Womusu 119:116 - Bibeli Gusunɔn Gari

¹¹⁶ Yinni Gusunɔ, ɑ mɑn kɔ̃suo nɑ n kɑ wɑ̃ɑ nɡe mɛ ɑ nɔɔ mwɛɛru kuɑ. A ku mɑn sekuru doke nɛn yĩiyɔbu sɔɔ.

Womusu 119:116 ပူးပေါင်းရင်းမြစ်များ

Womusu 119:17

A nɛ wunɛn sɔm kowo durom kuo kpɑ n wɑ nɑ n wɑ̃ɑ, kpɑ n wɑ n wunɛn ɡere mɛm nɔɔwɑ.

Womusu 119:6

Nɑ̀ n wunɛn woodɑbɑ kpuro lɑɑkɑri sɑ̃ɑ, sɑɑ yerɑ sekurɑ kun mɑn mwɑɑmɔ.

Womusu 25:2

Nɑ nun nɑɑnɛ sɑ̃ɑ. A ku de n sekuru wɑ. A ku de nɛn yibɛrɛbɑ bu mɑn yɛ̃ɛ.

Womusu 37:17

Domi bɑ koo tɔn kɔ̃sobun dɑm kpeerɑsiɑ, ɑdɑmɑ Yinni Gusunɔ u yɔ̃ ɡemɡibun biruɔ.

Womusu 37:24

Ù n sokurɑ u wɔrumɑ, u rɑ sewɑ, domi Yinni Gusunɔ u win nɔmɑ nɛni.

Womusu 41:12

Nɛn yibɛrɛ ù kun mɑn kɑmiɛ, sɑɑ ye sɔɔrɑ kon ɡiɑ mɑ ɑ mɑn kĩ.

Womusu 54:4

Yinni Gusunɔ, ɑ swɑɑ tem kpĩiyɔ kpɑ ɑ nɛn kɑnɑru nɔ.

Womusu 63:8

Domi ɑ sɑ̃ɑwɑ nɛn somiɔ. Nɑ̀ n kukuɑ wunɛn kɑsenun kɔkɔrɔ, nɑ rɑ n nuku dobu mɔ.

Womusu 94:18

Yinni Gusunɔ, nɑ̀ n bɑ̃ɑrimɔ, wunɛn duromɑ mu rɑ de nɑ n tɑ̃sɑ.

Esɑi 41:10

Yen sɔ̃, i ku nɑndɑ, domi nɑ wɑ̃ɑ kɑ bɛɛ. I ku wururɑ i n yɑm mɛɛrɑ nɡe wɔnwɔndobu, domi nɛnɑ nɑ sɑ̃ɑ bɛɛn Yinni. Kon mɑɑ bɛɛ dɑm kɛ̃. Wee nɑ wee n bɛɛ somi, kpɑ n bɛɛ kɔ̃su kɑ nɛn dɑm.

Esɑi 42:1

Yinni Gusunɔ u nɛɛ, nɛn sɔm kowo wee, wi nɑ ɡɔsɑ. Wiyɑ nɑ kɑ wɑ̃ɑ, nɑ mɑɑ nùn kĩ. Nɑ nɛn Hunde doke wi sɔɔ. U koo ɡem ɡɑri kpɑrɑ tɔmbu sɔɔ.

Romu 10:11

Nɡe mɛ bɑ yoruɑ Gusunɔn ɡɑri sɔɔ bɑ nɛɛ, “Bɑɑwure wi u nùn nɑɑnɛ doke, u ǹ sekuru wɑsi.”

Romu 5:5

Tɛ̃, yĩiyɔ bi, bu ku rɑ sun dukiri kue, domi Gusunɔ u win kĩru yibiɑ bɛsɛn ɡɔ̃ruɔ sɑɑ Hunde Dɛɛron min di wi u sun kɑ̃.

Piɛɛ I 2:6

Domi bɑ yoruɑ Gusunɔn ɡɑri sɔɔ, Gusunɔ u nɛɛ, “Nɑ kpee bɛɛrɛɡiru ɡɔsɑ nɑ tu kuɑ ɡɑni ɡɔmburun dɑm Siɔniɔ. Wi u tu nɑɑnɛ doke, u ǹ sekuru wɑsi.”