127 Adɑmɑ nɛ, nɑ ye kĩ n kere wurɑ ɡeɑn tii.
Wunɛn woodɑn mɛm nɔɔbu bu mɑn nuku dobu wɛ̃ɛmɔ nɡe dukiɑ bɑkɑ.
Nɑ wunɛn woodɑbɑ kĩ. Nɑ rɑ n nuku dobu mɔ ye sɔɔ.
Nɑ wunɛn nɔɔn ɡere kĩ n kere ɡɑ̃ɑnu nɔrɔbu (1.000) ye bɑ kuɑ kɑ wurɑ kɑ sii ɡeesu.
Yinni Gusunɔn sɑ̃ɑru tɑ sɑ̃ɑ ɡem. Tɑ ko n wɑ̃ɑwɑ sere kɑ bɑɑdommɑɔ. Ye Yinni Gusunɔ u yi, yɑ sɑ̃ɑwɑ dee dee, yɑ rɑ tɔmbu kpuro siriwɑ.
Tɔnu ù n bwisi kɑ lɑɑkɑri mɔ, n wɑ̃ n kere ù n wurɑ kɑ sii ɡeesu mɔ.
Domi bwisi yi bɛɛrɛ mɔ yɑ kpɑ̃ yɑ burɑ yɑ̃nu kpuro kere. Ye bɑ rɑ kɑsu kpuro sɔɔ, ɡɑ̃ɑnu sɑri ni kɑɑ kɑ yi weesinɑ.
Nɛ wi nɑ sɑ̃ɑ nɑɑnɛ dokeobu kpuron yɑ̃kɑbu, nɛnɑ Gusunɔ u durom mɛni kuɑ n kɑ ɡɑ̃ɑ ɡeenu nɔru sɑri ni nu wɑ̃ɑ Kirisi sɔɔn lɑbɑɑri kpɑrɑ tɔn tukobun mi.
