidɑmbisɑ wɔllɔ i kɑ ye kpuro kpɑrɑ.
Wɑɑ ɡɔsɔrun bweseru bɛɛ! Amɔnɑ i ko kɑ ɡɑri ɡee ɡere bɛɛ be i sɑ̃ɑ tɔn kɔ̃sobu. Domi ye yɑ yibɑ ɡɔ̃ruɔ yɑ yɑrimɔ, yeyɑ nɔɔ ɡɑ ɡerumɔ.
Domi bɛsɛ sɑ ǹ kpɛ̃ sɑ kun ɡeruɑ ye sɑ wɑ kɑ ye sɑ nuɑ.
Woodɑ be nɑ bɛɛ wɛ̃ɛmɔ ɡisɔ, i de bɑ n wɑ̃ɑ bɛɛn ɡɔ̃ruɔ.
I bɛɛn bibu yen keu kuo kpɑ i n dɑ kɑ bu yen ɡɑri ko yɛnuɔ kɑ swɑɑɔ ì n wuu dɔɔ kɑ sɑɑ ye i ko i kpunɑ kɑ sɑɑ ye i seewɑ.
