Womusu 112:4 - Bibeli Gusunɔn Gari

⁴ Tɔn ɡeo wi u wɔnwɔndu mɔ, u rɑ kɑ tɔnu duure, u mɑɑ sɑ̃ɑ ɡemɡii, wɔ̃kurɑ yɑm dɛɛrɑmɔ win sɔ̃.

Womusu 112:4 ပူးပေါင်းရင်းမြစ်များ

Yoobu 11:17

Wunɛn wɑ̃ɑrɑ koo wurɑmɑwɑ nɡe sɔ̃ɔ wii wɔllun sɔ̃ɔ. Kpɑ yɑm wɔ̃ku te tɑ rɑɑ nun wɑ̃ɑsi, tu ɡɔsiɑ yɑm bururɑm.

Yoobu 22:28

Ye ɑ niɑ kuɑ kpuro, yɑ koo koorɑwɑ. Wunɛn swɛɛ yi ɑ swĩi kpuro, yi ko n dɛɛrewɑ.

Yoobu 29:3

Nɑ kĩ nɑ n wɑ̃ɑ nɡe sɑɑ ye u fitilɑ sɔ̃re nɛn wuswɑɑɔ, mɑ win yɑm bururɑm mɑn yɑm bururɑsie wɔ̃kuru.

Womusu 106:1

I Yinni Gusunɔ siɑro. I Yinni Gusunɔ siɑro, domi u sɑ̃ɑwɑ tɔn ɡeo. Win kĩru tɑ rɑ n wɑ̃ɑwɑ sere kɑ bɑɑdommɑɔ.

Womusu 116:5

Gusunɔ bɛsɛn Yinni u sɑ̃ɑwɑ tɔn ɡeo kɑ ɡemɡii. Mɛyɑ win wɔnwɔndɑ kpɑ̃.

Womusu 145:17

Yinni Gusunɔ, ɑ sɑ̃ɑwɑ ɡemɡii wunɛn swɛɛ kpuro sɔɔ. Mɛyɑ ɑ rɑ mɑɑ wunɛn wɔnwɔndu sɔ̃ɔsi sɔmɑ ye ɑ mɔ̀ kpuro sɔɔ.

Womusu 37:6

U koo de wunɛn ɡem mu sɔ̃ɔsirɑ nɡe sɔ̃ɔ wii wɔllun sɔ̃ɔ.

Womusu 97:11

Yɑm bururɑm mu wɑ̃ɑwɑ ɡemɡiin sɔ̃. Nuku dobu bu wɑ̃ɑwɑ bèn ɡɔ̃ru ɡɑ dɛɛren sɔ̃.

Mɔnnu 21:21

Wi u kɑsu u ko dee dee kpɑ u n sɑ̃ɑ tɔn ɡeo, win wɑ̃ɑrɑ koo dɑkɑɑ dɑ, kpɑ bu nùn ɡem kookoosu sɔ̃ɔsi kɑ bɛɛrɛ.

Esɑi 50:10

Bɛɛ sɔɔ, wi u Yinni Gusunɔ nɑsie, u win sɔm kowon nɔɔ nɔɔwɔ. Wi u sĩimɔ yɑm wɔ̃kuru sɔɔ, u Yinni Gusunɔ nɑɑnɛ koowo, kpɑ u n tɑ̃sɑ wi sɔɔ.

Esɑi 58:10

ì n ɡɔ̃ɔro dĩɑnu wɛ̃, mɑ i mɑɑ sɑ̃ɑro debiɑ, sɑɑ yerɑ i ko yɑri yɑm wɔ̃kurun di, kpɑ yɑm wɔ̃ku te, tu ko nɡe sɔ̃ɔ sɔɔ.

Esɑi 58:8

Sɑɑ yerɑ nɛn durom mu koo bɛɛ nɑɑwɑ nɡe buruku sɔ̃ɔ, kpɑ mi i mɛɛrɑ mɔ yu bɛkurɑ fuuku. Mɛyɑ mɑɑ ɡem mu ko n dɑ n bɛɛ swɑɑ ɡbiiye. Nɛ, Yinni Gusunɔ, nɑ kon kɑ bɛɛ wɑ̃ɑ nɑ n bɛɛ kɔ̃su.

Luku 6:36

I de i n wɔnwɔndu mɔ nɡe mɛ bɛɛn Bɑɑbɑ u wɔnwɔndu mɔ.

Yohɑnu 12:46

Nɛ nɑ nɑ hɑnduniɑɔ nɡe yɑm bururɑm, kpɑ bɑɑwure wi u mɑn nɑɑnɛ doke u kun kɑ wɑ̃ɑ yɑm wɔ̃kuru sɔɔ.

Efesu 4:32

I durom kuɑnɔ kpɑ i n wɔnwɔndu mɔɔsinɛ. I suuru kuɑnɔ nɡe mɛ Gusunɔ u bɛɛ suuru kuɑ Kirisin sɔ̃.

Efesu 5:15

Ǹ n mɛn nɑ, i bɛɛn sɑnu sɑnusu lɑɑkɑri koowo. I ku de i n sĩimɔ nɡe be bɑ ku rɑ bwisiku, ɑdɑmɑ i n sĩimɔ kɑ lɑɑkɑri.

Efesu 5:9

Domi wi u sĩimɔ yɑm bururɑm sɔɔ wiyɑ rɑ n tɔn ɡeerun kom bwese bwesekɑ mɔ̀ kɑ ɡeɑn kobu kɑ mɑɑ ɡem ɡerubu.

Yohɑnu I 2:29

Ì n yɛ̃ mɑ Kirisi u sɑ̃ɑwɑ ɡeeɡii, i n mɑɑ yɛ̃ mɑ bɑɑwure wi u mɔ̀ dee dee, Kirisin biiwɑ.

Yohɑnu I 3:10

Tɛ̃, sɑ ko kpĩ su tubu wi u sɑ̃ɑ Gusunɔn bii kɑ wi u sɑ̃ɑ Setɑmɡii. Bɑɑwure wi u kun ɡeɑ mɔ̀, kɑ mɑɑ wi u kun win beruse kĩ, u ǹ sɑ̃ɑ Gusunɔɡii.

Yohɑnu I 3:7

Nɛn bibu i ku de ɡoo u bɛɛ nɔni wɔ̃ke. Wi u ɡeɑ mɔ̀ u sɑ̃ɑwɑ ɡemɡii, nɡe mɛ Yesun tii u sɑ̃ɑ.