Womusu 119:125 - Bibeli Gusunɔn Gari

¹²⁵ Nɑ sɑ̃ɑwɑ wunɛn sɔm kowo. A mɑn bwisi kɛ̃ɛyɔ n kɑ wunɛn sɔ̃ɔsiru ɡiɑ.

Womusu 119:125 ပူးပေါင်းရင်းမြစ်များ

Womusu 116:16

Yinni Gusunɔ, ɑ nɛ, wunɛn sɔm kowo swɑɑ dɑkio. Nɑ sɑ̃ɑwɑ wunɛn sɔm kowo tɔn kurɔn bii. Wunɑ ɑ nɛn yorun wɛ̃ɛ burɑ.

Womusu 119:11

Nɑ wunɛn ɡɑri nɛnisi nɛn ɡɔ̃ruɔ kpɑ n ku rɑ kɑ nun torɑri.

Womusu 119:29

A de n kɑ weesun swɑɑ tondɑ, kpɑ ɑ mɑn durom kuɑ nɑ n kɑ wunɛn ɡere swĩi.

Womusu 119:34

A mɑn bwisi kɛ̃ɛyɔ kpɑ n kpĩ n kɑ wunɛn woodɑbɑ mɛm nɔɔwɑ.

Womusu 119:66

A mɑn lɑɑkɑri kɑ bwisi kɛ̃ɛyɔ domi nɑ wunɛn woodɑbɑ nɑɑnɛ sɑ̃ɑ.

Womusu 119:94

Nɑ sɑ̃ɑwɑ wunɛɡii, ɑ mɑn fɑɑbɑ koowo. Wunɛn woodɑbɑrɑ nɑ kĩ n swĩi.

Womusu 86:16

A mɑn mɛɛrimɑ kpɑ ɑ nɛn wɔnwɔndu wɑ. A nɛ, wunɛn sɔm kowo dɑm kɛ̃ɛyɔ, kpɑ ɑ mɑn fɑɑbɑ ko nɛ, wunɛn sɔm kowon bii.

Mɔnnu 14:8

Bwisiɡii u rɑ n win sɑnu sɑnusu lɑɑkɑri sɑ̃ɑwɑ, ɑdɑmɑ ɡɑri bɔkɔ u rɑ kɔ̃ɔrewɑ win ɡɑri bɑkɑrun sɔ̃.

Mɔnnu 9:10

À n kĩ ɑ n bwisi mɔ, ɑ de ɑ ɡinɑ Yinni Gusunɔ nɑsiɑ. À n Gusunɔ Dɛɛro ɡiɑ kɑɑ n yɛ̃ru mɔ.

Romu 6:22

Adɑmɑ tɛ̃ ye i yɑkiɑrɑ torɑrun di i kuɑ Gusunɔn yobu, bɛɛn ɑre sɑ̃ɑ dɑɑ dɛɛrɑ, bɛɛn wii ɡoberu tɑ mɑɑ sɑ̃ɑ wɑ̃ɑru te tɑ ku rɑ kpe.

Timɔte II 2:7

A nɛn ɡɑri yi kpuro bwisikuo yi nɑ nun sɔ̃ɔmɔ mi, domi Yinni u koo nun somi ɑ kɑ kpuro tubu.

Yɑkɔbu 1:5

Bwisi yì n bɛɛn ɡoo kɔmiɛ u Gusunɔ bikio, u koo nùn yi wɛ̃ domi Gusunɔ wiyɑ u yi tɔmbu kpuro wɛ̃ɛmɔ kɑ nuku tiɑ ɡerusibu sɑri.