Womusu 111:6 - Bibeli Gusunɔn Gari

⁶ U win tɔmbu win sɔm mɑɑmɑɑkiɡinun dɑm sɔ̃ɔsi ni u kɑ bu tɔn tukobun tem wɛ̃.

Womusu 111:6 ပူးပေါင်းရင်းမြစ်များ

Womusu 103:7

U Mɔwisi win woodɑbɑ sɔ̃ɔsi. Mɑ u Isirelibɑ win sɔm mɑɑmɑɑkiɡinu sɔ̃ɔsi.

Womusu 145:12

bu kɑ wunɛn sɔm mɑɑmɑɑkiɡinu tɔmbu sɔ̃ɔsi kɑ sere wunɛn bɑndun yiikon ɡirimɑ.

Womusu 2:8

U mɑn sɔ̃ɔwɑ u nɛɛ, nɑ̀ n nùn bwesenu kpuro kɑnɑ, u koo mɑn nu wɛ̃. Nɑ̀ n nùn hɑnduniɑn ɡoonu nnɛ kɑnɑ, u koo mɑn ye wɛ̃.

Womusu 44:2

Gusunɔ, sɑ nuɑ kɑ bɛsɛn tiin swɑɑ wunɛn sɔmɑ ye ɑ kuɑ bɛsɛn bɑɑbɑbɑn wɑɑti. Berɑ bɑ sun ye sɔ̃ɔwɑ.

Womusu 44:3

Kɑ wunɛn tiin nɔmɑ ɑ bwese tukunu ɡirɑ. A bwese ni so nu yɑrinɑ, mɑ ɑ bɛsɛn bɑɑbɑbɑ swĩi nin wɑ̃ɑ yenɔ.

Womusu 44:4

Bɛsɛn bɑɑbɑ be, bɑ bwese nin tem mwɑ. N ǹ mɔ yèn sɔ̃ bɑ tɑkobi mɔ, n ǹ mɑɑ mɔ yèn sɔ̃ bɑ dɑm mɔ, ɑdɑmɑ yèn sɔ̃ ɑ bu kĩwɑ mɑ ɑ wɑ̃ɑ kɑ be, mɑ ɑ bu yɑrɑ kɑ wunɛn nɔmu.

Womusu 80:8

Gusunɔ wɔllu kɑ tem Yinni, ɑ sun wɔro. A kɑ sun nɔnu ɡeu mɛɛrio kpɑ su fɑɑbɑ wɑ.

Yosue 6:20

Ye yɑ̃ku kowobu bɑ ben kɔbi so, tɔn be, bɑ yin swĩi nuɑ mɑ bɑ kuuki kuɑ. Yerɑ wuu ɡen ɡbɑ̃rɑrɑ wɔrumɑ. Mɑ ben bɑɑwure u duɑ deedeeru mi u yɔ̃n di. Mɑ bɑ wuu ɡe mwɑ.