Womusu 113:4 - Bibeli Gusunɔn Gari

⁴ Yinni Gusunɔwɑ u bwesenu kpuro kere. Win yiiko yɑ wɑ̃ɑ sere wɔnwɔlleɔ.

Womusu 113:4 ပူးပေါင်းရင်းမြစ်များ

Sinɑmbu I 8:27

Adɑmɑ kɑɑ sere kpĩ ɑ sinɑ tem mɛ sɔɔ kɑ ɡem? Domi wɔllɑ kun nun turɑ. Kɑɑ sere ɡere dii te nɑ nun bɑniɑ mini?

Womusu 148:13

bɛɛ kpuro, i Yinni Gusunɔn yĩsiru bɛɛrɛ wɛ̃ɛyɔ. Win yĩsirɑ kpɑ̃. Win ɡirimɑ yɑ wɔllu kɑ tem sɑre.

Womusu 8:1

Dɑfidin womu ɡe u wom kowobun wiruɡii kuɑ. Ge wee.

Womusu 97:9

Domi wunɑ ɑ kpɑ̃ɑru bo hɑnduniɑ kpuro sɔɔ. Wunɑ ɑ mɑɑ bũnu kpuro dɑm kere.

Womusu 99:2

Yinni Gusunɔ u kpɑ̃ Siɔniɔ. Wiyɑ u bwesenu kpuro mɔ.

Esɑi 40:15

Win mi, bwesenu kpuro nu sɑ̃ɑwɑ piiminu nɡe nim burɑ ye yɑ dɑ̃ɑre kotoru sɔɔ. Nu sɑ̃ɑwɑ nɡe kpee tɑnɑ ye yɑ wɑ̃ɑ kilo wɔllɔ, ǹ kun mɛ nɡe tuɑ ye woo ɡɑ kɑ doonɑmɔ.

Esɑi 40:17

Bwesenu kpuro nu ǹ sɑ̃ɑ ɡɑ̃ɑnu win mi. Nu sɑ̃ɑwɑ kɑm dirum.

Esɑi 40:22

Gusunɔwɑ u ɡu swĩi, wi, wi u wɑ̃ɑ wɔllɔ u tɔmbu mɛɛrɑ bɑ sɑ̃ɑ nɡe twee. U wɔllu tɛriɑ nɡe beku te tɑ ǹ bunu. U tu dɛmiɑ nɡe kuu bekuruɡiru u kɑ win wɑ̃ɑ yeru kuɑ.

Esɑi 66:1

Yinni Gusunɔ u nɛɛ, wɔllɑ sɑ̃ɑwɑ nɛn sinɑ ɡɔnɑ, mɑ tem mu sɑ̃ɑ nɛn nɑɑ sɔnditiɑ. Ǹ n mɛn nɑ, dii teren bweserɑ i ko kpĩ i mɑn bɑniɑ. Nɡe wɑ̃ɑ yee terɑ̀ i ko mɑn wɛ̃ nɑ n dɑ n wɛ̃re mi.